Liurai Portugal no membru Parlamentu França to’o iha TL

Liu-rai Portugal, Duarte Pio Duque Braganza, ho membru Parlamentu husi França, Pascale Boyer  to’o ona Timor-Leste (TL), atu partisipa selebrasaun loron konsulta popular ba tinan 20.

Liurai Portugal Duarte Pio Duque Braganza no deputada França, Pascale Boyer, to’o iha Aeroportu Internacional Nicolau Lobato iha  Domingu (25/08) tuku 12:30 Otl, ho aviaun Citilink, no simu husi Embaixador Portugal ho membru komisaun  organizadora ba 30 de Agostu.

Liurai Portugal Duarte Pio Duque Braganza, apresia tebes demokrasia no progresu dezenvolvimentu iha Timor-Leste, tanba mesmu istória pasadu ho indonézia aat maibé, relasaun povu TL ho Indonézia politikamente diak tebes.

“Ha’u apresia tebes ho lideransa no povu Timorense tanba, maske istória pasadu ho nasaun viziñu ladiak malu maibé, hafoin refrendun lideransa  Timorense ho povu relasaun kontinua diak malu nafatin, ida ne’e fo ezenplu diak ba mundu internasional. Dezenvolivimentu iha Timor-Leste komesa diak ona kompara ho pasadu tanba, Timor-oan iha ona unidade hodi hamutuk atu dezenvolve Timor-Leste  diak liu iha futuru mai”, katak Duarte

Nune’e mós membru Parlamentu França, Pascale Boyer, senti kontenti tanba Estadu França, delega nia hodi partisipa loron istóriku TL nian.

   “Ha’u senti kontenti los, tanba Estadu França bele delega ha’u mai hodi asiste seremonia aniversáriu ba dala 20 iha Timor-Leste, ne’ebé monu iha 30 de Agostu, ne’eduni ha’u mai reprezentante ba ha’u nia nasaun França”,  katak Pascale.

Entretantu, iha parte lokraik loron hanesan, delegasaun grupu solidariedade  husi Indonézia,  Malazia, Brunai Darusalam ho Srilanka to’o ona iha  Timor-Leste ho aviaun Sriwijaya iha tuku 16:30 Otl. aba.