JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Jerasaun foun konsidera jerasaun tuan egois demais Dioniso : Impasse politiku halo TL frazil liután

Jerasaun foun konsidera jerasaun tuan egois demais  Dioniso : Impasse politiku halo TL frazil liután

Jerasaun Foun konsidera jerasaun tuan egoista demais, tanba finji lakohi tur hamutuk hodi resolve impasse polítiku ne’ebé akontese iha rai laran nebe trava dezenvolvimentu nasaun iha nee.

Juventude Resisténsia Loriku Aswain, Eusebio Goveia, hato’o lia hirak nee ba JNDiário iha ambitu ba komemorasaun  masakre Santa Cruz  12 Novembru ba dala 28 (12/11/ 2019 – 12/11/ 2019), Terasa (12/11),  Santa Cruz Díli.

Eusebio Goveia hatete impasse polítiku ne’e fó impaktu tebes ba moris ema ida-idak nian iha familia, liu-liu aspetu ekonómia no sira seluktán ,tamba ne’e husu ba jerasaun tuan sira labele ódiu malu ka trava malu bebeik  iha vida polítika, tanba situasaun impase politiku, povo mak sai vítima no dezenvolvimentu  nasionál hakdasak.

“Hau husu ba ita nia líder sira sé bele rezolve problema ne’ebé ita fó fiar ona ba sira liu husi votus iha eleisaun no manan ona hodi forma Governu no Estadu tenki rezolve problema impasse politiku ne’e iha tempu badak hodi konsentra halo dezenvolvimentu ba povu ne’e,laos ba interese sira nia pesoal nian ou interese partidaria ne’ebé impede fali maioria nia interese ne’ebé.Hau husu lider sira tenki rezolve impasse ne’e ho lalais ,tamba povu mak sai vitíma fali no imi lider ba nasaun ida ne’e, laos lider ba nasaun seluk”, Sobrevivente 12 Novembro 1991 nee.

Nunee mos Sobrevivente, Moises Saldanha Alberto dehan impase politiku nee tinan 2 ona lider sira la tuur hamutuk hodi resolve.

 “Durante tinan 2 ita nia Governu Timor-Leste ne’ebé seidauk rezolve problema impasse politiku ne’e. Hau sente ne’e fó impaktu bo’ot ba ita nia komunidade povu ki’ik sira nia moris ba ekonómia mós susar tebes ne’e duni hau nu’udar juventude ida uluk iha resisténsia. Hau husu ba ita nia nain ulun sira ba Prezidente Repúblika,Primeiru Ministru buka solusaun atu povu bele ses husi politiku, impasse ne’e para povu labele sofrementu tán ba imi nia politiku sira ne’e hotu ne’e duni ami nu’udar mate restu 12 de Novembru ami husu ba Estadu ho Governu atu rezolve lalais situasaun ne’e, Ami hakarak ukun rasik an ne’e ba moris diak fó susesu ba nasaun rai doben ida ne’e”, dehan Moises Saldanha Alberto.

Lee hotu :   Peste suína afrikana maka ataka fahi iha TL

Iha fatin hanesan Trindade do Amaral Pinto Baptista hatete difrensia opiniaun nee normal iha vida politika hodi haburas demokrasia iha rai laran.

 “Hau fiar lideransa nasionál sira iha konseitu politiku ida ne’ebé maka ida de’it ,laiha diferensia ,maibé normalmente politiku iha mundu tomak iha nasaun ida tenki iha kor ne’ebé diferente para atu lori demokrasia ne’e ba oin ,situasaun ne’ebé mak ita presiza hare maka oinsa lider sira atu konseitu luta ne’e ho interese nasionál ne’ebé ba povu no nasaun nia vida  iha futuru ida ne’e mak importante ,ita labele hateke de’it hodi tau interese politiku partidaria tau a’as liu hodi haluha tiha interese públiku ka ema hotu nian”, dehan Trindade Do Amaral Pinto Baptista.

Nunee mos Sobrevivente, Elsa Kamila Viegas dehan atu resolve impase politiku nee kompetesira ba lider politiku sira.

 “Impasse politiku ne’ebé akontese iha ita nia rai laran lolos ne’e ita nia nai ulun sira mak iha konsiensia atu haoin liu povu no rai ida ne’e oinsa atu hakotu impasse politiku ida ne’e ,husu ba nai ulun sira ba membru Governu nain 9 ne’ebé mak seidauk simu posse sé karik sira rasik hadomi rai ida ne’e buka solusaun hodi hakotu situasaun ne’e ,tamba povu terus dala barak ona laiha ekonómia e buat hotu-hotu laiha ona iha rai laran”, dehan Elsa Kamila Viegas.

Dionisio Babo impasse politiku halo TL sai frazil liután

Iha parte seluk, Ministru Negósiu Estranjeiru no Kooperasaun Dionisio Babo, konsidera, impasse politiku ne’ebé akontese iha rai laran , halo Timor-Leste sai frazil liután.

Paz,Instituisaun  ida ne’ebé forte no inkluzividade paz ne’e sai hanesan kondisaun para atu dezenvolve rai ida-ida iha mundu tomak kuandu laiha paz laiha dezenvolvimentu,maibé Timor-Leste to’o ona iha faze ne’ebé que ita presiza hametin instituisaun Estadu nian entaun fortalesementu institusionál ne’e importante tebes se lae ita frazil hela,ita nia impasse politika ne’ebé agora dadauk mosu ne’e hanesan frazilidade ida mak ne’e iha país ida ne’ebé adiantadu ona frazilidade institusionál ne’e nunka mosu problema bele mosu,dezenvolvimentu bele la’o halo nusa mós instituisaun ne’e tenki forte nafatin bele kaer nafatin hanesan baze ida hodi la’o inkluzividade katak,ita hakarak dezenvolvimentu saida de’it ema hotu hotu tenki tama iha laran labele ema balun tama balun iha liur hela hotu hotu tenki tama iha laran”, dehan   MNEK Dionisio Babo.

Lee hotu :   Rezultadu avaliasaun projetu 143 sei fó sai iha tempu badak

Dionisio, informa, wanhira dezenvovimentu iha nasaun ne’e la’o , tenki iha paz no estabilidade nune’e joven sira bele hakmatek  hodi kontribui ba dezenvolvimentu rai ida ne’e nian iha futuru.

Governante nee dehan oras ne’e situsaun impasse politiku ne’ebé akontese iha rai laran durante tinan 2 resin ona, seidauk hetan solusaun to’o agora, halo ema barak la involve iha dezenvolvimentu nasional, tamba senti la hakmatek ho impase politiku ne’e.

Dipomata  ne’e afirma, alende moris hakmatek, presiza mos hametin liután Instituisaun Estadu nian, nune’e dezenvolvimentu rai laran sei lao diak liután.Tos

Add to Comments Here!!!!

error: Content is protected.
Secured By miniOrange
You might also like:
OJE 2020 ameasadu la pasa iha PN

Orsamentu Jerál Estadu (OJE 2020), ameasadu...

Dependente ba OJE, Tilman: Dezenvolvimentu komérsiu iha TL la’o kadik

Jurista Timor-Oan, Manuel Tilman, konsidera, dezenvolvimentu...

PR Lú Olo : Juventude jerasaun foun tenke hamosu mentalidade foun

Prezidente Repúblika (PR), Francisco Guterres Lú...

Close