JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ahi han uma ida iha Metiaut

Ahi han uma ida iha Metiaut

Komunidade Metiaut, Posto Administrativo Nain Feto, Munisipiu Dili, Segunda meiudia (19/03/2018), hakfodak hodi halai ba haree direitamente ahi han mutuk uma ida iha sira nia viziñu.

Implikasaun husi asidenti tanba deskunfia eletrisidade mak serkuitu. Segundu Komandante operasaun Bombeiros Munisipiu Dili, Bruno da Costa Maga­lhães, informa katak,  Bombeiros simu informasaun hosi Delta Base telefone ba númeru emerjensia serbisu nian mak hodi desloka ba fatin akontesementu.

“Motorista sira tenke iha konsiensia hodi loke dalan, tanba ne’e serbisu emerjensia nian. Ami sai husi ne’eba mai to’o ne’e kuaze minutu 15, tanba iha tempu meudia movimentu maka’as tebes, ita nia viatura ne’ebe mak barak teb-tebes, sira lahatene serbisu emerjensia nian mak saida,” hatete Segundu komandante operasaun Bombeiros Dili, Bruno ba Jornalista sira iha Metiaut, Dili, Segunda (19/03/2018).

Korpu Bombeiros konsege hamate ahi ne’e, maibe la konsege salva sasan iha uma laran lubuk ida, tanba ahi han mutuk tiha ona uma refere. Maske nune’e, Bombeiros halo kedas prevensaun atu ahi ne’e la bele alastra to’o fali viziñu sira iha sor-sorin.

“Kuandu ami loke ahi no lian emerjensia nian, sira mos la loke dalanTanba ne’e mak hakarak husu ba motorista sira hotu katak bainhira serin ne’e lian, sira mos tenke loke dalan para ami mos to’o lalais fatin hodi salva populasaun sira ka fatin ne’ebe mak ahi han ne’e,” sublinha Burno da Costa.

Iha fatin hanesan uma nain, Clotilde Neves de Sousa, hateten, iha dadersan nia ba serbisu no foin hatene informasaun kona ba ahi han nia uma liu husi nia oan feto. Nia rasik la iha informasaun klean kona ba motivu husi akontesementu ne’e. mia

Lee hotu :   Media sosial tenki respeita vontade popular

Add to Comments Here!!!!

error: Content is protected.
Secured By miniOrange
You might also like:
Inaçio aprezenta empreza Noga ba Alkatiri

Vise Ministru Obras Publiku, Transporte no...

TR hahu auditoria ba ZEESM

Tribunal Rekursu (TR) hahuu halo ona...

Koligasaun 4 foti lista kandidatura iha TR • PR avansa mesak

Partidu politiku (Parpol) 15 ne’ebe ejiste...

Close