JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Família matebian bebé Rivanio rejeita halo rahun vidru HNGV

Família matebian bebé  Rivanio rejeita halo rahun vidru HNGV

Família matebian bebé Rivanio mendes, rezeita baku rahun  vidru sala pediátria Hospital Nasionál Guido Valadares (HNGV), tanba akontesimentu vidru rahun ne’e família atrapailla buka médiku atu salva  bebé nia vida.

Martinho Mendes Pereira hanesan  avo mane husi matebian bebé Rivanio Mendes hateten, deklarasaun  Diretur  HNGV ne’ebé hatete, família matebian bebé Rivano halo rahun vidru HNGV  sala pediatria HNGV ne’e lalos, tanba momentu  médiku pediatria fó informasaun katak, bebé nia is laiha ona, família  atrapailla hodi buka médiku seluk atu salva bebé nia vida, maibé derepenti vidru tarutu no rahun.

“Akontesimentu baku vidru ne’e, ami lahatene tanba diskuti malu ne’e ami diskuti malu duni, maibé baku rahun no baku médiku ne’e ami lahatene, tanba momentu ne’e kalan bo’ot, depois bainhira ami diskuti malu ema hahú mai barak,  entaun ami atrapailla mak ami nia oan, tanba momentu ne’e dutora ida ne’ebé mak piketi iha kalan ne’e, mai  tau eskutador iha labarik nia fuan, depois dehan labarik nia iis laiha ona, inan lasimu,  entaun nia foti labarik kous no nia halai ba mai buka médiku atu salva labarik ne’e, tanba nia inan senti labarik ne’e lamate, tanba nia isin sei manas hela, no antes ne’e mós, labarik ne’e akontese hanesan mate ki’ik tiha mak moris  fali, tanba ne’e nia inan la fiar hodi kous halai tu’un sa’e, maibé laiha ema ida atu mai halo asaun ruma, nune’e  nia inan lori mai hatoba fali iha kama labarik mii, entaun ami senti katak, labarik ne’e lamate, maibé sira hahú hasai dadauk  ekipamentus ne’ebé  kontrola labarik nia iis ne’e”, esplika Martinho Mendes Pereira  ba  GMN liu husi konferensia imprensa iha Postu  Administrativu Hera, Munisípiu Díli, Kinta (8/8/2019).

Lee hotu :   Operasaun hala’o bazeia ba kondisaun pasiente

Martinho Mendes haktuir, kronolojia husi akontesimentu ne’e iha loron  25 mais ou menus tuku 00:Otl,  bebé matebian Rivanio mendes hetan  moras atakasaun derepenti,  no família hakilar hodi buka dutor no husu ajuda ba infermeiru sira  atu fó númeru dutor espesialista ne’ebé piketi iha kalan ne’e, maibé infermeiru sira  rezeita hodi lakohi fó, maibé derepenti dutora ida mosu hodi tau eskurtador ba bebé matebian nia fuan  no lakleur tan fó hatene ba família katak, bebé nia iis laiha tiha ona, sen halo esforsu ruma.

Nia esplika, hafoin rona tiha dutora refere nia liafuan, enfremeira ida muda dadaun oksijéniu no ekipamentus monitorin iha bebé nia ibun ho liman nakdedar.

Maibé ikus mai bebé nia inan rona hela bebé nia fuan fikit liu husi tilun nune’e nia kous sai nia oan hodi halai ba mai buka dutor sira atu salva bebé, maibé laiha médiku no infermeiru ida mak hakbesik  ba bebé ne’e, nune’e liu tiha minutu hat nolu resin lima, bebé nia  is mós kotu duni no polisia hahú nakonu iha sala pediatria hodi obriga família tenki lori sai lalais mate isin bebé husi ospital”, Martinho haktuir.

Nune’e mós inan husi  bebé matebian Rivanio Mendes, Palmira das Dores Simões hatete, momentu akontesimentu ne’e, nia rasik  kous  bebé Rivanio halai tu’un sa’e hodi buka médiku atu bele koko bebé nia kondisaun ho di’ak liu tan, maibé  pesoal saúde sira ne’ebé mak piketi iha kalan ne’e  lakohi atende no buka fatin seguru tanba tauk.

“Ha’u la satisfas  tebes mak  monitorin ne’ebé sira monta iha labarik nia isin hodi haree labarik  nia isin ne’e sei iha kalae ne’e sei la’o nafatin iha númeru 60, maibé sira hasai tiha ona ho liman nakdedar”, lamenta Palmira.

Lee hotu :   MSS hasa’e koñesimentu lider komunitaria

Ho situasaun ne’e, família ameasan sei lori kazu ne’e ba tribunal, tanba família pasiente iha evidensia forte.

 Antes ne’e, Diretur Hospital Nasional Guido Valadares, dutor Aniceto Barreto mós ameasa sei halo asaun fíziku hasoru família pasiente bainhira akontese tan aktu krime iha HNGV.

Matebian bebé Rivanio hakotu is iha Hospital Nasional Guido Valadares iha loron 25 fulan Jullu tinan ne’e, hafoin baixa kuaje  semana ida iha Hospital Nasional Guido Valadares.ola

Add to Comments Here!!!!

error: Content is protected.
Secured By miniOrange
You might also like:
TL hein deit rezultadu sai membru ASEAN ■Dionísio Babo:Iha benefísiu bo’ot ba ekonomia sosial

Ministru Negósiu Estranjeiru no Kooperasaun (MNEK),...

FONGTIL husu PR publika ona tratadu FM iha Jornal Repúblika

Forum Organização Não Governamental (FONGTIL) husu...

Governu atualiza proposta OJE 2020 ba PR Lú Olo

Primeiru Ministru(PM) Taur Matan Ruak atualiza...

Close