JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Tinan oin, okupante rai Estadu hahú selu arendamentu

Tinan oin, okupante rai Estadu hahú selu arendamentu

Tinan oin komunidade (okupante) sira ne’ebé hela iha rai Estadu, hahú selu  arendamentu ba Estadu, tuir polítika VIII Governu nian.

Sekretáriu Estadu Teras no Propriedade, Mario Ximenez,  hatete,  dadaun  ne’e  Governu hari’i ona ekipa ida hodi halo verifikasaun  ba rai no uma Estadu ne’ebé komunidade sira okupa,no halo mós verifikasaun mós ba empreza balu ne’ebé to’o agora seidauk halo arendamentu ba Estadu, no arendamentu ba komunidade sira ne’e sei haree tuir medida uma ne’ebé iha.

 “Timor-Leste konsidera hanesan nasaun ne’ebé adopta sistema semi Prezidensial, hodi fó kompetensia tomak ba Governu hodi adminstra nasaun ne’e, tanba ne’e Governu iha ona planu atu tinan oin ekipa konjunta ida sei hahú halo verifikasaun ba uma no rai Estadu atu halo arendamentu ba Estadu,  no Governu mós iha ona planu atu halo master plan, sei halo bairo foun hodi muda komunidade ne’ebe hela iha  área protezidu”, hatete Mario Ximenez ba GMN iha Kolmera Díli, Sesta (15/11).

Nia afirma, tuir Konstituisaun Republika Demokratika de Timor-Leste (K-RDTL) artigu 54, ema hotu iha direitu ba propriedade privadu no atu hetan ou hasai ema ida nia propriedade privada ba uzu públiku no artigu 58 hatete, ema hotu iha direitu ba nia aan, nia família atu iha uma ida ho nia dimensaun no kondisaun di’ak.

Alende ne’e, tuir rejimi espesial ba definisaun titularidade bens imovel númeru 13/2017 artigu 4 hatete, direitu propriedade ba bens imovel, sei asegura ho kondisaun hanesan ba mane no feto, no bandu kualkér forma atu halo diskriminasaun ba titularidade, asesu jestaun administrasaun gozu transferénsia ka dispozisaun bens imovel nian, tanba Governu mós iha ona planu atu ema hotu bele la’o tuir lei ne’ebé iha.

Lee hotu :   Komunidade uma ka’in 34 suku Abat Oan asesu ona bee moos

Iha sorin seluk, habitante Elvis Maria de Deus ne’ebé durante ne’e okupa uma Estadu hatete, sira prontu atu koopera ho Governu hodi halo arendamentu ba Estadu.

Maibé iha parte balun, komunidade sira mós preokupa ho sira-nia hela fatin, tanba mota rua mak habit hela sira, nune’e bainhira udan tu’un bele ameasa sira-nia vida.

Sekretáriu Autoridade Munisípiu Díli, Zeca Smith hatete, Munisípiu Díli nia kna’ar ida mak halo enkontru regular ho Autoridade Lokal hodi halo sensibilizasaun bei-beik kona bá komunidade sira liu husi aviza no fó orientasaun atu nune’e komunidade sira labele halo uma iha rai Estadu no área protezidu sira.

“Maibé mentalidade ita-nia komunidade sira ne’e la tuir regra ne’ebé iha katak”, Zeca.

Iha parte seluk, Kordenador Rede ba Rai, Pedrito Veira, husu Governu tenke halo jestaun diak no mós atu haree didiak sistema no mekanismu wainhira atu hasai komunidade sira, tenke kria situasaun no kondisaun ne’ebé adekuadu hodi responde ba nessesidade báziku.

“Governu iha kna’ar no dever kona bá sidadaun nia nesesidade loron-loron nian, inklui nesesidade báziku, no sujere ba Governu atu kria kordenasaun diak ho komunidade sira,  molok atu halo arendamentu”, hatete Pedrito.

Entretantu, mekanismu Governu ne’ebé atu uza hodi halo kontratu ho komunidade sira hodi halo arendamentu ba Estadu, sei halo durante tinan tolu-tolu de’it.

Governante ne’e apela ba komunidade sira katak, atu garante domíniu públiku Estadu nian, husu ba komunidade atu labele konstroe tan uma iha tasi ibun no mota ninin ne’ebé tama iha domíniu Estadu nian, tanba bele fó rizku ba sira-nia vida.

Maibé atu prevene situasaun hirak ne’e, dadun ne’e Sekretáriu Estadu Terras  no Propriedade halo ona karta ba Ministériu relevante sira hanesan, Ministériu Justisa, Ministériu Adminitrasaun Estatal, Ministériu Obras Publikas, Ministériu Defeza no Seguransa, Sekretaria Estadu Meu-Ambiente atu harii ekipa taksforce hodi kontrola komunidade sira atu labele halo uma iha rai Estadu no área protezidu.aba

Add to Comments Here!!!!

error: Content is protected.
Secured By miniOrange
You might also like:
MTK rekoñese ahi mate iha Areaportu Internasional falla iha jeradór

Ministru Transporte no Komunikasaun (MTK), José...

AMP deside halo remodelasaun ba VIII Governu  Xanana la partisipa konferensia AMP

Partidu koligasaun Aliansa Mudansa ba Progressu...

MOP lori tékniku 34 halo inspesaun ponte Bee-Hedan

Ministériu Óbras Públikas (MOP), iha Sesta,...

Close