JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere:Joven sira labele provoka forsa

Lere:Joven sira labele provoka forsa

Xefi Estadu Maior Jeneral Falintil- Forsa Defeza Timor Leste (F-FDTL) Major Jeneral Lere Anan Timur, hatete, kazu ne’ebé deskonfia membru F-FDTL tiru joven  ida iha Suku Nunira-Laga, tuir regra forsa iha direitu halo auto defeza, wainhira hetan asaltu husi ema ruma.

“Membru F-FDTL hirak ne’e sai , tuir regra empeñamentu, kaer kilat hodi halao sira nia misaun, no akontesimentu iha Laga ne’e, tamba hetan asalta husi joven sira, no forsa ne’e tiru ou lae, maibe tuir regra.

iha momentu ne’eba membru  F-FDTL ne’e, akompaña ninia komandante ne’ebé mate ba Laivai, no joven sira asaltu fali iha dalan,  no ba ha’u dehan katak Forsa Defeza, kuandu Armadu ba fatin ida ema ruma mak ataka,  nia iha direitu ba nia auto defeza,  fatuk mos oho ema,  katana mos oho ema, tamba ne’e mak ha’u husu ba joven sira la bele provoka demais forsa armada ne’ebé halo misaun, joven sira mak halo  lanu, oho malu ne’e problema imi nian, maibe kuandu forsa armada ne’ebé hatais farda labele bo’ok”,dehan Lere Anan Timur ba Jornalista sira, hafoin remata enkontru ho Prezidenti Repúblika, Francisco Guterres ‘Lú Olo’, Kuarta (10-10-2018), iha Palásiu Prezidensial Nicolau Lobato Bairo Pite, Díli.

Lere akresenta, kazu neé atu ba Tribunal mos sei tesi, forsa armada mak sala ka joven sira mak sala. “Ba joven sira porblema ne’e la’os primeira vez akontese,  maibe  problema ne’e akontese dala barak, no fatin Laga ne’e mos nia  rona informasaun halo problema dala barak  ona, no mos fatin seluk”,tenik tan Lere.

“Agora ita buka nia kauza,  tamba saida mak joven sira halo asaun sira ne’e? kalan loron baku malu no tuda malu, ita haree ba joven sira ne’e kuitadu tur lemo-lemo iha estrada to’o  stress, servisu la iha, nia rasik Timor-oan marjinalizadu, entaun ho nune’e sira buka dalan, halai ba liur ba Korea no Inglaterra no Australia, sira marjinalizadu nafatin, sira biar simu osan, maibe sira laiha direitu reklama hanesan ema rai nain simu, tamba ne’e ha’u hanoin mos katak, ita la bele  kondena joven sira sala, maibe ita tenki buka nia kauza”, Subliña Lere.Oly

Lee hotu :   Trata veteranu fuuk la fase, Veteranu Baucau kondena Xefi Suku Wailili

Add to Comments Here!!!!

error: Content is protected.
Secured By miniOrange
You might also like:
TL apoia rihun US$750 ba vítima tsunami Palu

Konsellu Ministru lori povu Timor-Leste nia...

Kontinua uza ID falsu tarata lideransa, Lere: Ha’u toman sei atua fora husi lei

Xefi Estadu Maior Jeneral Falintil Forsa...

PPN:Relatóriu FM kompetensia Governu nian

Prezidente Parlamentu Nasionál (PPN), Arão Noe...

Close