JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

TL hein deit rezultadu sai membru ASEAN ■Dionísio Babo:Iha benefísiu bo’ot ba ekonomia sosial

TL hein deit rezultadu sai membru ASEAN ■Dionísio Babo:Iha benefísiu bo’ot ba ekonomia sosial

Ministru Negósiu Estranjeiru no Kooperasaun (MNEK), Dionísio Babo Soares, hatete, hafoin komemorasaun loron konsulta popular iha loron 30 fulan Agusto tinan ne’e, Timor-Leste hein de’it rezultadu husi Asosiasaun Nasaun Sudeste Aziátiku (sigla inglesh ASEAN),  atu hola parte hanesan  membru ASEAN,  tanba esforsu hotu Timor-Leste halo ona.

“Agora ita halo dezenvolvimentu oin–oin hanesan infraestrutura no seluk tan, tinan hira mai Timor-Leste   sei simu Asean nia Xefi sira hotu, ha’u espera katak, depois 30 de Agostu, bele hetan pronunsia husi Asean, ou  husi enkontru iha  fulan Setembru no Outubru tinan ne’e, no tinan oin bele dehan netik buat ruma ba ita”, informa Dionísio ba Jornalista sira Kinta (8/08/2019), iha Embaixada Thailandia Farol Díli.

Nia afirma, kuandu sira mai agora ami sei aprezenta hanoin  balun ba sira, bainhira mak Timor-Leste tama ba ASEAN para depois sira fila bele halo formula, Timor-Leste mós  la ansi katak, aban tama ona ba ASEAN, maibé hakarak de’it  atu bele hatete de’it buat ruma katak, Timor-Leste iha kondisoens para tama ba ASEAN.

“Diplomasia internasional mak  ko’alia nune’e, kredibilidade investor sira dehan Timor mós aban bain rua sai ona membru ASEAN, tanba ne’e ita labele dúvida atu tau ita-nia osan, mas importante liu mak tenki iha pronunsia Timor-Leste sai membru ba  ASEAN”, esklarese Dionísio.

Membru ASEAN iha TL selebra aniversáriu ba dala 52

Membru The Association of Shout East Asia Nations (ASEAN) sira iha Timor- Leste, selebra aniversáriu  ba  dala 52 ASEAN iha Timor-Leste (TL), ho tema ka moto parseria ba sustentabilidade.

Embaixador Indonézia iha Timor-Leste, Sahat Sitorus espera katak, ho aniversáriu ne’e ema hotu iha mundu tomak  bele koñese di’ak liu ASEAN, no hakarak atu halo investimentu  oin-oin iha ASEAN.

Lee hotu :   [:pt]Jerasaun foun konsidera jerasaun tuan egois demais Dioniso : Impasse politiku halo TL frazil liután[:id]Jerasaun foun konsidera jerasaun tuan egois demais Dioniso : Impasse politiku halo TL frazil liután[:en]Jerasaun foun konsidera jerasaun tuan egois demais Dioniso : Impasse politiku halo TL frazil liután[:tl]Jerasaun foun konsidera jerasaun tuan egois demais, Dioniso : Impasse politiku halo TL frazil liután[:]

“Ba Embaixador membru ASEAN hotu, hanesan Brunei Darusalam,  Malázia, Filipina, Thailandia, no seluk tan, ho lideransa Timor-Lest, ha’u hakarak hato’o agradese ho prezensa imi nian iha aniversáriu ASEAN nian ba dala 52, iha ne’ebé Embaixada Thailandia  mak sai uma na’in ba festa aniversáriu ne’e, tinan ne’e espesial tebes,  primeiru tanba ASEAN halo ona tinan 52, klaru atinji ona objetivu barak husi  ASEAN durante ne’e, ba ha’u importante liu mak, ema hotu iha mundu bele kuñese di’ak liu tan ASEAN iha área oin-oin”, relata  Sahat Sitorus.

Nia salienta, banhira selebra aniversáriu ne’e, sira sempre esforsu aan, oinsa atu ASEAN bele hetan kuñesimentu husi ema hotu iha mundu, atu  nune’e bele aproveita servisu hamutuk saida de’it, hanesan Ekonomia, Sosial, Kultura, investimentu no seluk tan.

“Dala ida tan agradese ba governu Timor-Leste, ba mós Laureadu  Nobel da Paz, José Ramos Horta, parseiru ASEAN no seluk tan, ne’ebé iha Timor-Leste, paritisipa iha loron ida ne’e hodi selebra hamutuk aniversáriu ASEAN nian  ba dala 52”, hatutan Sahat Sitorus.

Nune’e mós, Ministru Negósiu Estranjeiru no Kooperasaun (MNEK), Dionísio Babo Soares realsa, ASEAN selebra tinan ba 52, dadaun ne’e ASEAN sai hanesan potensia ekonomia númeru 3 bo’ot, liu iha Ázia, tanba ne’e iha tinan 50 mai ASEAN  bele sai pontensia ekonomia bo’ot liu iha mundu.

“ASEAN nia moto ba tinan ida ne’e, parseria ba sustentabilidade, ne’e katak, nasaun hotu tenki servisu hamutuk dezenvolve hanesan iha pasu  ne’ebé hanesan, atu nune’e bele fó konsentrasaun fokus liu ba dezenvolvimentu ekonómiku, tanba paz no estabilidade iha ona, tanba iha mehi  katak, ASEAN sei sai potensia ekonomia bo’ot Ázia nian iha mundu, ida ne’e vantajen di’ak tebes ba Timor-Leste, atu aposta maka’as ba iha ASEAN”, katak Dionísio Babo.

Lee hotu :   GASI husu públiku tulun vítima inséndiu merkadu Manatuto

Benefísiu bo’ot ba ekonomia sosial

Ministru  Negósiu  Estranjeiru no Kooperasaun, Dionísio Babo, aprezenta relatóriu progresu kona-ba prosesu adezaun Timor-Leste (TL)ba Association of South East Asia Nations (ASEAN) iha Konsellu Ministru, tamba  Timor-Leste nia adezaun ba ASEAN ne’e fo benefísiu bo’ot ba ekonomia sosial.

“Governu konsidera, Timor-Leste nia adezaun ba ASEAN ne’e nu’udar  prioritáriu iha kontestu polítiku esternu nian no sei reprezenta impaktu ida pozitivu ba dezenvolvimentu nasionál ho benefísiu bo’ot ba ekonomia sosial”,Ministru  Reforma Lejislativa no Assuntu Parlamentares, Fidelis Manuel Leite Magalhães, hato’o asuntu ne’e hafoin partisipa reuniaun Konsellu Ministru iha Palásiu Governu, Kuarta (07/08).

Relatóriu ne’e, Ministru  Dionísio Babo, aprezenta hafoin haleu Sekretáriadu ASEAN inklui ba nasaun membru ASEAN iha fulan Jullu tinan ne’e.

Governante ne’e hatete, tinan 2019 sei sai tinan ida desizivu atu halo avaliasaun ida pozitivu konaba Timor-Leste nia kapasidade atu kumpri ezijénsia husi pillar tolu ASEAN nian no tuir kedas adezaun nu’udar Estadu membru.

Fidelis dehan tan, Timor-Leste adere ba forum Rejionál ASEAN nian iha tinan 2005 no entrega ona kandidatura ba Estadu membru ASEAN iha tinan 2011.Oly/Tos

Add to Comments Here!!!!

error: Content is protected.
Secured By miniOrange
You might also like:
FONGTIL husu PR publika ona tratadu FM iha Jornal Repúblika

Forum Organização Não Governamental (FONGTIL) husu...

Governu atualiza proposta OJE 2020 ba PR Lú Olo

Primeiru Ministru(PM) Taur Matan Ruak atualiza...

Dia 09/08/2019 || GMNTV LIVE STREAM || DADER KMANEK

Close