JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

RHTO ezije Governu ratifika konvensaun proteje ema ho defisiénsia iha TL

RHTO ezije Governu ratifika konvensaun proteje ema ho defisiénsia iha TL

Raes Hadomi Timor-oan (RHTO) ejize VIII Governu Konstitusional, atu ratifika ona konvensoens ba ema ho defisiensia, hodi nune’e bele proteje ema ho defisiensia sira iha Timor-Leste (TL) husi violasaun no diskrimisaun oi-oin.

Portavoz ba grupu defisiensia, Silvia Antónia da Costa hateten, ema ho defisiensia sira, liu-liu iha Munisípiu no área rural sira, sei kontinua hetan diskriminasaun oi-oin no abandona husi família, no lahetan oportunidade atu asesu ba edukasaun, saúde bee moos no sanitasaun, inklui labarik ne’ebé ho kondisaun defisiensia mós defisil atu asesu ba edukasaun, tanba laiha rampa ka han rail.

“ Pessoal saúde sira seidauk iha koñesimentu ne’eb’e klean hodi halo atendimentu ba ema ho defisiensia mental ou pisikososial, tanba ema ho defisiensia pisikososial barak sei abandonadu no la asesu ba saúde.

Autoridade munisipiu sira seidauk iha koñesimentu ba ema ho defisiensia, tanba ne’e, dalaruma sei uza linguazen ne’ebé diskriminativu hasoru ema ho defisiensia.

Inklui feto ho defisiensia pisikososial kontinua hetan violasaun seksual huso perpetador sira, kesi ba tempu ne’ebé abandonadu iha komunidade.

Labarik ho defisiensia no barak seidauk asesu ba bolsa da mae, mezmu sira ba eskola ho ki’ak no mukit.

Ema ho defisiensia komunikasaun, susra atu asesu ba justisa, tanba ministeriu justisa laiha informasaun kona-bá lian jestual.

Bareira institusional, sistema no regulamentu husi instituisaun governu, sei nafatin difikulta no satan espasu ba ema ho defisiensia sira, hodi asesu ba rekrutamentu no la fó oportunidade no espasu ba ema defisiensia sira hodi aplika. Bareira institusional prefere liu haree ema tenke iha saúde no mental di’ak, duke haree ema nia kapasidade.

Lee hotu :   Dívida sa’e ba USD 58.000, Daniel Murphy husu jerente Klínika Bairro-Pite lalika preokupa

Inklui autoridade local sira mós la fó oportunidade ba ema defisiensia sira hodi partisipa iha enkontru, treinamentu no programa governu nian, hanesan PNDS.

Aleinde ne’e, ema ho defisiensia barak iha munisipiu Bobonaro seidauk hetan ekipamentu husi sentru nasionál rehabilitasaun hodi ajuda sira nia moris independente, sistema no rekrutamentu sei difikulta, inklui fatin ou dormitroiu sei limitadu atu akomoda ema ho defisiensia husi munisipiu ne’ebé transferensia.”kestiona portavoz Silvia Antónia da Costa, liuhosi konferensia imprensa, Kinta(05/12/2019).

Silvia afirma tan, iha Munisipiu Dili, fatin públiku sira, hanesan edifisiu, Estrada, sinaís trânzitu, trotoar, portu, aeroportu no transporte públiku sira, la asesivel ba ema ho defisiensia sira ho kadeira roda, inklui ema defisiensia matan no komunikasaun ou tilun mós defisil asesu ba informasaun, gtanba laiha braile no audiuvizual.

Tanba ne’e, defisiensia Timor oan sira ne’e mós ejize ba governu no estadu Timor-Leste, atu fó prioridade, hodi ratifika ona konvensaun ba ema defisiensia sira, atu nune’e bele proteje defisiensia sira husi diskriminasaun no violasaun hotu-hotu.

“ Husu ba estadu no governu TL, atu labele adía tan hodi ratifika ona konvensaun direitu kona-bá ema ho defisiensia, ne’ebé mak ONU sira rekomenda ona iha relatoriu revizaun periódiku iha siklu primeiru no segundu ne’eb’e governu promote ona atu ratifika.

Husu mós governu atu garante direitus umanus hodi labele halo diskriminasaun hasoru ema ho defisiensia, hodi asesu ba servisu hanesan funsinariu públiku sira, asegura fó pursentu ba ema ho defisiensia sem haree kondisaun, maibe haree liu ba kapasidade.

Husu mós ba ministeriu justisa no ministeriu públiku atu koopera ho organizasaun em ho defisiensia, atu asesu ba justisa no promove programa tribunal movel, hasa’e konsiensia ba juiz, defensor públiku, polísia no forsa sira hodi bele atende ema ho defisiensia sira asesu ba tribunal, halo tratamentu ou prosesu sira nia billete identidade, kartau eleitoal, sertidaun RDTL no seluktan.

Lee hotu :   Japaun apoia millaun USD 2 resin ba sosiedade sivíl

Husu ba governu atu aloka orsamentu natoon ba instituisaun ou organizasaun ema ho defisiensia nian, hodi bele apoiu sira nia servisu.

Husu mós ministeriu edukasaun, atu asegura labarik ho defisiensia husi munisipiu mai iha Dili, nune’e mós hafasil nune’e mós hafasil no halo lalais sistema sentru nian,

Husu mós ba komunidade relijjiozu sira, atu asegura igreja, meskita no fatin relijiozu sira asesivel ba ema ho defisiensia no ferik katuas.

Husu ba organizasaun sosiedade sivíl sira hodi apoia servisu organizasaun ema ho defisiensia hodi promove asuntu no direitu ema ho defisiensia.

Husu ba inan-aman sira atu labele diskriminasaun, abandona no trata ema ho defisiensia sira.

Ami mós konsidera katak, asuntu defisiensia la’os asuntu ema ho defisiensia ka organizasaun ema ho defisiensia nan de’it, maibe hanesan asuntu nasionál no global, ligadu ba direitu humanus.

Tanba ne’e ema hotu presiza promove dezigualdade, deumanu, tratamentu kruel, diskriminasaun oi-oin hasoru ema ho defisiensia, liu-liu feto no labarik ne’eb’e ho kondisaun pisikososial.

TL nasaun ida ne’ebé adopta sistema nasaun direitus demokrátiku hodi bele asegura ninia sidadaun hotu moris ho dignu no sem diskriminasaun, hanesan KRTDL haktuir iha artigu 16 ‘universalidade no igualidade’ no artigu 21, ‘direitus sidadaun defisiensia’.

Tanba ne’e konta hekla ho ami nia lian hodi asegura ‘Nothing about us without us’ laiha buat ida kona-bá ami sein ho ami, hodi asegura no atinji metas dezenvolvimentu sustentavel, ‘ lives no ona behind’ lahusik ema ida iha kotuk. ”Antónia preokupa.

Tuir rezultadu sensus estatistika tinan 2015 kuaze mil 38 maibe demography health survey hatudu katak 52 mil ema ho defisiensia iha Timor-Leste.

Lee hotu :   PN lansa Radio no website ba públiku ■Munisípiu dook labele asesu

Bazeia ba rezolusaun asembleia jerál ONU nú 47/3 iha tinan 1992, loron 3 fulan Dezembru nu’udar loron mundial ba ema ho defisiensia.Say

Add to Comments Here!!!!

error: Content is protected.
Secured By miniOrange
You might also like:
UE-IC realiza konferénsia internasionál kona-ba krime finanseiru iha TL

União Europeia (UE) ho Embaixada Portugal...

Sosiedade Sivíl kritika KomJer PNTL

Sosiedade  Sivil kritika  Komandante Jerál (komer)...

Janeiru-Outubru 2019, Bebé moris iha HNGV hamutuk 4219

Xefi Gabineti Kontrolu Kualidade Hospital Nacional...

Close