JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Timor-oan ne’ebé lakon iha tempu funu hasoru malu ho PR

Timor-oan ne’ebé lakon iha tempu funu hasoru malu ho PR

Timor-oan sira ne’ebé lakon iha funu laran iha tempu okupasaun Indonézia, fila fali mai Timor-Leste hodi buka sira-nia família.

Timor-oan sira ne’e hamutuk 14, kompostu husi mane 11 no feto 3,  lori husi Komisaun Independente lia los no rekonsiliasaun, hodi hasoru malu ho Prezidente Repúblika Francisco Guterres Lú Olo, hodi informa ba Xefe Estadu ne’e katak, sira mak labarik sira ne’ebé lakon iha tempu okupasaun indonézia husi tinan 1975 to’o tinan  1999.

“Organizasaun ne’ebé kompostu husi sosiedade sivíl, hahú husi tinan 2003, halo ekipa konjunta halo reunifikasaun ba dala 7, hahú kedan husi tinan 2014, ita koopera ho organizasaun sosiedade sivíl  iha Indonézia ho Timor, ne’ebé hetan apoiu husi instituisaun Governu nian ita halo programa buka ema lakon, tanba ne’e ohin hasoru malu  Prezidente Repúblika, Francisco Guterres Lú Olo”, dehan Diretur CNC Hugo Fernandes ba Jornalista sira Segunda, (11/11/2019) iha Palásiu Prezidensial Nicolau Lobato Bairo Pité Díli.

Nia haktuir, vítima hirak ne’e lakon iha tempu  indonézia, tanba lori  forsada ba indonézia, tempu ne’eba balun sei tinan 7 no tinan 18, husik kedan tinan 1975 to’o iha tinan 1999, durante okupasaun indonézia kuaze lakon kontaktu ho nia família sira.

“Foin primeira-vez fila mai Timor depois bele hasoru  malu ho sira-nia inan aman, tinan ne’e ita halo ona reunifikasaun ba ema Timor-oan sira ne’ebé mak lakon hamutuk 66, rejistu kuaze ita hetan ona 100 resin maibé, atu lori sira fila mai ne’e, iha difikuldade barak, entaun tinan tinan ita lori ema entre 10 to’o sanulu resin sia no ohin mak ita lori 14”, esklarese Hugo.

Lee hotu :   Xefi suku laiha kompeténsia hapara KPK

Entretantu,  Manuel Oliveira Soares, senti kontenti tebes bele hasoru malu fali ho nia família sira ne’ebé labele atu kompara ho valor saida deit, tanba bele hasoru nia maun ho alin sira, ho Prezidente  Repúblika nia suporta ne’ebé bo’ot tebes.

“Iha hakarak tebes sai sidadaun Timor-oan maibé, ba tempu agora ha’u katuas ona, iha ona oan no bei oan maibé, ha’u fiar ha’u nia oan sira bele mai Timor-Leste, hodi hatene oinsa nia aman nia istória”, Subliña Manuel.oly 

Add to Comments Here!!!!

error: Content is protected.
Secured By miniOrange
You might also like:
TR estuda hela LAP-LFP

Prezidente Tribunal Rekursu (PTR) informa, Tribunal...

PR Lú Olo husu Lugu servisu ho reponsabilidade ba povu RAEOA

Prezidente Repúblika, Francisco Guterres Lú Olo,...

José Ramos Horta: Halakon kiak iha TL hahu husi ukun nain

Eis Prezidente Repúblika, José Ramos Horta,...

Close