PNTL GRADUA SARJENTU FOUN 114

Membru  Polisia Nacional Timor Leste (PNTL) hamutuk 114 simu graduasaun hodi sai hanesan sarjentu foun iha instituisaun PNTL hodi servi povu no nasaun ida ne´e.

“Kursu fulan 9 ne´ebe PNTL mak organiza, kursu ne´e hahu husi 5 de dezembru 2016 no ternima iha fulan ne´e, kursu ne´e ba formasaun sarjentu nian deit, formasaun fulan hitu (7) eskolar iha sentru formasaun nia laran no fulan rua (2) halo exercisiu iha munisipiu no mos iha unidade iha instituisaun PNTL nian laran,” Komadante Sentru Formsaun PNTL Superintendente, Arquimino Ramos, ba jornalista sira Sesta (04/08) iha akademia Comoro, hafoin remata graduasaun ba membru sarjentu foun. Membru sira tuir formasaun ne´e hamutuk 114, inklui mos nasaun Comunidade de Paises Lingua Portuguesa (CPLP) nian husi Guine Bisau no Sao Tome  nain hitu (7) Sao Tome nain hat (4) no Guine Bisau nain tolu (3) no hamutuk 121. Komadante ne´e afirma, sira ne´ebe mai husi PNTL, depois kursu ne´e remata sira promasaun kedas, ne´ebe serimonia graduasaun ne´e, no sira sai hanesan sarjentu PNTL foun iha instituisaun PNTL ne´e rasik. Maibe  membru ne´ebe mai husi CPLP nian ne´e, Ministro Interior sei halo rekomendasaun ba sira nia nasaun para sira hetan postu ida imidiatu tuir mai.  Kursu ne´e iha fulan sia nia laran, Komadante realsa tan, formasaun ne´e laos hotu iha ne´e, maibe sei hala´o nafatin hodi prense vagas balun ne´ebe mak seidauk prense atu nune´e bele prense tiha, atu nune´e bele asegura diak liu tan povu no nasaun ne´e iha futuru. Entretantu tuir formandu Fatima Maria Martins Marques katak, orguilho formasaun ne’e, tanba bele hasae sira ninia  koñesimentu iha area oi oin hodi servi povu no nasaun  ne´e, no sai hanesan ema profisional iha instituisaun PNTL ne´e. Aes