JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PNTL KRIZE KOMBUSTIVEL

PNTL KRIZE KOMBUSTIVEL

Komandante Jeral Polisia Nasional Timor-Leste (PNTL), Komisariu Julio Hornay, informa, PNTL oras ne’e dadaun enfrenta problema tamba falta  kombustivel atu hala’o atividade operasional no mos halo atendimentu públiku.

“Problema ne’ebé mak  ami informa ba Prezidenti Repúblika kona-ba situasaun  jeral atendimentu ba servisu operasaun ninian, liu-liu kombustivel  ba kareta no mos manutensaun ba kareta sira ne’e mak sai problema ida ba instituisaun para membru sira utiliza ba atendimentu operasaun ninian,”dehan Komisariu Julio Hornay ba Jornalista sira, Kinta (19/07/2018), hafoin remata enkontru ho Prezidente Repúblika, Francisco Guterres ‘Lu-Olo’, iha Palasiu Prezidensial Nicolau Lobato-Bairo Pite, Dili.

Nia afirma tan katak, bele dehan kombustivel ba kareta operasional PNTL nian laiha ona. “Komandante Munisípiu sira telefoni dehan katak tenki ser hetan  apoiu, mais nia hanesan Komadante Jeral hakarak hatete katak, ida ne’e kestaun Governu  ninian, la’o PNTL deit maibe ministeiru tomak enfrenta.”dehan nia.

Ho problema hirak ne’e, Julio Hornay husu ba Komandante PNTL sira hotu atu fiar katak, neneik lalais   sempre iha solusaun, no husu ba komandante hotu atu orienta nafatin membru sira atu  mantein nafatin atividade operasional ba  atendimentu públiku.

“Ita labele uza dehan  katak difikuldade hirak ne’e sai obstakulu ba ita atu halo servisu, los duni saida mak ita iha, ita nafatin  firmeza  ba ita-nia  servisu  ne’ebé mak povu  fo ona mai ita atu bele asegura esatabilidade no paz ba povu rai doben Timor Leste ida ne’e,”akresenta Julio Hornay.Oly 

Lee hotu :   Antesipa terorizmu, SAT treina tiru konfiansa ho bala real

Add to Comments Here!!!!

error: Content is protected.
Secured By miniOrange
You might also like:
ANTES 30 DIAS, AMP APREZENTA PROGRAMA

Sekretáriu Jeral partidu Congresso Nacional de...

PROPOSTA FOTI OSAN FP BAIXA ONA BA KOMISAUN C

Meja Parlamentu Nasionál (PN) V lejislatura...

OHIN, GOVERNU HARUKA PROGRAMA BA PN, PR LÚ OLO HAKARAK HARE OPSAUN BA LISTA MEMBRU GOVERNU

Primeiru Ministru (PM), Taur  Matan Ruak,...

Close