JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Seguransa PN halo pasa revista ba jornalista

Seguransa PN halo pasa revista ba jornalista

Seguransa sivil iha Parlamentu Nasional (PN), Segunda (18/12), fó seguransa maka’as iha edifisiu PN, hodi halo pasa revista ba jornalista no públiku sira ne’ebé tama iha PN, tanba relasiona ho diskusaun jeneralidade Orsamentu Retifikativu iha plenária PN.

Pasa revista ne’e alende halo iha odamatan bo’ot PN nian, halo mós iha odamatan atu tama ba sala plenária PN.

Tuir observasaun GMN nota katak, la’os seguransa sivil de’it mak fó seguransa ba PN iha Segunda ne’e, maibé Polisia Nasional Timor Leste (PNTL) husi unidade BOP mós, hamrik haleu PN.

Maibé pasa revista ne’ebé halo iha odamatan sala plenária nian ne’e, seguransa sivil sira halo de’it ba jornalista, tanba diskonfia jornalista sira balun lori kro’at tama ba sala plenária.

Ho situasaun ida ne’e, jornalista sira husi media hotu iha Timor Leste lamenta tebes, tanba barak mak la tama hodi akompaña diskusaun OR ne’e.

Seguransa sivil no PNTL halo pasa ravista iha portaun ba ema ne’ebe mak tama ba Parlamentu Nasional atu akompania debate orsamentu retifikativu nian .

Tuir informasaun husi seguransa sivil sira ne’ebé halo pasa revista iha PN ne’e katak, sira halo pasa revista ba jornalista sira tanba sira simu orientasaun husi sira-nia Xefi sira.

“Ami simu de’it orientasaun atu halo pasa revista ba ema, liu-liu jornalista sira, tanba deputadu sira dehan, foin lalais problema iha Parlamentu ne’e, jornalista sira mak provoka,”hateten seguransa sivil ida iha PN, bainhira dada lia ho jornalista sira.

Maibé jornalista sira husi media imprime no eletronika sira deskontenti ho situasaun ne’e, tanba seguransa sivil sira halo pasa revista de’it ba jornalista, maibé ema seluk sira husik tama de’it.

Lee hotu :   MJ asina akordu ho UNTL hodi hasa’e koñesimentu lingua ofisial

“Tanba saida mak ami jornalista ne’ebé lor-loron mai iha Parlamentu Nasional ne’e, tenki halo pasa revista mai ami, maibé sira seluk ne’ebé mak lor-loron la mai ne’e, seguransa sivil sira la halo pasa revista,” katak jornalista jornal Diário Timor Post ne’ebé lakohi fó sai nia identidade.

Jornalista ne’e, konsidera hahalok seguransa sivil nian ne’e, kontra ona lei seguransa social, tanba impede servisu jornalista nian, li-liu atu asesu ba diskusaun OR iha PN.

Tuir ajenda PN nian, iha Segunda to’o Sesta semana ne’e, PN halo diskusaun kona ba jeneralidade OR, maibé la konsege, tanba bankada opozisaun la fó ulun hodi diskuti OR iha plenária, tanba sira hatama ona rekursu kona ba asuntu ne’e.aba   

Add to Comments Here!!!!

error: Content is protected.
Secured By miniOrange
You might also like:
Fidelis Magalhães: La’os tempu debate OR

Xefi Bankada Partidu Libertasaun Popular (PLP),...

GRANDE ENTREVISTA Hamutuk ho Dr. Deonisio Babo hosi partidu CNRT nomos Sr. Francisco Branco Xefe Bankada Partidu FRETILIN

JORNAL NACIONAL GMNTV Loron-18 Fulan-Dezembru Tinan-2017

Close