JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Setembro negro, eis militar INTERFET balun to’o agora sei trauma ■ Riak Leman entrega rai ba veteranu Austrália

Setembro negro, eis militar INTERFET balun to’o agora sei trauma ■ Riak Leman entrega rai ba veteranu Austrália

Eis Militar INTERFET ne’ebé hala’o nia misaun intervensaun iha 20 Setembru 1999 ne’ebé koñesidu Setembru negro ne’e balu sei trauma no sofre moras mental, tanba asiste diretamente crueldade (asasiantu) militar Indonézia oho Timor-oan.

 “Ami veteranus Austrália New Zelandia mai vizita iha Timor-Leste sente kontente ,tamba ne’e hanesan oportunidade diak mai ami atu rekopera hikas eis militar INTERFET ne’ebé uluk hala’o nia misaun paz iha Timor-Leste tinan 1999 ,tamba tropa Indonesia oho Timor oan barak iha ami nia oin ne’e halo eis militar balun to’o agora sei trauma ,balun sei frustasaun,no hetan moras mental, tamba ne’e ho ami nia vizita ne’e sira sente buat todan iha sira nia isin lolon bele hasa’i no sente fresku ,wanhira vizita fali Timor depois Timor-Leste ukun an ona”, dehan Diretór Timor Awakening Program Michael Stone,ba JNSEmanarioiha iha Bairru Riak Bubur Laran,Suku Daisua,Postu Administrativu Same Vila,Munisípiu Manufahi.

Tuir Michel Stone katak eis militar INTERFET, hakarak vizita dala ida tan mai Timor-Leste, hafoin Timor-Leste restaura nia independénsia ba dala 17.

Ho Vizita veteranus Austrália no Eis Militar INTERFET mai Timor-Leste ne’e mós, nudar dalan ida ba sira atu rekopera hikas sira nia  frustasaun, trauma no moras ne’ebé uluk sira hetan wainhira hala’o misaun ba paz iha Timor-Leste iha tinan 1999.

Veteranus Austrália admira ho dezenvolvimentu Timor-Leste nian, tamba dezenvolvimentu Timor nian diferente tebes kompara ho tinan 1999.

“Ami mós admira tebes ,wanhira to’o Timor-Leste hodi hare direitamente progresu dezenvolvimentu iha Timor-Leste la’o kapas tebes uluk iha funu tinan 1999 militar Indonesia sunu uma sai metan hotu ,maibé agora dadaun sai mutin lakan hotu ona”, orgullu Diretór Timor Awakening Program.

Lee hotu :   GMN Holding hala’o atividade karidade ba komunidade Marabia

Tuir sira nia haree, Timor-Leste ne’ebé uluk ema sunu hodi sai metan no mutuk ,dadaun ne’e nakfilak ba mutin hotu liu husi progresu dezenvolvimentu ne’ebé dadaun ne’e kontinua la’o iha Timor-Leste.

Riak Leman entrega rai ba veteranu Austrália

Prezidente Fundasaun Leolaku Manufahi Riak, Vidal de Jesus Riak Leman, entrega rai hektare Lima (5) ba Veteranu sira Austrália, hodi halo konstrusaun ba fatin formasaun lian Inglês.

Eis Sekretariu Rejiaun Kuatru aktual Prezidente Fundasaun Leolaku Manufahi Riak , Vidal de Jesus Riak Leman, hatete objetivu nia  entrega rai ne’e ba veteranus Austrália atu halo salaun formasaun lian Inglês, hodi prepara juventude Munisípiu Manufahi no juventude Munisipiu sira seluk  prepara atu kompete iha kampu servisu, wainhira  dada kadoras mai Timor-Leste.

Veteranu FALINTIL ne’e sente,  sei deve hela povu no seidauk selu sira nia favor, tamba ne’e oferese propriedade rai atu Veteranus Austrália sira hela, hodi hanorin estudante, juventude no veteranus Munisípiu Manufahi, inklui Munisípiu sira seluk, atu sai matenek hodi dezenvolve rai doben ne’e.

“Rai ne’e uluk iha tempu Portuguesa no Indonesia fuik hela ,tamba ne’e hau mai okupa hodi hamutuk rejiaun 4 ho rejiaun 3 hodi sosiu osan hamutuk no konstrui universidade ne’e  nune’e mós ami oferese rai hektare 5 ba veteranu Austrália atu halo konstrusaun ba salaun formasaun lian Inglés ,fatin permanente ida ba sira hodi sira bele hela hodi hanorin lian Inglés ba estudante, juventude no veteranus sira ne’ebé mak hakarak aprende lian refere liu-liu ami hakarak prepara joven sira atu aban bairua dada kadoras mai Timor-Leste sira bele kompete iha kampu servisu no mós bele ba servisu iha Austrália”, dehan  Eis Sekretáriu Rejiaun Kuatru iha tempo resistensia ba JNSemanário iha Bairru Riak Bubur Laran, Suku Daisua, Postu Administrativu Same Vila, Munisípiu Manufahi.

Lee hotu :   PN sei reativa lei protesaun ba labarik

Diretór Timor Awakening Program, Michael Stone ,esplika komunidade veteranu sira Austrália hakarak hala’o konstrusaun iha fatin refere ,tamba konsidera fatin ne’e nu’udar eransa histórika, tamba eis militar Austrália sira hala’o misaun iha fatin refere durante guerra mundial, iha ne’ebe hetan apoiu makas husi povu Manufahi.

Michael Stone ,afirma liu husi konstrusaun ne’ebé apoiu husi veteranu sira Austrália ne’e mós, sei hametin liu tan relasaun amizade entre veteranu sira Timor-Leste ho veteranu sira husi Austrália.

“Ami komunidade veteranus Austrália hakarak konstroi salaun formasaun no fatin permanente ida iha fatin ne’e, tamba fatin nu’udar fatin históriku ida iha tempu Segundu Guerra Mundial komunidade iha ne’e ajuda,apoiu tebes ami nia militar”, hatete Diretór Timor Awakening Program Michael Stone.

Total orsamentu ne’ebé komunidade Veteranus Austrália apoiu ba konstrusaun refere, hamutuk USD 20.000.

Aleinde ne’e, veteranus Austrália mós sei konstroi uma permanente ida ba sira hodi hela atu hanorin lian Inglês ba estudante no juventude sira, hari’i sentru internet, halo irigasaun no água potavél.

Tuir planu kontrusaun salaun formasaun lian Inglês ne’e, sei remata iha fulan Agustu ne’e, antes Timor-Leste komemora loron  INTERFET ba dala 20 iha Timor-Leste, iha loron 20,fulan Setembru, tinan ne’e.tos

 

Add to Comments Here!!!!

error: Content is protected.
Secured By miniOrange
You might also like:
Nasaun 20 husi g7+ asina akordu habelar ezisténsia iha mundu ■Horta nomeadu ba enviadu espesiál g7+

Hafoin enkontru interministerial ba da-lima iha...

Hábitos de leitura raros em Timor-Leste

É reconhecida a falta de hábitos...

DIA 28/06/19 || GMNTV LIVE STREAM || JORNAL NASIONAL KALAN

Close