JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu Tiago Guerra ho Chan Fong Fong, Manuel Tilman konsidera laos kulpa Embaixada Portugal

Kazu Tiago Guerra ho Chan Fong Fong, Manuel Tilman konsidera laos kulpa Embaixada Portugal

Jurista Manuel Tilman konsidera kasal Portuguêsa nain rua, Tiago Guerra ho nia kaben Chan Fong Fong halai sai husi Timor uza pasaporte ne’e, laos kulpa husi embaxada Portugal.

Tuir Manuel, embaxada Portugal halo tuir deit regras, kuandu ema ida nia pasaporte mate bele renova foun fali, nune’e sira la sala.

“Ita nia Ministeriu Publiku ou tribunal mak la hare ba prende fali ema nia pasaporte ne’ebe liu oan prazu, entaun pasaporte ne’e foti ka la foti mos sira la preokupa,’’ dehan Manuel Tilman ba joranlista sira iha nia residensia Garden Beach Praia dos Qoqueiros, Segunda (4/12).

Advogadu privadu ne’e haktuir, sira iha ona intensaun atu halai sai, kuandu sira lakohi halai mak renova tiha pasaporte iha embaxada  Portugal sira bele lori fali ba tribunal, maibe sira la halo ne’e hafoin hetan pasaporte foun ne’e sira halai lakon kedas.

Lolos hafoin juiz sira hasai desizaun final kondena arguidu nain rua ne’e tinan walu, sira tenki hare kedas sira nia medidas seguransa atu sira ba liu kedas prizaun hodi hein desizaun, kuandu sira iha ona prizaun mak hein desizaun ne’e, rekursu ne’ebe sira hatama ba Tribuanl de Recurso mos sei servisu makas hodi hasai lalais desizaun ba sira nain rua tanba hein hela iha prizaun.

“Dala ruma mos tanba tribunal hare iha primeiru julgamentu aplika TIR ba sira nain rua la halai to’o julgamentu remata, nune’e tribunal fiar katak, sira la halai prende deit sira nia pasaporte, maibe realidade antes rekursu ba sira halai lakon tiha ona,’’ esplika Manuel.

Eis deputadu ne’e haktuir, agora ba oin Governu labele halo buat ida, tanba ema ne’e sei inosente hela, kuandu desizaun husi TR sai mak kondena sira tribunal solisita ba Ministeriu Negosio Estrangerio uza medida koperasaun judisiariu lori ba prokuradoria jeral Portugal nian hare analiza desizaun ne’e tuir duni regras ka lae, bele kaer sira sulan iha komarka Portugal ne’eba, mais atu lori sira fila ne’e labele ona.

Lee hotu :   TDD kontinua hamosu sasin ba kazu kontentór rua lakon

Iha fatin seluk jurista Sergio Hornai hateten,  iha posibilidade arguidu nain rua Tiago Guerra inklui Chang Fong Fong fila mai Timor, tanba Timor-Leste ho Portugal iha akordu kona ba transferensia pesoas kondena.

Nia dehan, iha tinan 2005 fulan Marsu Estadu Timor Leste ho pais lingua portuges sira konsege asina ona akordu transferensia pesoas kondenadu no nasaun Portugal iha obrigasaun atu implementa akordu ne’e.

“Karik ema ruma sujeita ba kazu sira hanesan ne’e, entre Ministeriu Justisa, Prokurodor Republika no mos Interpol bele kolia oinsa maka bele lori fila ema sira ne’e, bele halo julga iha ne’eba, maibe husi ne’eba tenke informa mai, katak atu prosesa ema ne’e, entaun nasaun rua presiza halo fali investigasun konjunta hodi ema ne’e bele responsabiliza, tanba ne’e, atu implementasaun akordu ne’e bele funsiona Ministeriu Justisa no orgaun interligadu sira persiza kontinua haforsa kontaktu diplomata ho nasaun Portugal,’’ koalia Sergio.

Nia esklarese, Australia deporta ona ema nain rua ne’e  ba Portugal, agora Timor Leste presiza liu husi via diplomata ida, atu bele kolia ho pais amigo hanesan Portugal, karik sira bele simu responsabilidade ba buat ne’ebe sira halo, karik iha Portugal, sei fo nesesariu sira bele lori ema sira ne’e mai iha Timor Leste, maibe ida ne’e depende ba negosiasaun ne’ebe mak halo. nia

Add to Comments Here!!!!

error: Content is protected.
Secured By miniOrange
You might also like:
Lalaok Desportu Eps.18 ”aikido”

Juventude lakohi sai instrumentu polítika

Juventude  Fatumeta Hadomi Paz, lakohi atu...

PM Alkatiri preokupa ho politizasaun mídia iha TL ”CI aprova karteira profesional ba jornalista 216 ”

Primeiru Ministru (PM), Mari Alkatiri, preokupa...

Close