JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

José Luis Guterres: “Hau buka meius husu apoiu husi organizasaun Internasionál”

José Luis Guterres: “Hau buka meius husu apoiu husi organizasaun Internasionál”

Prezidente foun RAEOA-ZEESM, José Luis Guterres, hatete  sei buka meius liu husi apoiu organizasaun internasionál no investimentu nasionál ba rai Oecusse.

José Luis Guterres hato’o liahirak nee relasiona ho Orsamentu Jeral Estadu 2020 nian nee, RAEOA – ZEESM lahetan alokasaun orsamentu ba Kapital Dezenvolvimentu  no Kapital Menor.

“Hau presiza halo reniaun no halo konsulta ho lideransa partidu ne’ebé kompoin iha AMP ,tamba hau presiza mós  koalia ho organizaun internasionál balun iha ne’e para ita bele loke dalan hodi hetan ajuda internasionál no mós investimentu estranjeiru nasionál ba iha ita nia rai Oecusse. Hau husu deskulpa hau ladun akompaña debate iha Parlamentu Nasionál .Hau hatene de’it katak,hau sei reuni ho ita nia Prezidente sesante para hare orsamentu ne’ebé sei iha no orsamentu ne’ebé ita presiza tán para bele kontinua fali importante que ita kontinua prosesu dezenvolvimentu iha ita nia rai Oecusse orsamentu ne’e importante tebes, maibé ita presiza mós meius seluk ajuda internasionál ka investimentu ka buat barak ita bele halo”, dehan  Prezidente RAEOA-ZEESM.

Prezidente RAEOA-ZEESM ne’e sei konsulta ho partidu ne’ebé kompoin iha AMP hodi koalia konabá oinsa, buka dalan hodi hetan apoiu ba investimentu iha rai Oecusse.

Konabá estrutura  Prezidente RAEOA-ZEESM nian ne’ebé seidauk kompleta, “Ida ne’e ami sei hein sertamente antes de 30 de Novembru ,maibé ami sei halo konsulta por que ida ne’e importante tebes ita lori profesionais ne’ebé kompetensia husi rai Oecusse  feto no joven sira para bele mós partisipa iha ita nia prosesu Governasaun iha ita rai Oecusse ,ita presiza ekilibru,ita kuandu ukun labele esklui ema ida ,ita kuandu halo Governasaun ida ne’eb’e diak ita labele halo esklui nem sira iha tasi no sira iha foho ,maibe ita servisu hamutuk”, dehan LuGu.

Lee hotu :   ERNST & YOUNG aprezenta vizaun merkadu iha Timor-Leste

Kontinua obra Mari Alkatiri

Primeiru Ministru Taur Matan Ruak husu ba Prezidente foun RAEOA-ZEESM José Luis Guterres,atu kontinua nafatin obra ne’ebé Eis Prezidente RAEOA-ZEESM Mari Alkatiri hala’o tiha ona iha Oecusse.

“Hau husu Prezidente RAEOA-ZEESM foun kontinua buat ne’ebé eis Prezidente RAEOA-ZEESM Mari Alkatiri halo ona balun ne’ebé diak halo diakliután no balun ladun diak hadia liután no balun seidauk la’o ajusta hodi responde no buka solusaun ,ami iha Governu sentrál prontu apoiu ita bo’ot ho nia ekipa wanhira presiza buat balun ministériu barak no presiza husi sira ne’e buat barak ,tamba ne’e buat ne’ebé Governu sebntrál apoiu tuir kbi’it Governu nian”, dehan Primeiru Ministru Taur Matan Ruak, iha nia diskursu ,wanhira  fó posse ba Prezidente RAEOA-ZEESM José Luis Guterres, iha Palásiu Governu,Kuarta (13/11).

Hafoin fó posse, Xefe Governu hameno kedas ba José Luis Guterres, katak, buat barak mak seidauk la’o iha Oe cusse, maibé wanhira ba hala’o kna’ar iha Oe cusse haree ba buat ne’ebé diak halo sai diakliután no balun ne’ebé seidauk la’o kontinua halo diak.

Xefe Governu ne’e dehan ba buat ne’ebé ladiak Governu sentrál sei ajusta hodi responde tuir nesesidade povu Atoni nian.Tamba mehi hotu-hotu nian mak projetu ne’e tenki fó benefisiu ba povu Oecusse.

Atu atividade iha RAEOA- ZEESM labele para, Taur Matan Ruak ,husu ba Prezidente RAEOA-ZEESM ho nia ekipa atu hala’o servisu ho diak no simu buat ne’ebé Governu sentrál sei fó apoiu.

Eis Girileiru, ne’e prontu atu servisu hamutuk ho Prezidente RAEOA-ZEESM José Luis Guterres ho nia ekipa no Eis Prezidente RAEOA-ZEESM Mari Alkatiri,tamba hakarak duni projetu ZEESM fó benefisiu ba povu Atoni.

Lee hotu :   Governu diminui ona veteranu falsu rihun ida

 Prezidente RAEOA-ZEESM José Luis Guterres kompromete, nia sei ukun povu Oecusse ho domin ho dame iha teritóriu Oe cusse tomak.

Tuir Artigu 19 Lei Númeru 3/2019 loron 15,fulan Agusto,alterasaun Dahuluk ba Lei Númeru 3/2014,loron 18,fulan Juñu ,konabá kriasaun Rejiaun Administrativa Espesiál Oecusse-Ambeno no estabelese Zona Espesál ba Ekonómia Sosiál Merkadu Oecusse Ambeno no Ataúru, haktuir ,Prezidente Autoridade tenke sidadaun Timor oan ho idade tinan 35 no nomeia husi Governu liu husi rezolusaun ba mandatu tinan Lima no renova dala ida de’it.Tos

Add to Comments Here!!!!

error: Content is protected.
Secured By miniOrange
You might also like:
Kompaña Santos Gas mak sosa projetu Conocophilips  ANPM ho Sunda Gas asina kontratu servisu

Prezidenti Autoridade Nasionál Petróleu no Minerais...

Dom Carlos Filipe Ximenes Belo SDB sei sai konseleiru esperitual RAEOA-ZEESM

Prezidente RAEOA-ZEESM José Luis Guterres,husu ona...

Jose Luis Guterres promete buka solusaun ba Ró Haksolok

Prezidente Rejiaun Administrativa Espesial Oecusse –...

Close