JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CONTL PREOKUPA ORSAMENTU BA ASIAN GAMES 2018

CONTL PREOKUPA ORSAMENTU BA ASIAN GAMES 2018

Sekretáriu Jeral Comitê Olimpico Nacional Timor-Leste (CPNTL), Laurentino Guterres preokupa  Orsamentu ba ekipa Timor Leste ba jogu Asian Games iha Indonesia 2018, tamba to’o agora governu seidauk aloka orsamentu.

Laurentino Guterres fó sai preokupasaun ne’e iha nia knár fatin Sede CONTL, Díli, Kuarta (08/08).

“To’o agora governu seidauk aloka orsamentu mai bankaria Comitê Olimpico nian, maske despaixo orsamentu husi Govenu liu husi Sekretáriu Estadu Juventude no Desportu mai ami katak orsamentu kontijente atleta Timor-Leste ba Asian Games tinan ne’e, aprova ona. Entaun hodi despaixo ne’e ami fó garantia ba kompaña sira hahu ona cetak (produz-Read) kamizola, farda ba atleta no oficiais sira, ne’ebé farda sira ne’e hotu-hotu to’o ona iha Timor, só que ami sei deve deit, tantu konabá bilete mos sei deve deit,” hateten Sekretáriu Jeral CONTL, Laurentino Guterres.

Sekretáriu Jeral CONTL hatutan katak parte ezekutivu CONTL ho haraik án hodi informa ba kompañia sira mak hatama sasan (farda, kamizola no tikete) katak, CONTL sei bele selu wainhira orsamentu husi Governu tama ona bankaria CONTL.

“Kompañia sira mos kompriende hodi kontribui ba prosesu sira ne’e hotu, sira pasiensia, sira mos sei hein deit wainhira mak orsamentu husi Governu ne’e tama mai bankaria CONTL, mak sei bele selu ka taka deve sira ne’e,” hatutan Sekretáriu Jeral CONTL, Laurentino Guterres.

Iha fatin hanesan, Prezidente Confederação Desporto Timor-Leste (CDTL-Sigla português), Afranio Xavier Amaral, hateten nia mos preokupa ho situasaun politika iha rai laran hodi fó impaktu ba partisipasaun Timor-Leste ba eventu Asian Games ba dala-18 mak sei hala’o iha Jakarta no Palembang Indonezia.

Lee hotu :   1º Divizaun LFA époka 2018 Boavista Timor FC lidera tabela klasifikasaun

“Situasaun ida ne’e afeita liu ona ba kontijenti atleta Timor-Leste nian, to’o agora, ami sente hanesan la iha serteza ba orsamentu nian. Lakleur kompetisaun Asian Games hahu ona, entaun ami hanoin katak, oinsa mak Estadu no Governu ho entidade soberanu hotu-hotu servisu hamutk nune’e, bele rezolve lalais impase politika atu la implika Timor-Leste nia partisipasaun iha eventu internasional ne’e,” dehan prezidente Confederação Desporto Timor-Leste (CDTL-Sigla português), Afranio Xavier

Asian Games ba dala-18, envolve nasaun sira mai husi kontinente Áziatiku, hamutuk nasaun 45 inklui Timor-Leste ne’ebé sei partisipa ho atleta na’in 60 resin mai husi modalidade desportu 12.

Kontinente Timor-Leste sei dezloka ba Indonezia iha loron 16 fulan Agostu tinan ne’e. Ito

Add to Comments Here!!!!

error: Content is protected.
Secured By miniOrange
You might also like:
PR PROMETE APOIA CECRD NO CETL

Prezidente Repúblika (PR), Francisco Guterres ‘Lu-Olo’,...

RI SEI HADIA MEKANISMU ATENDIMENTU IHA FRONTEIRA MOTA-AIN

Republika Indonesia komprometidu sei hadia mekanismu...

KAZU TIRU IHA MALIANA, KOMANDANTE F-FDTL POSTU TUNUBIBI DETEIN IHA SELA

Komandante FALINTIL-Força Defesa Timor Leste (F-FDTL)...

Close