JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu agresaun fíziku hasoru F-FDTL, PNTL hasai ona auto notísia ba MP

Kazu  agresaun fíziku hasoru F-FDTL, PNTL hasai ona auto notísia ba MP

Kazu joven  nain  lima  husi Mascarinhas  ne´ebé mak deskonfia halo agresaun fíziku hasoru membru Polísia Militar (PM), submete  ona ba  Ministériu Públiku (MP).

“Kona-ba sira nain lima hanesan  suspeitu ba kazu agresaun fíziku  hasoru  soldadu Polísia Militar  ne´e auto notísia  haruka ona ba  iha Ministériu Públiku, espera  katak, prosedimentu  ne´ebé mak liga ba  kompetensia MP  sira sei agenda  bainhira  mak halo notifikasaun bolu sira  hodi halo notifikasaun klean  liu, “esplika Segundu Komandante  PNTL Superintendente Assistente Euclides Belo, ba GMN Kuarta (10/01/2018), iha Kuartel PNTL Caicoli Díli.

Enkuantu  auto notísia  husi  MP  ne´ebé mak PNTL hato’o, Euclides Belo dehan,  inklui membru PNTL  ida  husi Munisípiu Ermera nian, deskonfia involve   iha kazu refere.

Suspeitu agora dadauk sei iha uma hodi  notifikasaun husi MP hodi kompleta  prosesu  investigasaun.

“Iha notísia  fó sai  iha nain lima, inklui mós oknum Polísia ida  ne´ebé sira hamutuk nain 6  sai hanesan suspeitu,“dehan Euclides Belo.

Nune´e  kona-ba  soldadu Polísia Militar  Alberto  Sarmento  da Silva, Euclides Belo, dehan, seidauk hato’o  ninia deklarasaun, ba seksaun investigasaun kriminal.

Soldadu Poísia Militar halao tratamentu iha  HNGV, durante loron rua ho balun,  hahú iha Domingu (07/01/18) no tuir informasaun  ne´ebé mak Komando PNTL hetan  katak,  iha Tersa (09/01/18), vítima alta ona husi hospital  fila ba  uma.

“Tuir  informasaun  horseik ami rona  vítima rekopera  ona, ami espera  katak  nia sei fó informasaun detalhus kona-ba sofrementu  ne´ebé mak nia hetan  husi suspeitu sira,“dehan Euclides Belo.

Kazu  ne´e akontese  iha  Domingu (07/01/18), Motael kauza  husi hemu tua lanu  too akontese problema, nune´e joven sira diskonfia  halo agresaun fíziku hodi hakanek soldadu  Polísia Militar  Alberto  Sarmento  da Silva, ninia ibun  no ulun fatuk kanek tanba hetan pankada makas.

Lee hotu :   POLRI intrega suspeitu FLA ba PNTL

Antes ne’e  família husi   juventude nain lima,  Monica Soares Fatima senti  la kontente ho atuasaun Polisia Militar,  tanba  Polisia Militar ninia atuasaun hanesan kria fali funu kikoan ida iha Mascarinhas.

“Ami hanoin katak funu kikoan ida  mosu iha Mascarinhas, hotu-hotu halai, sira serkula hodi tama  uma laran, depois ha´u hateten ba sira, ha´u nia  oan iha ha´u hakarak  koopera  ho justisa  atu prosesu lao ba oin,“dehan Monica Soares.

Nia hatutan, Polísia Militar mak iha dever liu kaptura  joven sira ka Polísia Nasionál Timor-Leste (PNTL).

“Ho kapturasaun ne´e ami tuir ba  too iha Kuartel Polísia Militar, depois  Polisia Militar sira dehan ami nudar sira nia maun ami hanorin sira depois  mai ami lori ba Polísia iha Caicoli, depois ami tuir ba iha Caicoli haree ba ami nia oan ami la koñese,“dehan Monica Soares, ho matan ben.avi

Add to Comments Here!!!!

error: Content is protected.
Secured By miniOrange
You might also like:
VII Governu agora defaktu, tuir los PM rezigna-an

Forum ONG Timor Leste (FONGTIL) konsidera...

Horta : Situasaun polítika fo impaktu negativu ba ekonomia

Eis Prezidente Repúblika atual Ministru Estadu...

JORNAL NACIONAL GMNTV Loron-10 Fulan-Janeiru Tinan-2018

Close