JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Loron mundial trabalhadores, KSTL ejiji reve salariu minimu no lei protesaun ba trabalhador

Loron mundial trabalhadores, KSTL ejiji reve salariu minimu no lei protesaun ba trabalhador

Konfederasaun Sindikatu Timor Leste (KSTL) ejiji governu liu husi Sekertario Estado Politika Formasaun Profesional e  Empregu (SEPFOPE) atu halo lalais revizasaun ba lei salariu minimu U$ 155, no mos kria lei protesaun ba trabalhador, tamba maioria Timor-oan la hetan seguru iha  servisu fatin.

“Iha pontu 6 mak KSTL foti iha loron 1 de Maiu mak hanesan protesaun ba direitu ita nia lei numeru 4 2012, regula no fo protesaun ba direitus fundamentais trabalhador sira nian, mais in-felismente violasaun explorasaun ba direitu ne’ebe mak hakerek iha lei sei kontinua nafatin la’o, tanba iha kompania balun ne’ebe halo rekrutamentu ba trabalhador sira maibe lao’s sira mak uja sira haruka fali ba servisu iha kompania seluk ne’ebe mak KSTL konsidera nudar kriasaun ba volume akontesementu problema,”Hatete Sekertariu jeral KSTL, Jose da Conceição, iha komemorasaun loron mundial trabalhador iha Palacio do Governu Dili Segunda (01/05/2017).

Iha oportunidade ne’e  KSTL husu atu revizaun ba salariu minimu aslera tamba diskusaun revizaun lei salariu minimu hahu kedas iha tinan 2014 to’o ohin loron seidauk bele reve.

“Iha Tinan 2015 KSTL hala’o peskija kona ba salariu US$115, ne’ebe KSTL aprenzenta tiha ona proposta salariu minimu bazea ba estudu salariu minimu U$ 200 ne’ebe Camara Comercio Industria Timor Leste (CCITL) liu husi Prezidente CCITL,Oscar Lima hatete katak US$ 200 ne’e bo’ot liu, entaun U$ 150 ou U$ 160 mais depois to’o agora seidauk iha resposta husi governu,”afirma Jose da Conceição.

Sekjer KSTL hatutan, dadauk ne’e governu implementa lei konaba rejime tranjitoriu seguransa sosial ne’ebe mak hahu implementa iha tinan 2012 so deit ba funsionariu publiku sira mais ita nia konstituisaun da republiku  artigu 56 hatete katak, sidadaun hotu-hotu iha direitu ba asesu siguransa social, maibe siguransa sosial ne’e iha relasaun ministerial versaun trabalho fo ba funsionariupubliku.

Lee hotu :   SATL Fakar koto ba Governu, PM Rui: “Presiza halo investigasaun”

“Maibe felismente Ministerio Solidaridade Sosial (MSS) hahu hala’o ona diskusaun desde 2009 depois implementesaun rejime tranzitoriu, agora iha ona lei inan kona ba rejime  kontributu siguransa sosial, ne’ebe dadauk ne’e KSTL haruka ona lei hat ba iha Prezidente da Republika(PR),  nune’e ita hein  katak semana ida ne’e nia laran PR bele promulga lei hat ne’e mak hanesan lei invalids, maternidade, patrenidade no ida seluk tan,”afirma prezidente KSTL ne’e.

Iha fatin hanesan Henrique Silva, nudar reprezentante Sindikatu Jeral Trabalhador (SJT) Oe-Cusse hatete, loron mundial trabalhador hanesan loron oportunidade ba trbalhador  sira atu espresa sira ninia sentiment saida deit mak durante ne’e iha.

“Prezidente autoridade iha Oekuse liu-liu ZEEMS Rejiaun Administrativu Oe-Cusse, sei infrenta explorasaun direitu trabalhador sira nian, tanba salariu ne’ebe mak fo ba trabalhador sira la sufisiente I depois diskriminasaun bo’ot ida ba trabalhador sidadaun Timor oan, tanba ema estranjeirus mak domina iha rejiaun espesial Oe-Cusse Ambeno, ho rajaun ida ne’e mak ha’u nudar ST halo peskija iha ne’eba, ha’u direitamente hare katak iha diskriminasaun bo’ot akontese iha ne’eba entermus de pojisaun inklui salariu ejemplu kona ba salariu Trabalhador  Timor oan kada fulan ida sira hetan US$150 entertantu trabalhador estranjeiru kada fulan ida ho salariu US$ 400,”haklaken nia.

Nia parte lamenta tanba durante ne’e iha Oe-Cusse oan barak liu-liu joven lubuk ida mak SEPFOPE forma ona, maibe na realidade kompania bo’ot  lima husi estranjeiru lao’s mai  utilija  formando hirak ne’e maibe lori fali trabailhador husi rai liur ne’ebe Oekusi oan sai fali hare nain (penonton-red) iha sira nia rain rasik.

“Tuir peskija ne’ebe mak ha’u iha iha tempu ne’eba kompania bo’ot  lima mak tama ho sira nia ema rasik tantu tekniku nomos (tukan-red) ne’ebe lolos sira la presija lori husi ne’aba tanba ita mos iha, ida ne’e dezastre bo’ot ba ami Oecussi, tanba antes ne’e sira dehan rejiaun ekonomia ne’e atu muda ami nia moris maibe oinsa se ami rasik laiha servisu tanba ema seluk mai halo tiha ona,”argumenta Henrique Silva .

Lee hotu :   Media sosial tenki respeita vontade popular

Entertantu Terezinha dos Santos nudar trabalhador domestiku (Pembantu ruma tanga-red) hatete  durante sai nudar trabalhador domestiku husi uma ida ba uma ida  nunka hetan kontratu ruma nune’e salariu ne’ebe mak nia parte hetan dok liu husi salariu minimu ne’ebe durante ne’e SEPFOPE implementa.

“Husu ba governu liu-liu SEPFOPE atu toma atensaun ba ami trabalhador domestiku sira, tanba dala barak ami nudar trabailhador domestiku hetan violasaun liu-liu salariu minimu, ne’ebe dala barak uma ne’ebe ami servisu ba la fo tuir salariu minimu ne’ebe mak  lolos ami hetan,”Terezinha dos Santos preokupa.

Hatan ba kestaun ne’e Sekretariu Estado Profesional e Empregu, Ilidio da Costa Ximenes hateten, problema sira hotu ne’ebe mak trabalhadores sira hasoru ne’e nia parte rekoinese liu-liu salariu minimu no mos lei siguransa sosial no seluk tan.

“hau nia parabens ba trabalhadores hotu iha mundu no partikur Timor oan sira, tanba trabalhador mak sai ajente ba dezenvolvimentu , trabalhador mak sai  suzetu no sai makina ba  dezenvolvimentu, imi kanek servisu mos labele la’o, imi kanek dezenvolvimentu mos labele la’o, imi moras familia mos moras e dezenvolvimentu mos labele la’o ba oin, tanba ida ne’e governu liu husi SEPFOPE biban ida ne’e atu valorize, parabens dala ida tan ba trabalhador tomak ne’ebe mak ohin ne’e ita komemora loron trabalhaor,”afirma Ilidio Ximenes.

Nia hateten, tuir dadus ne’ebe mak SEPFOPE iha durante ne’e maioria lei iha maibe falta sosialijasaun nune’e trabalhador barak mak servisu sein kontratatu.

“Ita bele servisu maibe tenki iha kontratu ne’ebe lao’s kolia deit, maibe tenki liu husi eskrita, ne’ebe ha’u husu ba trabalhador sira ne’ebe dadauk ne’e prezensa iha ne’e atu ba oin labele simu kontratu ho liafuan deit, maibe tenki ho eskrita,”Ilidio Ximens hato’o ba trabailhadores sira.

Lee hotu :   Komunidade Hera halerik ba be mos.

Maibe Governu liu husi SEPFOPE sei buka solusaun ba problema hotu ne’ebe mak trabalhador sira infrenta nune’e dadauk ne’e SEPFOPE lori ona lei espesifiku 4 kompostu husi, lei siguransa social, lei protesaun ba trabalhador inklui lei salariu minimu no ida seluk tan ba iha KM hodi kontinua ba iha PN oinsa bele hetan aprovasaun nune’e trabalhador sirabele hetan atendementu ne’ebe mak dignu entermus salariu, nomos fatin inklui siguransa saude no higine.

Total kazu disputa ne’ebe durante ne’e KSTL iha hahu husi fulan Marsu tinan  2001 to’o dezembru  2016  keixa hamutuk 229, no husi  kazu ne’e  demisaun  sein  konsultasaun (pemecatan  sepihak-red) 50 %  sein kontratadu  25 % , problema salariu ezemplu kua, simu tarde no seluk tan 12%, saude no seguransa 5%.

Husi kazu ne’e  93%  rezolve liu husi mediasaun tripartida  hanesan KSTL, trabalhador nomos empregador, entertantu  4 %  rejolvidu liu husi  mediasaun tripartida, 0,3 % lori ba tribunal, 2,7% la konsege tanba trabailhador  lakon kontaktu no seluk tan.

Partisipa iha aktividade  long mars refere Prezidente KSTL Ramailho da Silva, Sekertariu jeral KSTL, Jose da Conceição, funsionario KSTL tomak, trabalhador kuaze atus ida resin tantu husi ONG no mos husi parte governu balun. Ola/tos/ami

Add to Comments Here!!!!

error: Content is protected.
Secured By miniOrange
You might also like:
Tempu badak STAE realiza eleisaun suku foun

Diretor Secretariu  Tecnico Admistrasaun Eleitoral (STAE),...

Lei investimentu privadu benefisia investor

Ministru Estado Koordenador Asuntu Ekonomia no...

Partido Politiku labele pratika Money politic

Prezidente Knua Direitu Ekonomiku Sosial no...

Close