JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

F-FDTL nain 10 kompete tiru iha Australia

F-FDTL nain 10 kompete tiru iha Australia

Membru  FALINTIL Forsa Defeza Timor-Leste (F-FDTL),  nain 10, iha semana ne´e sei aranka ba Australia hodi partisipa kompetisaun tiru alvu iha Adelaide, Australia.

“Ekipa  sira ne´e selesionadu  iha   fulan Marsu no  iha loron 13 fulan Maiu, tinan ne’e, sira sei tuir kompetisaun tiru,“esplika  Vise  Xefe Estadu Maior F-FDTL Brigadeiru Filomeno Paixão, ba jornalista sira, Sesta (13/04/18), liu  husi konferensia imprensa iha salaun Kuartel Jeral F-FDTL Fatuhada Díli. 

Nia  hatutan,  kilat  ne´ebé mak sei utiliza ba kompetisaun tiru sei oferese husi forsa Australianu nian ho marka mil kaliber.

Kompetisaun ne´e sei involve militar husi nasaun 17, inklui Indonesia, Nova-Zelandia  no Timor-Leste.

Tanba  ne´e, Filomeno Paixão husu membru  sira tuir  kompetisaun atu disiplina  nune´e nasaun seluk mós bele respeita.

Alende ne´e, Komandante  Programa Kooperasaun  Defeza  Austrália  nian iha Timor-Leste, Goslin, hateten, kompetisaun tiru  ne´e  hodi hametin relasaun bilitaral defeza  Australia  ho F-FDTL.

“Kompetisaun ne´e ami bolu  Army Skill At Arms Meeting (ASSM) hanesan kompetisaun tiru internasionál importante ida hala´o kada tinan-tianan iha Australia,”dehan Goslin.

Kompetisaun  tiru ne´e realiza,  hetan apoiu husi  Defence  Cooperation Programme  (DCP),  ba Army Skill  at Arms Meeting  (AASM) husi kedas tinan 2004.

Kompetisaun tiru ne´e sei hala’o iha Adelaide, ekipa sei hala’o treinamentu  liu tan  ho  Batallaun  Infantaria 7 husi Primeiru Brigada  Australia nian.avi

Lee hotu :   RDDH hasoru PJR koalia konaba violasaun direitus humanus

Add to Comments Here!!!!

error: Content is protected.
Secured By miniOrange
You might also like:
PNTL aluga kareta 59 asegura EA

Komando Jeral Polísia Nasionál Timor-Leste (PNTL),...

PD promote sei hasae salariu FP, PNTL no F-FDTL

Prezidente Partido Demokratiku (PD), Mariano Assanami...

Atsabe promete vota ba AMP • Xanana haklaken negosiasaun FM

Komunidade Postu Administrativu Atsabe, Munisipiu Ermera,...

Close