JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Tinan ne’e, UPF kaptura membru arte-marsiais liu 120

Tinan ne’e,  UPF kaptura membru arte-marsiais liu 120

Komandante Unidade Polísia Fronteira (UPF), João Belo, informa, iha tinan 2017 ne’e, UPF halo kapturasaun ba membru arte-marsiais ne’ebé tama- sai ilegal iha fronteira Batugade, Suai no Oecusse hamutuk 120 resin.

“Agora dadaun, hosi kompaña 3 iha dirasaun tomak, hamutuk ho komando munisipiu tolu, OE-Cusse, Suai no Bobonaro, ami halo kapturasaun ba grupu ilegais sira kuaze 120 resin, kompostu husi fulan Setembru no Outubru ne’e, maibe situasaun jeral iha fronteira, liuliu operasaun hasoru grupu arte-marsiais sira, ami sei hala’o nafatin tuir orientasaun ne’ebé mak ami simu hosi governu, no mós hosi ami nia komando, katak operasaun hasoru movimentu ilegais sira, liu-liu sira ne’ebé mak hakat ba sorin atu sa’e sabuk iha Indonezia, ami simu orientasaun hosi dirasaun atu halo operasaun kontra nafatin sira,”haktuir Komandante UPF João Belo ba jornalista sira, wainhira partisipa serimonia kolleta ikan iha Suku Palaka Postu Balibo, Munisípiu Bobonaro, Sábadu (08/10/2017).

Komandante UPF ne’e afirma, alende membru arte-marsiais, UPF mós halo kapturasaun ba sidadaun Indonesia no Timor-Leste ne’ebé tama-sai ilegal iha fronteira terrestre, hanesan Bobonaro, Covalima no Oe-Cusse.

“Sidadaun Indonesia, ita kaptura kada loron kuaze 20 ba leten inklui husi kompaña tolu, Maliana, Suai no Oe-Cusse, diariamente ami halo operasaun ne’e, ami kaptura ema barak,“katak João.

Tuir Komandante UPF ne’e katak, servisu UPF hasoru difikuldade oioin, maibe ne’e la’os obstakulu atu halakon vontade hodi servi nasaun tuir orden.

“Maibe difikuldade ne’ebé ami hasoru mak lei la fo dalan  ba ita atu kriminaliza ema tama ilegal, tanba ne’e atuasaun ne’ebé  ami halo mak kaptura, depois entrega ba imigrasaun, depois deporta fali ba Indonesia,”dehan João Belo.

Lee hotu :   João Câncio seidauk rembolsa indeminizasaun U$1.4 milhoens ba Estadu

Enkuantu, João Belo relata, hosi kapturasaun 120 membru arte-marsiais ilegal sira, kuaze 80 resin mak prosesa ona ba Ministériu Públiku. Say

Add to Comments Here!!!!

error: Content is protected.
Secured By miniOrange
You might also like:
Ko’alia sala, FRETILIN haksesuk ho CNRT ■ Arão Noe husu deskulpa

Deklarasaun Xefi bankada CNRT, Arão Noe...

GRANDE ENTREVISTA Hamutuk ho Liders 75 “Rogerio Lobato”

JORNAL NACIONAL GMNTV Loron-09 Fulan-Setembru Tinan-2017

Close