JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Bispu Virgílio: Rekonsiliasaun maka dalan ida atu kura kanek

Bispu Virgílio: Rekonsiliasaun maka dalan ida atu kura kanek

Bispu Dioseze Dili, Dom Virgílio do Carmo da Silva, hateten rekonsiliasaun maka dalan ida atu kura kanek nebe hahalok sira uluk nian.

“Ohin halo la’ós sertamente hotu ona, see ita ema ne’e sei moris, ita Fúan sei tuku, raan sei suli, rekonsiliasaun tenke kontinua nafatin, nunka sei bele para, tanba ida ne’e hola parte natureza ita ema ninian, obriga duni ita, tanba rekonsiliasaun mak dalan ida atu kura kanek ne’ebé hahalok sira uluk nian, dalaruma ita husu, tanba sá ita presiza halo rekonsiliasaun, no rekonsiliasaun ne’e vale apena ita halo rekonsiliasaun ida, vale a pena ita harii fila-fali buat ne’ebé rahun tiha ona’’, dehan Bispu Diocese Dili, Dom Virgílio do Carmo da Silva,SDB. iha nia homília, iha Ai-Fú, Suku Poetete, Munisipiu Ermera, Segunda (12/08/2019).

Lider Masimu Diocese Díli nee dehan, rekonsiliasaun ne’e hanesan dalan ida hodi hadame malu, soe atetute ladi’ak iha pasadu no hateke ba Fúturu.

“Ba ha’u pesoalmente, rekonsiliasaun ita presiza nafatin, sekarik seidauk hatán ba ema hotu nia satizfasaun, maibé pelo menos hahú pasu ida. Ita rekoñese buat ne’ebé ita halo, ita brani hakat ba oin. Ita lakohi husik todan ne’e ba iha jerasaun foun, ita hakarak husik hela kultura foun ida, tanba ita hotu-hotu iha mehi ida de’it, hakarak dezenvolve rai doben ida ne’e’’, katak Bispo.

Dom Virgílio dehan bainhira laiha pás, laiha perdaun, dalan kloot nafatin, foin sa’e sira hafúhu malu nafatin, la’o iha dalan sei fihir malu nafatin, dalan sei kloot ba malu.

Amu Bispu louva veteranu Ernesto Fernandes ‘Dudu’ ne’ebé esforsu harii monumentu ne’e, tanba Nai Maromak mak uza hanesan instrumentu hodi ohin-loron fó perdaun ba malu.

Lee hotu :   USAID apoia Laboratóriu ba INS, MS husu formador sira utiliza LPIPB ho di’ak

Bispu konsidera serimónia inaugurasaun ne’e hanesan jestu partikulár ida liuhosi kultura sakit-ain, jestu haraik-aan ninian, kesi-ain hamutuk, tanba interese partidu nian ita foti lian hasoru malu.

Bispu ne’e haktuir, uluk foti kro’at hasoru malu, sobu relasaun família, amizade, agora buka-malu, kesi-ain hamutuk, sinál umildade ninian, sinál haluha-aan no haraik-aan, tau interese aprtidu ba kotuk, hanoin mak povu nia moris iha rai ida ne’e.

‘’Buat ne’ebé liu ona, sai lisaun ida ba jerasaun foun, tanba sirkuntánsias ida maka hakiak tiha ona kultura ida violénsia ninian, no ohin loron iha sirkuntánsias foun mai ita hanorin ita-nian, jerasaun foun, kultura foun, kultura perdaun, kultura rekonsiliasaun, kultura pás ninian. Ne’e duni ambiente foun iha sirkuntánsia ida maka buat hirak ne’e mosu, ohin ita tama iha sirkuntánsia foun, ita brani haree ba kotuk, nune’e hadia hodi hakat ba oin’’, dehan Bispu.Eus

Add to Comments Here!!!!

error: Content is protected.
Secured By miniOrange
You might also like:
Frente diplomátiku hahú 1975 tuir ordem Nicolau Lobato

Líder nasionál, José Ramos Horta, hateten...

Halais ezekusaun OJE, Governu tenki solusiona lista membru pendente

Xefe Bankada Partidu Demokrátiku (PD), António...

Dia 13/08/2019 || GMNTV LIVE STREAM || JORNAL NASIONAL KALAN

Close