JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Oho no sunu uma iha Leorema, Alexandrino:Milísia mak halo buat hanesan ne’e

Oho no sunu uma iha Leorema, Alexandrino:Milísia mak halo buat hanesan ne’e

Reprezentante Ministru Interior atual Secretáriu Estadu Protesaun Sivil, Alexandrino Xavier  de Aráujo hateten,  oho ema no sunu komunidade ninia uma, ne’e só milísia de’it  halo buat hanesan ne’e.

Alexandrino Xavier de Aráujo,  hato’o lia hirak ne’e,  wainhira dialogu  ho komunidade Suku Leorema,Postu Administrativu   Bazartete Munisípiu Liquiça Sesta (12/07/19).

 “Husu ba joventude loke kakutak hadomi rai ida ne’e,  la’os hatene mak oho malu de’it ou invés de halo demonstrasaun hetan osan  para fohan o nia vida lae, o meus orsida ba treinu iha ne’eba, iha ne’e, ne’e só milísia de’it  mak ijisti iha rai ida ne’e, sunu uma oho ema, ne’e só milísia de’it  mak halo buat ida ne’e,  ita lakohi ida ne’e mak 24 anos ita duni tiha, ohin mai fali”,esplika Reprezentante Ministru Interior atual Secretáriu Estadu Protesaun Sivil  Alexandrino Xavier de Aráujo.

Alexandrino Xavier de Aráujo dehan, check didiak keta  balun simu orientasaun husi fatin seluk karik, labele halo hanesan ne’e bebéik, tanba rai ida ne’e povu  atu moris hakmatek, Polísia sira mai iha ne’e atu ajuda komunidade, la’os Polísia tau seguransa hanesan fali Indonézia ninia tempu.

Imi husi inan aman sira buat ruma hato’o ba Polísia, depois halo kapturasaun, lalika tauk lalika hakfodak, lalika ragu-ragu, ne’e Estadu.

 “Laiha artemarsiais ida  sama fali Estadu nia ulun ba fali rai, sei la ijisti iha rai ida ne’e. Husu ba hotu-hotu ida sona ema  ne’e krimi prosesu la’o,  no sunu uma prosesu la’o hela, mas povu simu malu hadomi malu nafatin”,Alexandrino  Xavier de Araújo.

Tanba  ne’e  Alexandrino husu ba   komunidade hotu atu kontribui ba estabilidade  hodi dezenvolve nasaun  Timor-Leste ba  oin.

Lee hotu :   CEFTEC kapasita FP iha área komunikasaun, relasaun publikas no protokolu

“Ha’u nia prezensa  iha ne’e  hanesan individu imi labele fiar ba ha’u, mas Minitru Interior Interinu ha’u Estadu atu koalia ba imi hotu, ba inan aman no maun alun alin sira,  artemarsias tempu to’o ona ba dezenvolvimentu, la’os tempu ba ita  atu ataka malu, oho malu, depois presaun ba malu,  komunidade balun halai ladun diak”, dehan Alexandrino Xavier  de Araújo.

Alende ne’e, Komandante PNTL Munisípiu Liquiça Superintendente

Iha fatin reprezentante Joventude Suku Leorema  Almeida Dos Santos, ijize ba Tribunal atu foti  medida regurozu  hasoru autór sira  ne’ebé mak oho  ema nain rua  no hakanek ema nain tolu.

“Husu ba tribunal atu aselera lalais  prosesu ba kazu ómesidu ne’e atu nune’e  komunidade  ne’ebé mak sai vitima bele senti  iha nasaun RDTL ida ne’e, iha duni justisa ho justu”,dehan Almeida Dos Santos.

Nune’e mós Almeida dos Santos, husu ba PNTL atu kaptura lalais suspeitu sira ne’ebé mak  halai subar a’an husi justisa.

“Sé karik  PNTL la kaptura suspeitu sira ne’e, ami familia vitima pronto buka tuir   ema sira oho   ema mate ne’e”,dehan Almeida Dos Santos.

Iha fatin  hanesan Felix dos Santos, husu governu atu tau matan ba komunidade hotu,  ne’ebé mak afetadu  hotu iha kazu Leorema ho justu.

“Agora hanesan amu boot  hateten, atu hadia ema sira ninia uma, ha’u nia oan mate ne’e, hadia sira nian ou lae, ha’u nia oan rua kanek mate ne’e,  governu  ténki tau matan ba sira hotu, governu labele tau matan de’it  ba ema sira ne’ebé mak ahi han ninia uma, ha’u nian mate saugati de’it”,dehan Felix dos Santos.

Lee hotu :   Vaticano convida ‘Lú Olo’ a participar na comemoração dos 30 anos da visita de João Paulo II

Nune’e Felix dos Santos, hatoo ninia lamentasaun, tanba suspeitu sira oho  ninia oan nain rua,  dadauk ne’e Polísia seidauk kaptura no halai ba iha ailaran.

“Ha’u hare’e rasik ho matan,  tanba  mate iha ha’u nia oin, ha’u la halai, tuku malu de’it, ema  ne’ebé mak involve hodi  oho ha’u nia oan  ha’u hatene, ema la involve ha’u hatene, ita labele lori ema matak ne’e ba kadeia hotu, ema ida oho husik nia iha ailaran”,dehan  Felix dos Santos”,dehan Felix dos Santos.

Asistente Luis da Silva hateten, GAM rua ne’ebé mak asalta malu ne’e, husi grupu Persaudaran Setia Hati (PSHT) no grupu Kmanek Oan Rai Klaran (KORK), asalta malu ne’e akontese iha fulan Jullu  tinan 2019,  oras tuku hat loraik.

Liu husi rezultadu asaltu malu ida ne’e ema nain rua mate iha fatin  nain kanek todan  nomós uma 13 hetan sunu, motor 7 hetan sunu.

“Agora dadauk situasaun  ne’ebé mak akompaña operasaun la’o nafatin, agora dadauk autór nain 13 mak ami kaer ona. Nain 13  ami aprezenta ona ba iha Ministériu Públiku, agora  dadauk nain ida mak iha hela prijaun preventive, iha Bekora, seluk liberta hein prosesu ne’e la’o. Autór ida oho ema lolos, iha  nain ida ami kaer ona, nain ida seluk  halai ba ailaran.

Tanba  ne’e ha’u husu ba inan aman sira  diak liu haruka sira entrega a’an de’it”,esplika Luis da Silva.

Luis da Silva, kontinua husu ba komunidade ne’ebé mak halai hases a’an ba ailaran,  tanba tauk ho situasaun ne’e, atu fila-fali sira ninia uma. Tanba  Komando PNTL Liquiça destaka ninia membru sira no membru Unidade Espesial Polísia  Bataliun Ordem Publik.

Lee hotu :   TL tama risku ba rai nakdoko

“Ami nia politika ba oin mak sei buka grupu artemarsiais parte rua ne’e atu tuur hamutuk hodi  entrega fali iha  ida-dak ninia hela fatin.  Xefe Suku Leorema mós involve direta, autoridade Munisípiu sei hare’e fali Xefe Suku ida atu bele  tau matan ba komunidade sira”,dehan Luis da Silva.avi

 

Add to Comments Here!!!!

error: Content is protected.
Secured By miniOrange
You might also like:
DIA 14/07/19|| GMNTV LIVE STREAM || JORNAL AS 12

DIA 13/07/19|| GMNTV LIVE STREAM || JORNAL NASIONAL KALAN

DIA 13/07/19|| GMNTV LIVE STREAM || JORNAL AS 12

Close