JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kontinua uza ID falsu tarata lideransa, Lere: Ha’u toman sei atua fora husi lei

Kontinua uza ID falsu tarata lideransa, Lere: Ha’u toman sei atua fora husi lei

Xefi Estadu Maior Jeneral Falintil Forsa Defeza Timor Leste (F-FDTL) Major Jeneral Lere Anan Timur, informa, iha nasaun ida ne’e ema balun kontinua uza identidade falsu (Identity Document/ID) halo karikatura foto hodi hatete lia a’at ba lideransa nasional sira iha Media Sosial (MedSos), tamba ne’e nu’udar elementu seguransa mak kaer toman ema sira ne’e sei atua fora  husi lei.

“Dehan horikalan, iha fali karikatura foto Primeiru Ministru, Taur Matan Ruak, tau tali iha kakorok depois tolok tan,  hanesan uluk mos akontese ba Prezidenti Lú Olo, maun Xanana, Ramos Horta, Mari Alkatiri, no Seluk tan. Ha’u dehan katak ida primeiru kestaun moral, segundu mos kestaun polítika, no ema sira ne’ebé mak halo buat ida ne’e, dala ruma ema ne’ebé mak uluk lakohi ukun a’an. Ha’u aban-bainrua mak toman hanesan ne’e, ha’u atua fora da lei ona”,dehan Lere Anan Timur ba Jornalista sira, hafoin remata enkontru semanal hodi informa situasaun rai laran ba Prezidenti Repúblika, Francisco Guterres ‘Lú Olo’, iha Palásiu Prezidensial Nicolau  Lobato, Bairo Pite,Díli, Kuarta (10-10-2018).

Tanba ne’e, Lere husu ba Tribunal atu kriminaliza ema sira hanesan ne’e. Tanba Lere dehan, nu’udar elementu seguransa ida nian, aban- bain rua mak toman ema sira ne’e, nia sei atua fora husi lei, no nia hein para ema toma desizaun kontra nia desizaun ne’e rasik.

“Buat sira ne’e kona  de’it mai ami  lider  rezistensia ba funu libertasaun nasional, no la kona-ba ema seluk, husi Marí to’o maun Xanana, Taur, Lú Olo, maun Ramos Horta, ha’u mos seidauk sai, aban bainrua mos sira sei halo sai karik? ne’e mak ha’u husu atu kriminaliza ema hirak ne’e, no tenki fo sai ba públiku hanesan omisidiu, no se lakohi, buat ne’e la’o hanesan ne’e nafatin, ha’u rasik toman, ha’u sei toma medida ida ba ema ne’e, no ha’u hakarak ema ne’e kondena ho ha’u-nia desizaun ne’ebé ha’u foti, para depois ha’u mos responde fali nia kondenasaun ne’e. Ohin loron ita Timor iha demokrasia, iha direitu igualidade hanesan hotu, maibe ita-nia  kontribuisaun harii nasaun ne’e mak la hanesan”,akresenta Lere.

Lee hotu :   Falta loron 6, TR seidauk simu lista kandidatura ParPol

Kona-ba ID falsu ne’e, foin lalais Prezidente Repúblika, Francisco Guterres ‘Lú Olo’, preokupa no husu atu kria lei ida hodi kriminaliza ema hirak ne’e. Nune’e mos preokupasaun hanesan levanta husi deputadu bankada FRETILIN Antonino Bianco, tanba ema uza ID falsu nia objetivu ne’e mak hatete a’at ema, tolok lideransa nasional sira iha media sosial.Oly

Add to Comments Here!!!!

error: Content is protected.
Secured By miniOrange
You might also like:
PPN:Relatóriu FM kompetensia Governu nian

Prezidente Parlamentu Nasionál (PPN), Arão Noe...

Komunidade rezita deklarasaun Xefi Suku Fatuhada

Komunidade Aldeia 03 No 05 suku...

CCITL hetan subvensaun Estadu rihun US$80

Prezidenti Câmara Comersio e Industria de...

Close