JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Eis artemarsiais iha Fatumeta deklara hakribi violénsia

Eis artemarsiais  iha Fatumeta deklara hakribi violénsia

Reprezenta eis artemarsiais no  arte ritual iha  Bairo Fatumeta, Suku Bairo-Pité,  Postu Administrativu Dom Alexo, Munisípiu Díli, deklara hakribi violénsia hodi kontribui ba dezenvolvimentu iha Timor-Leste (TL).

Relasiona  ho problema  ne’ebé mak akontese  durante ne’e  iha TL, ne’ebé mak deskonfia involve eis grupu artemarisiais  tolu hanesan PSHT, IKS, KORK  no arte ritual,  sai preokupasaun  bo’ot ba sidadaun hotu, inklui juventu sira.

“Ami reprezenta husi grupu eis artemarsiais  no arte ritual  iha Aldeia Fatumeta  no Sinku de Outobru, Suku Bairo-Pité deklara  katak, ami  ne’ebé mak hamahan aan iha eis artemarsiais no arte ritual  iha Bairo Fatumeta, ami  hotu fó liman ba malu  atu mantein paz no estabilidade iha ami nia Bairo laran. Ami sei la halo tan hahalok aat  ne’ebé mak akontese  iha tempu pasadu liu ba”, hatete Porta voz  juventude Fatumeta, Ruben Guterres, liu husi programa semináriu, prevensaun konflitu, Tersa (08/10/19), iha Bairo Fatumeta, Suku Bairo-Pité, Munisípiu  Díli.

Nia haktuir, eis membru artemarsiais  no arte ritual sei kolobora di’ak ho entidade Estadu nian, husi parte seguransa hodi mantein unidade nasionál ba rai doben ida  ne’e.

“Ami husu ba  governu atu kria kampu de traballu ba juventude sira hotu, atu nune’e bele prevene problema sira entre eis grupu artemarsiais no arte ritual”,dehan  Ruben Guterres.

Alíende ne’e Sekretariu Estadu Protesaun Sivíl, Alexandrino Xavier de Araújo,  louva   juventude  Fatumeta ne’ebé mak deklara hakribi  violénsia,  hodi kontribui ba dezenvolvimentu.

“Ita labele nonok de’it, besik ba juventude  fó korajen no motivasaun  ba sira para sira sai lideransa ba  futuru,  hodi kontinua dezenvolve rai ida  ne’e. Tanba  ne’e ohin sira-nia deklarasaun dehan, hakribi krimi ho buat sira ne’e, ida ne’e inisiativa diak ida, modelu diak ida ba fatin seluk bele utuliza modelu ne’e hodi kontinua”,dehan  Alexandrino Xavier de Araújo.

Lee hotu :   PM Taur Matan Ruak: Veteranus seidauk fó kontribuisaun másimu ba dezenvolvimentu nasionál

Tuir Alexandrino Xavier de Araújo, juventude  la’os autór ba krimi maibé, dala ruma individu ida rua, ne’ebé  mak sira-nia joven duni.

“Ita labele jeneraliza  juventude hotu sai kriminozu, juventude sempre fó nia kontribuisaun  iha tempu pasadu ohin  no aban bainrua”,dehan Alexandrino Xavier de Araújo.

Hatan kona-ba juventude sira-nia prekupasaun  ne’ebé mak husu governu atu kria kampu de traballu ba sira, Alexandrino Xavier de Araújo, sei informa kestaun  ne’e  ba Sekretariu Estadu Formasaun Profesional Empregu Julião da Silva.

“Ha’u aseita kona-bá kampu de traballu, ha’u sei ko’alia ho Sekretáriu Estadu Formasaun Profesional Empregu, Julião da Silva, oinsá bele fó atensaun ba juventude fó formasaun barak ba ita-nia juventude sira para sira bele halo buat ruma iha sira-nia fatin”,dehan Alexandrino  Xavier de Araújo.avi

Add to Comments Here!!!!

error: Content is protected.
Secured By miniOrange
You might also like:
PPN deskorda deklarasaun Pe.Juvito do Rego

Prezidente Parlamentu Nasionál (PPN), Arão Noe...

Governu sei konstrui fali uma ba vitima insêndiu iha Ermera

Governu sei prevé orsamentu ba tinan...

Responsável veteranu juramentu iha semitériu herois Metinaru

Ekipa responsável klandestina, sei halo juramentu...

Close