JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Alkatiri la autoriza loke tan jogus • IGJ ‘viola’ Lei

PM Alkatiri la autoriza loke tan jogus  •	IGJ ‘viola’ Lei

Primeiru Ministru (PM), Mari Alkatiri, kontinua alerta ba Ministeriu Turismu ho Inspector Geral do Jogos (IGJ) atu la bele ‘emite’ lai lisensa jogos tanba presiza haree didiak lei jogus nian.

Foin lalais ne’e, Ispector Geral do Jogos (IGJ), Augusto Pereira, haruka karta ba Director Exekutivo Serviso Registo Verifikasaun Emprezarial (SERVE), Florençio Sanches, atu bele ‘emite’ lisensa negosiu jogus ba kompaña Fitun Timor Toto, Lda, ho Manhattan Timor Group Holding, SA,Lda. Maske Primeiru Ministru (PM) Mari Alkatiri, nudar Xefe do VII Governo Konstitusional deklara suspende ona atividades jogus ne’ebe mak Ministru Tursimu (MT), Manuel Lito Vong, fo ba empreza 5 atu halo atividades jogus lotaria popular ho slot machine.

Liu husi despaixu ne’ebe Ministru Manuel Vong asina iha loron 01 fulan Fevereiru tinan 2018, legaliza  kompaña 5 nia atividades jogus, mak hanesan kompaña DREAM ENTERTEIMENT GROUP,S.A, hodi loke jogus Lotaria (SDSB/Sumbangan Dana Sosial Berhadiah), FITUN TOTO TIMOR, LDA (Lotaria), ILIMANO HOLDING, S.A (Slot Machine), HAMATOMO RAKUUN, S.A (Slot Machine), Manhattan Timor Group (MTG) HOLDING, S.A mos loke atividades jogus Slot Machine.

“Hau suspende ona jogus sira ne’e ho rajaun rua (2); primeiru tanba lei ba jogus seidauk klaru no seluk fali tanba kompaña sira ne’ebe atu loke jogus ne’e balun seidauk rejistu,” afirma PM Mari Alkatiri, hodi responde jornalista iha Palacio do Governo, Kuarta (7/3/2018).

PM Alkatiri aprofunda liu tan katak, empreza hotu-hotu ne’ebe halao atividades iha Timor Leste tenke regista uluk iha SERVE, se lae, difisil tebes atu kontrola no selu impostu ba Estadu.

“Ita rekoñese wainhira ita suspende ona mos balun kontinua lao illegal, tanba ne’e, ita presiza reforsa ita nia kapasidade Polisia para bele kombate atividades ilegais sira ne’e,” afirma Mari Alkatiri.

Lee hotu :   TL SEIDAUK BELE IHA OSAN TAHAN

Husi sorin seluk, Director Executivo SERVE, Florençio Sanches, klarifika katak, IGJ Augusto Pereira, haruka bei-beik karta ba SERVE hodi husu SERVE ‘emite’ lisensa negosiu jogus ba kompaña sira ne’e.

“Tanba Inspector Jeral do  Jogus rasik mak haruka karta bebeik no SERVE la iha kompetensia atu hapara jogus, maka SERVE tenke ‘emite’ sertifikadu lisensa tuir lei numeru 6/2016 ba empreza rua (2) deit,” informa Florençio Sanches hodi responde GMN  iha nia servisu fatin, Kinta (8/3/2018).

Nia klairifka katak, tuir lei atu halo negosiu tenke loke konkursu publiku no publika iha Jornal da Republika mak foin ezerse sira  nia aktividade ekonomiku, maibe atividades jogus ne’ebe IGJ autoriza dau-daun ne’e viola ona lei hirak ne’e.  Tanba ne’e, SERVE husu atu halo revoga ba lei  numeru 9 /2016 ema barak bele halo kompete liu ema preza 5 iha atividade investimentu jogus.

“Ami husi SERVER, inisiu Primeiru Ministru Mari Alkatiri  foti dezisaun hodi hapara (suspende) ami respeita maibe ikus mai laos suspende maibe kansela, maibe to’o ikus,  empreza  seidauk iha kontratu, mas IGJ halo ona aprosimasaun bebeik ba SERVE para emite lisensa negosiu jogus ba empreza sira,” esplika Florençio

Jogus 5 ne’ebe mak loke ne’e, tuir Director Exekutivo SERVE katak, iha empreza 3 mak regista, kompostu husi  Dream Entertainment, Fitun Toto Timor, Lda ho ILIMANU ne’ebe mak foin rejistu iha loron 21 fulan Fevereiru. Entrtantu,   HAMATOMO RAKUUN, S.A ne’ebe atu loke jogus Slot Machine no  Manhattan Timor Group (MTG) HOLDING, S.A mos loke atividades jogus Slot Machine, seidauk rejistu.

Wainhira GMN atu halo konfirmasaun ba IGJ, Augusto Pereira, kona-ba lisensa jogus no kasrta ne’ebe nia haruka ba SERVE no iha indikasaun ‘viola’ lei ba fo lisensa jogus sira ne’e, maibe IGJ rezeita atu hasoru jornalista sira.

Lee hotu :   Governu sei apoiu projetu bio gas Bebora

Tuir informasaun ne’ebe mak jornalista sira hetan husi fonstes balun iha Gabineti IGJ katak, IGJ la bele fo komentariu ba mídia sira relasiona ho lisensa jogus sira ne’e tanba Ministru Tursimu, Manuel Vong, hasai karta deliberasaun ba IGJ atu la bele duni fo komentariu ba Mídia kona-ba lisensa jogus sira ne’e. Ety

Add to Comments Here!!!!

error: Content is protected.
Secured By miniOrange
You might also like:
GRANDE ENTREVISTA GMNTV Loron-08 Fulan-Marsu Tinan-2018

Topiku Entrevista Akordu Fronteira Maritíma, hamutuk...

PR Lú Olo: TL apoiu hapara violensia iha Síria

Lori povu no nasaun nia naran...

Kazu kontentor 9, PNTL buka tuir autor prinsipal

Polísia Nasionál Timor-Leste (PNTL),   prontu  buka tuir autor  prinsipal...

Close