JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SEFOPE fasilita formasaun lian inglés ba kandidatu traballadór Austrália

SEFOPE fasilita formasaun lian inglés ba kandidatu traballadór Austrália

Sekretariudu Estadu Formasaun Profisional no Empregu (SEFOPE) servisu hamutuk ho Department of Foreign Affairs and Trade (DFAT) fasilita formasaun lian inglés ba kandidatura traballadór Austrália hamutuk 225, ho durasaun tempu fulan ida.

Tuir Diretor Jeral SEFOPE, Paul Alves, hateten, liu husi ne’e bele aumenta tan traballadór sira nia kapasidade, liu-liu iha área komunikasaun uza lian inglés iha servisu fatin, molok ba servisu iha Austrália.

“Kona-bá disiplina kompañia sira laiha dúvida, maibé kona-bá lingua ne’ebé uza iha servisu fatin sai hanesan preokupasaun ida, tanba ne’e presiza hadi’a komunikasaun traballadór ninian, nune’e bele  rona di’ak instrusaun husi superior iha servisu fatin, para servisu bele la’o ho di’ak tuir espetativa kompañia em termos de komportamentu no mós komunikasaun iha lian inglés ho nune’e númeru traballadór mós bele aumenta”, Paul Alves ba jornalista sira hafoin halo lansamentu ba formasaun lian inglés ba kandidatu traballadór Austrália, iha edifísiu ETDA, Fatuhada-Díli, Kuarta (12-06-2019).

Nia esplika, kandidatura hirak ne’ebé maka tuir formasaun lian inglés, kompostu husi hirak ne’ebé liu ona faze teste no hein de’it bainhira maka kompañia presiza.

“Kandidatu hirak ne’e mai husi hirak ne’ebé pasa ona iha izame fízika no wainhira formasaun remata maka kompañia husu, entaun sira preparadu ona ba servisu iha Austrália, maibé sira balun mós ba ona dala rua ou dala tolu ona,” haktuir Diretór Jeral SEFOPE ne’e.

Iha fatin hanesan, reprezentante Programa Forsa Traballu Embaixada Austrália iha Timor-Leste, Manuel Guimarães, hateten, objetivu prinsipal husi formasaun ne’e, atu fó abilidade lian inglés, ho nune’e traballadór sira bele komunika efetivamente iha servisu fatin.

Lee hotu :   Semana ida ona saneamentu la foti lixu iha Díli laran

“Formasaun ne’e foka liu ba lian inglés, liu-liu ida ne’ebé uza hodi halo komunikasaun iha servisu fatin no programa ida ne’e hanesan kontinuasaun, tanba uluk mós ami servisu hamutuk ho SEFOPE hodi fasilita formasaun hanesan ba kandidatura traballadór Austrália”dehan Manuel.

Entretantu total traballadór ne’ebé ba servisu iha Austrália ba programa seasonal hamutuk rihun 3 resin.ita

 

Add to Comments Here!!!!

error: Content is protected.
Secured By miniOrange
You might also like:
PNTL tenki servisu maka’as prevene konflitu

Reprezentante povu iha Parlamentu Nasionál (PN),...

Komando PNTL kontinua buka tuir suspeitu ta’a ajente polísia Inacio

Maske seidauk kaptura suspeitu ta’a ajente...

DIA 12/06/19 || GMNTV LIVE STREAM || JORNAL NASIONAL KALAN

Close