EMA NAOK TELEMOVEL 7 IHA MERKADU TAIBESI

Ema deskoñesidu sira Segunda (15/08/2017) kalan sobu kadiadu janela kios  negosiante nian iha merkadu Taibesi hodi naok telemovel  hitu (7). Tanba membru seguransa sivil sira la sériu bainhira hala’o servisu.

Maske  iha merkadu Taibesi  Governu liu  husi  Ministériu  Admninistrasaun Estatal  monta ona seguransa, maibe   membru seguransa sivil sira la pro ativu hodi fo seguransa ba ema naok ten sira, tanba  ne´e fó espasu  ba naok ten sira  avonatade  halo operasaun. Telemovel ne´ebé mak ema naok hanesan Samsung, Nokia, no Telemor.  Entretantu  telemovel  ne´ebé mak lakon konta ba osan hamutuk  U$ 300.00. Ho akontesimentu  ne´e halo negosiante   Rosito Pinto, lamenta  maka´as, tanba seguransa sira la autoriza sira toba  hein sira ninia sasan. “Seguransa    ne´e  iha loron  no kalan tanbasa  mak ami ninia sasan bele lakon fali,“esplika negosiante Rosito Pinto, ba jornalista sira, Tersa (16/7/2017), iha merkadu Taibesi Akontese ema naok telemovel  iha merkadu taibesi ne’e ba dala rua ona. primeiru akontese iha  tinan rihun rua sanulu resin nen, no agora akontese tan iha fulan ne´e. Nune´e  mós  Xefi Operasional Diresaun Ministériu Komersiu Industria no  Ambiente Aniceto  dos Reis , rekoñese  ema naok duni sasan  iha merkadu Taibesi, maibe  nia seidauk simu relatóriu ruma husi ninia membru sira. “Akontesimentu  ida ne´e ha´u seidauk simu relatoriu ruma maibe em ha´u rona  problema  refere, ne´ebé ami nia kolega sira toma konta servisu kalan mak hatene liu,“hateten Aniceto  dos Reis. Nia dehan,  durante  ne´e sira kaer ona labarik  naok ten balun  mak tenta foti ema nia sasan. “Ne´ebé wainhira ami kaer bolu sira nia inan aman hodi selu fali ema nia sasan,“dehan nia.avi