JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SERVE hetan krítika husi públiku

SERVE hetan krítika husi públiku

Supervizora Senior Servisu  ba Rejistu no Verifikasaun Empresial Institutu Públiku (SERVE – IP), Ana Jeannie Alexandra de Corte Real rekoñese, durante ne’e SERVE hetan krítika no lamentasaun husi públiku kona ba atendimentu SERVE nian ne’ebé ladun di’ak ba públiku, tanba kestaun fatin ne’ebé klo’ot, no mós funsionáriu SERVE limitadu atu fó atendimentu ba públiku.

“Lori SERVE nia naran ami rekoñese  katak, ami nia espasu mak la permite duni, ami la nega lamentasoens sira ne’e husi públiku, liu-liu emprezáriu sira, katak, dala ruma ami nia atendimentu ladun di’ak ka la apropriadu ba sira, ami bele dehan katak, tanba ami nia espasu mak la premite ho rekursu humanu ne’ebé ké menus hodi halo sira labele atu atende ema hotu tuir sira-nia hakarak”, relata Ana ba Jornalista GMN iha nia kna’ar fatin SERVE Matadoru Díli, Tersa (09/04/2019).

Tuir Ana, ko’alia kona ba númeru  prosesu ne’ebé mak tama, dala ruma sira la’os simu ema ida de’it, maibé ema ida bele kompañia rua ou tolu, no ema ne’ebé ba SERVE loron-loron ne’e to’o 40.

“Maibé ami iha tinan 2019, iha ami nia planu annual ami tau ona ami nia prioridade para, fatin iha Munisípiu 10, no ami espera iha Munisípiu 10 ne’e, bele sai hanesan espasu ida ne’ebé mak bele akomoda ema sira iha Munisípiu seluk, atu nune’e sira la presiza mai to’o iha Díli, tanba kuandu mai  to’o Díli, iha implikasaun ba kustu no demora tempu. Tanba ne’e ami esforsu, posivel atu bele realiza instalasaun surkusais iha tinan ne’e, atu bele atende di’ak liu tan ami-nia kliente sira” informa  Ana.

Lee hotu :   HAKOTU IMPASE POLÍTIKA, MAUN BOOT NAIN 3 TENKI DIÁLOGU

Supervizora ne’e esklarese, sira-nia prosesu ba implementasaun, dadaun ne’e kontaktu ona Autoriedade Lokal sira atu bele halo rehabilitasaun ba fatin ne’ebé Autoridade sira fó ona, kuandu pronto ona SERVE  bele instala ona.oly

Add to Comments Here!!!!

error: Content is protected.
Secured By miniOrange
You might also like:
INSS presiza esplika konteudu seguransa sosiál ba públiku

Parlamentu Nasional (PN) sujere ba Instituisaun...

PM Taur fó instrusaun ba SEFOPE prepara joven ba empregu

Primeiru Ministru (PM), Taur Matan Ruak...

Opozisaun akuza AMP boikota KIP ■CNRT konsidera la los

Relatóriu Komisaun Inkéritu Parlamentar (KIP) ne’ebé...

Close