JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kompaña Hong Long sei manan iha Tribunal ”FM sujere justisa ho lolos

Kompaña Hong Long sei manan iha Tribunal ”FM sujere justisa ho lolos

Advogadu ba kompaña Hong Long, Manuel Tilman, garante katak, Hong Long sei manan iha tribunal  tanba durante halo aktividades peskas iha Tasi Timor hetan lisensa  husi Governu Timor Leste.

Polisia Nasional Timor Leste (PNTL) halo buska no kaptura roo ho ninia tripulantes sira husi kompaña Hong Long nian tanba konsidera viola regulamentus kontratu hodi halo fali peskas ba ikan tibaraun new’ebe konseide species protezidas.

Manuel Tilman ne´ebe fo asistensia legal ba kazu ne´e garante katak ninia kliente sei manan iha Tribunal.

 ´´Primeiru hare tuir parte kriminal deit, ne´ebe kazu ne´e iha ona Tribunal katak, sira (Hong Long-red) ba tiha ikan protezidus, tiha ikan protezidus ne´e iha artigu 2 Kodigu Penal, artigu ida maka 218 KP kona ba especies ikan ne´ebe iha tasi okos ne´ebe protejidu, no artigu 219 KP kona ba peskas ne´ebe lahetan lisensa, maibe Hong Long lae, tanba kompaña legal rejistradu iha Timor katak Hong Long Fishing Limitada,” esplika Manuel Tilman, ba GMN iha Dili, foin lalais ne’e.

 Limitada ne´e, tuir Manuel Tilman katak, kompaña Nasional rejistu iha Timor, Join Venture ida ho Hong Long Internasional Fishing iha Xina ho kompaña nasional  ida, ne´e duni kompaña Hong Long ne´e iha Timor Legal, ne´ebe atu aplika krime karik aplika artigu 219 numeru 2, maibe Tribunal Baucau to´o ohin loron seidauk hetan motivu, hetan motivu maka artigu 218, tanba ba haree iha ro laran hetan duni especies tubaraun ne´ebe protejidus.

Manuel Tilman esplika tan, kaer ikan protejidus ne´e tuir lei Kodigu Penal atu sai krime ka lae tenke ho intensaun katak atu kaer duni ikan protejidu, tanba lisensa ne´ebe maka Governu fo ba los iha fatin ne´ebe tubaraun maka barak, tan ne´e tuir siensia tasi nian katak, fatin ne´ebe ikan tubaraun barak ikan seluk laiha, maibe Governu fo autorizasaun, no redi ne´ebe maka Kompaña uza boot, tan ne´e ikan ne´ebe protezidus ne´e maka tama fali.

Lee hotu :   Kazu lori moeda tama TL, PNSIK la rejista iha MP

Nia lia tun tenik, wainhira ikan tama ba rede laran, depois dada rede ba ro laran kuandu ikan sei moris iha obrigasaun soe fali ba tasi laran, maibe mate ona la bele, tanba bele estraga ambiente.

´´Tribunal atu akuza Hong Long tenke verifika artigu 219 Kp katak kompaña ne´e hetan lisensa ka lae, maibe Hong Long hetan lisensa entaun labele kondena, artigu 218 katak peskadores sira iha vontade rasik kaer ikan Tuberaun ka lae, maibe hau hanoin lae karik, se hanesan ne´e hau dezafia Juis sira iha Tribunal Baucau akuza tok ba para hau hodi harem,´´ hateten Manuel Tilman.

Iha parte seluk, Organizasaun Naun Govermental Fundasaun Mahein espera  katak justisa ba Hong Long tenke  hatur lolos tuir ninia grau krime mak sira envolve.

´´Ami espera katak ita nia tribunal hatur lolos justisa para atu bele hetan rezultadu diak, no suspende totalmente aktividade kompaña Hong Long,” hateten Director Ezekutivu FM, Nelson Belo.

Nia reafirma katak, ema hirak ne´ebe involve iha kontratu tenke hodi ba hatan iha justisa, tanba indikasaun kurupsaun  no abuzu de poder.

Kazu kompaña Hong Long Fishing Lda, rejistu ona iha Tribunal Distrital Baucau ho Numeru Prosesu NUC. 0143/17.PNSIC, kaer husi Juis Administrador Tribunal Distrital Baucau, Afonso Carmona, Ministeriu Publiku (MP) reprezenta husi prokurador Hernani Ranger, kompanhia hetan asistensia legal husi advogadu privadu, Manuel Tilman. mia

Add to Comments Here!!!!

error: Content is protected.
Secured By miniOrange
You might also like:
AMP la rejistu iha TR ”Arão Noe: Kumpri regras legal

Aliansa Maioria Parlamentar (AMP) ne’ebe kompostu...

PR Lu Olo : La bele hapara logistika ba PNTL ho F-FDTL ”Kondekorasaun la bele halo fali ba animal

Prezidenti Republika (PR), Francisco Guterres “Lu...

Laiha akordu extradisaun, Susar lori Tiago-Chan Fong mai TL

Governu atu lori fila Tiago Guerra...

Close