JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT apoia sasán nesesidade báziku ba vítima inséndiu Laclo

CNRT apoia sasán nesesidade báziku ba vítima inséndiu Laclo

Klibur Profisionais Saúde (KPS), Partidu CNRT apoia sasán nesesidade báziku ba vítima inséndiu, iha aldeia Labubu, Suku Laku Mesak, Postu Administrativu Laclo, munisípiu Manatuto.

“Ami husi Klibur Profesionais Saúde CNRT. Ami rona komunidade iha ne’e ahi han komunidade sira nia uma kain hamutuk 12 ,tamba ami husi Klibur Profesionais Saúde CNRT fó tulun hanesan hakman ninia terus ,sasan hirak ne’e mak ami lori fós,mina no supremi“, hatete Vise Prezidente Klibur Profesionais Saúde CNRT , Agapito da Silva Soares ba JNDiário  iha aldeia Labubu, Suku Laku mesak, Postu Administrativu Laclo,munisipiu Manatuto.

Agapito Soares ,hatete objetivu husi apoiu solidaridade ne’e, atu hakman ba susar ne’ebé familia uma kain 12 hetan iha inséndiu ne’ebé akontese iha loron Sia (9),fulan Setembru ne’e.

Vise Prezidente KPS dehan maske apoiu hirak ne’e la barak, maibé  KPS CNRT konsidera, nu’udar umanu iha dever atu apoiu maluk sira ne’ebe hetaan susar.

Primeira Vise  Sekretariu Ezekutivu Organizasaun Juventude Partidu CNRT, Leandro de Sena, hatete  atividade ne’e inisiativa husi KPS CNRT ne’ebe konsidera vitima sira ne’e presiza duni apoiu ba susar ne’ebe sira infrenta dadaun.

Reprezentante vítima inséndiu, Luis Mendonça, agradese ba KPS  CNRT, ne’ebe bele lori apoiu to’o sira nia hela fatin maske ho distansia dook.

Inséndiu ne’e akontese iha loron sia ( 9), fulan Setembru ne’e,  uma 12 mak ahi han mutuk inklui uma lisan ida (1).Dadaun ne’e vítima sira halo uma kiik ida hodi hela provizorio.

Tratamentu saúde  ba komunidade suku Hohorai

Durante viajen ba Laclo, Klibur Profesionais Saúde Partidu CNRT nee mos fó tratamentu saúde ba komunidade suku Hohorai,Postu Administrativu Laclo,munisipu Manatuto.

Lee hotu :   PM Taur: Timor-oan hotu sei hahí eroi ne’ebé mate ba independénsia TL

“Hau lori ami nia ekipa mai to’o iha area remotas ne’e,laos tamba pesoal saúde iha ne’e laiha,maibé komunidade mak hela dok husi postu no sentru saúde sira ,nune’e sira moras ka asidente ruma labele la’o ,tamba dok no estrada ladiak ne’ebé ami fó tratamentu no fó aimoruk tuir sira nia moras ida-idak no reseita doutor sira nian”, dehan  Vise Prezidente Klibur Profesionais Saúde CNRT Agapito da Silva Soares.

Vise Prezidente Klibur Profesionais Saúde CNRT  esplika atividade asistensia saúde gratuita ba komunidade sira iha suku Hohorai hodi Komemora Loron Konsulta Popular 30 de Agusto no tinan 20 misaun INTERFET nian.

Komunidade Suku Hohorai sente orgulu no  agradese ba  KPS  partidu CNRT ne’ebé ho laran kaman hala’o tratamentu gratuita to’o iha sira nia hela fatin. Tamba durante ne’e komunidade sira la ba hala’o tratamentu iha postu no sentru saúde sira, tamba distansia ne’ebe dook.

Iha Tratamentu gratuita ne’e hetan partisipasaun  maxímu husi komunidade iha aldeia Hatuanahu,Anikualaun,Merihuhun, Hatu ermera ne’ebe partense ba suku Hohorai.Tos

Add to Comments Here!!!!

error: Content is protected.
Secured By miniOrange
You might also like:
Amo João de Deus hakotu is iha HNGV

Padre João de Deus Pires SDB,...

Lere: TNI preokupa Fiji apoia Papua Oeste

Xefe Estadu Maiór Jenerál FALINTIL-Forsa Defeza...

PN ajenda ona pedidu viajen PR ba RI ho Japaun

Parlamentu Nasionál (PN), ajenda ona pedidu...

Close