JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Missa Kuarta-feira Sinzas, Hakribi sala fiar iha Envangelho

Missa Kuarta-feira Sinzas, Hakribi sala fiar iha Envangelho

Igreja Katólika Mundo tomak inklui Timor-Leste, Kuarta (14/02/2018) hahu adera an, tama ba tempu Kuaresma. Liu husi sinal kuarta-feira sinzas nian igreja Timor dedika tinan sizas ne’e nu’udar tinan ba hakribi sala no fia iha evangelho.

Liu husi missa ida ne’e Bispo Dioçese de Dili, Dom Virgílio do Carmo da Silva, husu sarani sira iha tempu kuaresma ne’e tenki hakbesik a’an liu ba Maromak, liu husi orasaun no karidade durante loron 40 nia laran.

“Loron Kuarta Feira Cinzas, nu’udar tradisaun  uma kreda Katólika nian hodi prepara a’an hasoru loron bo’ot Paskoa nian,  hodi hanoin Jesus nia  moris  hias, nu’udar dalan atu ba to’o loron bo’ot Paskoa ne’e, maka ita tenki hala’o  preparasaun hahú ho Sinza ida ne’e, hodi marka ita-nia preparasaun espiritual hodi hakbesik a’an liu ba maromak,”haklaken Dom Virgílio ba Jornalista sira iha Igreja Nossa Senhora Imaculada da Conçeição Catedaral, Dili,  Kuarta (14/ 02 /2018 ), hafoin selebra misa Kuarta feira Cinzas.

Dom Virgílio akresenta, hodi sinzas akudesan ne’ebé kose iha reentos, fo sinal ba ema hotu, liu-liu sarani Katólika sira atu hahú kuaresma iha loron 40 nia laran, nune’e sarani sira haree ba ida-idak nia a’an, iha relasaun ho maromak, ho vida orasaun.

“Husi orasaun ita halo mos penitensia ka sakrifisu ruma, atu nune’e hodi hamos ita nia sala, no la’os deit halo orasaun  ho penitensia, maibe halo mos karidade, atu halo mos buat diak ruma ba ita-nia maluk sira,” afirma Dom Virgílio.

Dom Vrigílio hatutan, kuaresma ne’e sai duni oportunidade ba renovasaun, wainhira ema hotu renova vida espiritual sertamente renova mos relasaun moris, hakarak, komportamentu, motivasaun atu moris  nu’udar ema sarani ne’ebé diak  iha sosiedade nia le’et.

Lee hotu :   Madre Guilhermina : Katuas sira selingkuh tamba osan barak

Nune’e mós Dom Virgílio, dehan, iha loron kuaresma ne’e, hato’o mos ba polítiku nain sira atu halo refleksaun  nu’udar sarani, no kriatura maromak ninian.

“Buat ida relasaun ho maromak ne’e, importante hodi halo lider polítiku sira nia, ezame konsiensia, ba  sira nia a’an, kna’ar, kareira, ho oportunidade ida ne’e tulun ita hotu, wainhira halo refleksaun, ajuda mos ita  melhora ita-nia kna’ar no servisu iha vida polítika hodi servi povu ida ne’e ho didiak,”dehan Dom Virgílio. 

Kuaresma tempu hakmatek

Husi sorin seluk Amu Parokia Aimutin, Imanuel Talo, hatete, tempu kuaresma tempu hakmatek ba sarani Katólika hotu iha mundu, hodi fó importansia ba relasaun sarani ida-ida nian ho Nai Maromak, no hakribi sala ne’ebé ida-ida halo ona.

“Kuandu ita fó sasan ba ema seluk, labele ho laran taridu no labele konta ba ema seluk, tanba ida ne’e la monu iha Maromak nia futar fuan, no latuir Maromak nia hakarak, tanba ita fó sasan ba ema seluk la ho fuan, maibé ita obriga ita nia an,” hateten Amu Imanuel Talo.

Amu Imanuel Talo husu ba sarani sira atu iha  tempu kuaresma nia laran ne’e,  labele naok ema nia sasan, tanba hahalok ida ne’e, hatodan tan Nai Jesus nia Kruz.

 “Ezemplu, ita-nia viziñu kuda has, depois to’o tempu has ne’e tasak, ita atu kuu, maibé  la husu nia nain, kalan-kalan ita ba naok deit  has ne’e to’o hotu. Ida ne’e bainhira ita la’o liu kona sira-nia uma oin, senti moe ka lae?  Maske buat simples, maibé halo ita la haksolok, tanba ne’e iha tempu kuaresma tenki hakribi ita-nia sala ne’ebé halo ba ema seluk, hodi nune’e Nai Maromak fó perdaun mai ita,” katak Amu Imanuel Talo.

Lee hotu :   Komunidade Bidau hala’o orasaun tama-sai uma

Nia haktuir, sarani Katólika  tenki hatene respeita no hadomi malu, tanba maske ema nia laran luak ona, tenki la’o tuir Kristu nia hakarak.

“Sâo Paulo mós konvida ita atu tuir nia lalaok Kristu nian, ne’ebé uluk nia halo ona, ita tenki haburas Kristu nia prezensa iha ita-nia moris tomak,” relata Amu Imanuel Talo.

 Amu Imanuel Talo, hatutan, iha tempu kuaresma ne’e, sarani sira tenki aprende jejun katak Kuarta feira Sinzas no Sesta Feira Santa, loron ida ne’ebé han dala ida deit.

“Sarani sira bele halo tuir ka lae? dala ruma sarani sira la aguenta no bele abtenencia katak, hamenus hahan sira ne’ebé mak ita gosta hanesan na’an, budu, aimanas, masin, no gorengan sira ne’e. Iha tempu kuaresma ne’e,  ita han loron ida dala ida, maibé mós hahan tenki simples, labele han hili hahan ne’ebé mak diak,” katak Amu Imanuel Talo.

Kuaresma tempu halo penitensia

Iha fatin la hanesan, Padre paroquia Maria Auxiliadora Comoro-Dili, Elias Maia de Deus, SDB, hatete, tempu kuaresma hanesan momentu ida hodi hadia relasaun ho maromak liu husi halo penitensia.

“Igreja katolika nia foku importante iha tempu kuaresma mak halo penitensia liu husi abstinensia no jejun durante loron 40 nia laran, maibe sarani barak seidauk komprende didiak saida mak abstinensia no jejun. Abstinensia katak la halo buat ida liu-liu abstein ba nan iha loron kuarta feira no sesta santa no ema ho idade 14 ba leten mak bele halo abstinensia. Jejun katak han bosu dala ida deit iha loron kuarta no sesta, ida ne’e so ema ho idade 18 to’o 60 mak bele halo liu husi ne’e konformi sira,”dehan padre Elias iha ninia humilia wainhira prezidi misa kuarta-feira sinzas iha igreja paroquia Maria Auxiliadora.

Lee hotu :   Defisil, Laleia oan halai natar segundu epoka

Husi abstinensia no jejun ne’ebe ema idak-idak halo durante tempu kuaresma tenki konkretu, atu bele produs karidade no lori buat diak ou hahalok diak ba ema idak-idak nia an no ema seluk atu nune’e bele tulun hodi selebra festa paskoa ho laran mos, tanba selebra paskoa ho diak depende ba hahalok ema nian iha tempu kuaresma nia laran no hahalok diak ne’ebe ema halo Maromak sei rai iha lalehan.

“Hahalok diak hotu ne’ebe ema halo iha tempu kuaresma bele ajuda halo transformasaun ba vida spiritual ema idak-idak nian,” dehan padre Elias.

Selebrasaun ba misa kuarta feira sinzas ne’e halao dala rua, dahuluk misa iha tuku 7:00 dader, daruak misa iha tuku 9:00 ne’ebe hetan partisipasaun masimu husi sarani paroquia Maria Auxiliadora inklui estudante eskola pre-sekundariu no sekundariu sira. Oly/aba/Ita

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV Loron-14 Fulan-Fevereiru Tinan-2018

Transmisaun direta ba programa Prevene seksu livre e ransu livre hosi komisaun kombate HIV-SIDA

HABURAS VIDA ESPIRITUAL EPS.09

Close