JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Problema lixu iha Díli, Bianco: Presiza jestor di’ak ida asegura lixu

Problema lixu iha Díli, Bianco: Presiza jestor di’ak ida asegura lixu

Deputadu husi bankada FRETILIN, Antoninho Bianco hateten, atu asegura lixu iha kapital Díli presiza pesoal ou jestor di’ak ida, atu oinsa kria estratéjia hodi jere lixu hirak ne’ebé mak komunidade sira produz.

Tuir nia, mezmu dekretu lei kona-bá lixu iha ona, maibé dau-daun ne’e kestaun sé mak ka’er jestaun ne’e.

“Ha’u hanoin kona-bá lixu ne’e dekretu lei iha tiha hotu ona no tinan-tinan governu tau osan, agora sé mak halo jestaun ne’e iha kraik, sé osan iha no kada tinan aloka, entaun tanba sá mak lixu ne’e sei husik hela hanesan ne’e, agora hau observa loro-loron lixu ne’e la’os povu simples ne’e mak tau, maibé ema sira ne’ebé iha loja bo-boot sira ne’e mak fakar hotu lixu iha sira nia fatin, sé hanesan ne’e, sé mak halo jestaun no kontrola ba buat ne’e, iha tempu kalan pelumenus tau matan, dadersan kuandu ha’u la’o iha tasi ibun haree lixu bara-barak loos, berarti ema sira ne’ebé tau matan ba lixu iha fatin ne’e kalan laiha, tuir loloos tenki tau matan no sansaun mós aplika, tanba iha regras tiha ona, hanesan fó sansaun ba sé mak soe kaleng (lata mamuk-red) no sigaru rohan laiha  aplikasaun sansaun”, deputadu husi bankada FRETILIN ne’e ba GMN hafoin partisipa Grande Entrevista iha Studio 2 GMN, relasiona ho lixu ne’ebé kontinua buras iha Díli, Sesta (04-10-2019).

Antoninho esplika, kestaun agora sé mak atu halo jestaun no kontrola lixu sira ne’e, tanba tuir loloos tenki tau matan di-di’ak lixu iha Díli no mós rezolve lixu iha Tibar, sé la’e bele afeta ba ema nia saúde.

Lee hotu :   TL sei hein desizaun sai membru ASEAN

“Ami deputadu kuaze tinan tau osan barak liu iha Díli ne’e, agora lixu iha Díli ne’e labele resolve, sá tan lixu iha parte Tibar ne’ebá, maibé ne’ebá ne’e la’os lixu bai-bain deit, iha mós oli, nune’e kuandu to’o tempu udan bele to’o tasi laran, bele afeta tasi foer hodi ikan no kuandu ema han ikan ne’e bele kona moras, ne’e mak sai kestaun, agora ita hein governu husi nivel munisípiu, jadi administrador sira liga fali ho postu administrativu no to’o suku halo nusa maka halo jestaun para buat ne’e bele di’ak, sera que kareta mak la to’o no osan mak lato’o ou dalaruma tanba kapasidade sira halo jestaun ne’e mak ladi’ak. Ami hanesan reprezentante povu, husi FRETILIN no husi AMP ko’alia bei-beik ona para oinsa fanun governu atu bele halo jestaun di’ak, para lixu iha Díli no iha Tibar ne’e bele resolve tiha, sé la’e bele afeta ba ema nia saúde”, informa deputadu FRETILIN ne’e.

Alende ne’e, reprezentante povu ne’e rekomenda ba líder komunitáriu sira, inklui autoridade munisipal ho governu, atu halo jestaun di’ak hodi rezolve problema lixu refere. mya

Add to Comments Here!!!!

error: Content is protected.
Secured By miniOrange
You might also like:
Sara Lobo Brites : Lei fó dalan ba governu foti osan Fundo Petroleu liu 3%

Ministra Finansas Interina, Sara Lobo Brites,...

PROMETE “DESMANTELAR REDE MAFIOSA” NO SETOR DA JUSTIÇA CÁRCERES: EM BREVE, PÚBLICO VAI SABER

Apesar de o Ministro da Justiça,...

AHI HAN UMA 100 IHA ERMERA, VÍTIMA SIMU ONA APOIU HUMANITÁRIA

Ahi han mutuk uma atus ida...

Close