JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Tomada posse PTR foun, PR Taur: Poder judisial tenki forte no independenti

Tomada posse PTR foun, PR Taur: Poder judisial tenki forte no independenti

Prezidenti Republika (PR), Taur Matan Ruak, hatete poder judisial tenki forte, independente no ho kapasidade nudar kondisaun esensial hodi harii Estadu Direitu Demokratiku tuir konstituisaun.

 “ Ita luta ba durante tinan barak nia laran, ita-nia vizaun kona-ba Estadu independente ida, ne’ebé sai matadalan ba ita-nia luta ba libertasaun nasionál no ema barak lakon sira-nia vida ba, hanesan mós vizaun ida kona-ba Estadu ida ne’ebé Justu no ne’ebé respeita sidadaun sira-nia Direitu sira iha kondisaun igualdade,” dehan, PR Taur Matan Ruak iha diskursu tomada de posse ba Prezidenti Tribunal Rekursu iha salão Cina Palasiu Prezidensial, Sesta (28/4/2017).

Xefe Estadu hateten, onra bo’ot ida ba nia atu observa katak nomeasaun ba reprezentante a’as liu podér judisiál Timór nian nu’udar ezemplu di’ak ida husi instituisaun demokrátika sira-nia lala’ok regulár.

No Prezidente Tribunál Rekursu nia substituisaun iha kondisaun estabilidade nia laran hatudu nia relasaun institusionál nia maturidade demokrátika, liu tiha tinan 15 dezde restaurasaun independénsia.

Liu husi oportunidade ne’e, PR Taur mos lahaluha hato’o liafuan agradesimentu ba Juis Guilhermino da Silva ne’ebé mak ramata nia knaar nu’udar Prezidente Tribunál Rekursu.

“Mandatu ne’ebé mak ohin remata hanesan ezemplu ida kona-ba izensaun, dignidade no aten-barani hodi defende Tribunál sira-nia independénsia, juis sira-nia kondisaun profisionál no Tribunál sira-nia kualidade.” Tenik Xefe Estadu ne’e.

Tanba ne’e, Xefe Estadu ne’e hein katak Juis Guilhermino da Silva ninia ezemplu sei fó forsa ba joven majistradu sira Nasaun nian. Ho fiar katak Prezidente Tribunál Rekursu foun sei bele hatán ba dezafiu sira-ne’ebé Tribunál Rekursu sei enfrenta hela, liuliu sira-ne’ebé urjente liu.

Lee hotu :   Tribunal haruka ona karta ba PN hasai imunidade Vicente Guterres

Instituisaun demokrátika sira-nia lala’ok regulár hanesan responsabilidade mahuluk Prezidente Repúblika nian iha tempu pás nia laran.

Nune’e, nia labele halai husi ninia responsabilidade sira to’o nia mandatu nia loron ikus. Tribunál Rekursu tenke serbisu loroloron no oras ne’e daudaun nia enfrenta hela dezafiu lubuk ida ne’ebé importante ba ita hotu, hanesan fiskalizasaun preventiva ba konstitusionalidade Lei sira-nian,

Desizaun kona-ba rekursu sira-ne’ebé urjente ho arguidu detidu no kompeténsia eleitorál iha tinan ida-ne’e ne’ebé espesiál tebetebes.

“Juis Deolindo dos Santos majistradu ida ne’ebé iha esperiénsia naruk no karreira ida ne’ebé distintu. Ita fó ona ita-nia konfiansa tomak ba nia atu kaer órgaun soberania ida-ne’e, ne’ebé tenke independente husi kontrolu Estadu nian nu’udar garantia ba sidadaun sira-nia direitu sira no ita-nia moris iha sosiedade nia lala’ok regular.” Haktuir, PR Taur.

Justisa ida ne’ebé loroloron funsiona ba ita-nia sidadaun sira hanesan fatór importante tebetebes ida atu nune’e ema hotu-hotu bele rekoñese asaun Estadu nia laran-luak.

Ida-ne’e mós fatór importante tebetebes ida ba dezenvolvimentu. Hodi dada mai investimentu husi rai-li’ur, fundamentál tebes ita fó garantia kona-ba sistema justisa ida n’ebé funsiona duni. Sira-ne’ebé hakarak investe sira-nia osan iha ekonomia presiza la’ós de’it estrada ka infraestrutura selu – seluk maibé presiza mós Justisa ida ne’ebé la’o.

“Atu Justisa bele la’o, ita presiza luta ba independénsia judisiál. Ha’u fiar katak Tribunál sira, liuliu Prezidente Tribunál Rekursu foun, hatene oinsá atu defende garantia murak liu husi ninia lala’ok izentu, imparsiál no ikus mai justu.” Dehan, Xefe Estadu ne’e.

Independénsia judisiál hanesan impozisaun konstitusionál ida ne’ebé ita hotu tenke kumpre no respeita tanba ida-ne’e mak solusaun di’ak liu ba Estadu nia lala’ok. Lahó ta’uk tenke husik Ministériu Públiku halo investigasaun, husik Advogadu no Defensór Públiku sira halo defeza no husik mós Juis sira foti desizaun.

Lee hotu :   KAK investiga ona kazu ikan tubaraun

Sira foti tiha desizaun karik, tenke simu no halo tuir sira-nia desizaun! Ne’e mak Justisa nia lala’ok normál ne’ebé tenke promove. Sei iha buat barak atu halo hodi hadi’ak setór Justisa, presiza hadi’ak infraestrutura sira hodi investe iha kualidade edifísiu sira-ne’ebé sai serbisu-fatin ba tribunál sira, Ministériu Públiku no mós ba setór apoiu ba Justisa seluseluk.

Importante mós investe iha ema, presiza hadi’ak operadór judisiál hotu-hotu nia kualifikasaun hodi investe iha formasaun ho permanente. Tanba ne’e mak presiza investe iha ensinu no formasaun iha Universidade sira, inklui mós iha Sentru Formasaun Jurídika no Judisiária.

Presiza mós investe maka’as liután iha Lei sira-nia kualidade hodi buka solusaun hirak ne’ebé di’ak liu nu’udar matadalan ba ita-nia sidadaun sira-nia moris. Lei sira tenke simples, fasil atu implementa no tuir realidade. Sira tenke foka liu ba rezolve sidadaun sira-nia problema no labele hamosu problema ba operadór jurídiku sira durante prosesu implementasaun.

Diagnóstiku ida-ne’e halo tiha kleur ona. Tempu to’o ona atu sira-ne’ebé responsavel ba halo lei komesa bo’ok an. Organizasaun judisiária ne’ebé mak prevee iha Konstituisaun hodi aprova lei sira-ne’ebé sei pendente sei iha prosesu hela.

Seidauk harii Supremu Tribunál Justisa ho Tribunál Administrativu no Tributáriu sira nu’udar kondisaun importante tebetebes ida hodi bele harii Estadu Direitu Demokrátiku iha ita-nia leet.

Fundamentál katak Kámara Kontas Tribunál Rekursu nian bele asegura kontrolu ne’ebé efetivu ba despeza Estadu nian, hodi fila fali ba limite sira-ne’ebé prevee nanis kedas molok revizaun 2013 nian. Seidauk halo mós artikulasaun ne’ebé di’ak entre “Justisa Tradisionál” no desizaun sira-ne’ebé foti iha ámbitu justisa formál Estadu nian.

Lee hotu :   Fujitivu estranjeiru sira deporta ona ba Indonesia

Labele haluha importánsia estrutura tradisionál nian hodi rezolve konflitu, liuliu ninia potensiál boot atu harii pás sosiál, ne’ebé nasaun seluseluk maski dezenvolvidu ona buka halo tuir. Maski nune’e, realidade tradisionál hirak-ne’e labele la’o hasoru Estadu nia autoridade no unidade.

Tribunál sira tenke implementa iha territóriu nasionál tomak no asegura kobertura hale’u Timór laran tomak hodi garante asesu sidadaun hotu-hotu nian ba Direitu ho Tribunál sira.

Investimentu iha Justisa mak investimentu ida ne’ebé sei fó retornu. Nune’e, antes hakotu PR Taur hato’o votus susesu ba Prezidente Tribunál Rekursu foun ne’ebe susesu husi Prezidente Tribunál Rekursu nia mandatu mak sei sai susesu ba hotu- hotu nian.

Iha fatin hanesan, Prezidenti Tribunal Rekursu (PTR), Deolindo dos Santos hato’o nia prespsektiva katak iha laos de’it Tribunal Rekursu mak iha problema barak Tibunal sira hotu maibe ho kargu foun ne’e nia parte tenta rezolve problema ne’ebe iha ho apoiu husi maluk sira nian.

“Hanesan ita hotu hatene katak Timor iha juis terseira klase ho segundu klase deit ne’e mak esforsu ne’ebe mak ha’u tenke halo ne’e dezafiu ida halo nusa mak bele fo solusaun ba problema ida ne’e, oras ne’e la’o hela inspeksaun, inspector nain rua iha ne’e ona no fulan Agostu konklui ona depois mak sei ba fali terseira klase.” Dehan, Deolindo. Eus

Add to Comments Here!!!!

error: Content is protected.
Secured By miniOrange
You might also like:
Lere preokupa ho situasaun F-FDTL-PNTL

Xefi Estadu Maior Jeneral Falintil-Forsa Defeza...

PN hakarak PR eleitu mak nomeia PTR no PJR foun

Deputadu Parlamentu Nasionál (PN) hakarak Prezidenti...

Iha ona lei artemarsias, PNTL sei buka tuir artemasiais nebe treinu subar

Lei artemarsias, promulga ona  husi Prezidenti...

Close