Padre Mouzinho Pereira Lopes : Imprime livriñu Missal Romano foun ba fa’an, Igreja sei prosesa tuir lei

Foto:GMNTV

Sekretáriu  Nasional Liturjia, Padre  Mouzinho Pereira Lopes,  hatete, sidadaun ne’ebé imprime livriñu Missal Romano foun hodi fa’an, Igreja sei prosesa tuir lei Kanóniku dos eskritóriu.

Padre  Mouzinho Lopes  hatutan,  sidadun ida ne’ebé mak fahe subar ka fahe tutan file PDF iha media sosial, mak igreja konsidera aktu ne’e krime.

“Livriñu Missal Romano ofisializa ona iha loron 30, wainhira selebra tinan Jubeleu extraordinario iha Tasi-Tolu hodi uza ba misa, no livriñu ne’e  la fa’an maibé, karik iha ema ruma imprime subar ka fahe tutan file PDF iha média sosial, nune’e Igreja konsidera aktu ne’e krime, tanba ne’e sei prosesa tuir lei eskritóriu nian. Tanba ne’e ha’u husu ba sarani katólika sira hotu espesialmente ba ajente pastoral sira atu labele fiar publikasaun sira iha média sosial, kona bá mudansa  reza ami aman ho kredo, tanba ida los mak livriñu Missal Romano ne’ebé foin ofisializa iha loron tolu fulan Outubru ne’e”, hatete padre Mouzinho iha nia Rezidénsia Manleuna, Segunda (04/11).

Tuir Padre Mouzinho katak, livriñu ne’e iha, tanba servisu Komisaun Liturjika Nasionál nian, iha ne’ebé nia prosesu hamosu livru ne’e durante tinan lima no hakerek ho tetun liturjika Igreja katólika nian, no livriñu ne’e produs husi YAYASAUN KANIUS iha Jokjakarta, ne’ebé produs primeiru atus sia rua nolu, hodi fahe ba paroku sira no sei produs tan rihun nen atu fahe ba paroku Relijioza no ajentes pastoral sira  iha Timor laran tomak. aba