ERNST & YOUNG aprezenta vizaun merkadu iha Timor-Leste

ERNST & YOUNG (EY) núdar Kompañia ida husi nasaun Portugal fahe EY nia vizaun ba merkadu no planu hodi aumenta kapasidade atu apoia ajente sira iha kresimentu setor privadu no Estadu.

Depois de prezensa ativa tinan lima iha Timor-Leste,EY kuiñese desafiu no oportunidade sira kona ba merkadu. Nu’udar resposta ba objetivu kresimentu sustentável nune’e EY halo esforsu ba iha merkadu ho kompetênsia no kapasidade iha rede global ho respeitu ba kultura no objetivu nasaun nian.

Tuir Rui Martins, EY partner, hatete  “Ami fiar katak liu husi promove konkorensa iha servisu profisionais nian, ita kontribui hodi hadia diak liu kualidade no aumenta efisiensia no protesaun ba valor, Ajuda fo vizibilidade ba nasaun hamutuk ho investidores rai liur sira”, haklean nia iha iha Timor Plaza, foin lalais ne’e wainhira aprezenta parseiru MYT foun no kria valor iha Timor-Leste.

Eventu ida ne’e hetan prezensa husi setor privadu balun hanesan Timor Gap, BNU, JYL Group, Heineken no seluk tan, inklui setor públiku hanesan Trade Invest, ANPM no seluk tan.

Iha eventu ne’e Embaixador Portugal koalia katak “ Kompañia hanesan EY no MYT representa esforsu ne’ebe mak emprezáriu português sira halo, atu suporta desenvolvimentu diak liu iha Timor-Leste”,tenik embaixador Portugal iha Timor-Leste, Jose Pedro Machado.***