MRLAP Fidelis Magalhães tuir teste karta kondusaun

Ministru  Reforma Lejislativa Asuntu Parlamentar (MRLAP), Fidelis Magalhães, Kinta (10/10), tui teste hasai karta kondusaun motor, iha Akanunu, suku Hera, Postu Administrativu Kristu rei, Munsipiu Díli.

Ministru Reforma Lejislativa Asuntu Parlamentar, Fidelis Magalhães hatete, nu’udar sidadaun tenke kumpri lei ne’ebé mak iha, no dever katak hatene duni mak bele hetan karta kondusaun.

“Ita hotu nudar sidadaun iha dever no lei hatete hanesan ne’e, tenke tuir, tenke teste, ita tenke hatene duni mak hetan karta kodusaun,” dehan, Governante ne’e ba Joralista sira.

Nune’e mós, Xefe Departamentu Karta Kondusaun, Diresaun Nasional Teransporte Terrestre, Florentina Bento Alves Pereira, hateten prezensa Ministru Reforma Lejislativa Asuntu Parlamentar Fidelis Magalhães, nu’udar ezemplu no presiza banati tuir husi ministru sira seluk.

“Ami orgullu tebes foin primeira vez, ita haree ministru iha atensaun para bele mai tuir prosedur ne’ebe mak iha, ne’ebe ami husu sé bele ministru sira seluk bele halo tuir Ministru Fidelis Magalhães mai halo izame,” dehan Florentina Pereira.

Governante nee teste tuir prosedimentu ne’ebé establese, iha Diresaun Nasionál Transporte Terréstres Timor- Leste nian.

Forma iha loket primeiru hodi rejista naran, hatama dokumentu no kumpri prosesu administrasaun, hafoin kontinua hakat ba sala ezame izame eskrita no orál.

Hafoin remata izame eskrita no oral, governante ne’e tuir kedas prátika ka teste lori motor tama sai roda nebe ekipa izamindaor sira prepara ona.

Tuir dadus ne’ebé mak iha Diresaun Nasionál Transporte Terréstres Akanuno – Hera, rejista ona motorista sira ne’ebé trata karta kondusaun to’o oras ne’e dadaun kuaze 8000 resin. Eus