JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Oho malu iha Uatulari, Nain ida mate, haat kanek todan

Oho malu iha Uatulari,  Nain ida mate, haat kanek todan

Joven ida ho identidade kompletu Rosito João  Bosco hetan  oho  husi família rasik, hafoin partisipa seremonia sau batar tinan nian iha uma lulik ida iha   Aldeia Ulusu, Suku  Matahoi, Postu Administrativu Uatulari, Munisípiu Viqueque.

Komandante  Investigasaun Munisípiu Viqueque  Inspetor  Paulino  Freitas Soares haktuir  kronolijia husi akontesimentu ne’e katak, kazu  homesidu  akontese iha Uatulari, antes  ne’e  vítima Rosito João  Bosco  tinan 31  husi Munisípiu Baucau Triloka  ba sau batar  iha Uatulari, iha   Segunda (11/03/19) tuku 7 kalan, oras Timor-Leste,  iha kalan ne’e  vítima  hetan moras  uma lisan sae nia alias bulak, vítima Rosito foti  diman uma lulik nian  hodi hakanek nia maun alin sira.

Ema sira  kanek ne’e hamutuk nain haat. Tanba  sira nain  haat kanek  ona  entaun entre sira nain haat  ida  mak losu fali diman husi  nia isin hodi sona fali vítima  to’o mate. Vítima Rosito ho sira mesak maun alin no família  de’it.

Durante ne’e Rosito ho ninia inan-aman sira hela de’it iha  Baucau Triloka, entaun  tempu sau batar sira mai iha Uatulari akompaña hodi sau batar Wainhira seremonia kultura ne’e liu tiha mak akontese oho malu  ne’e.

“Ema nain haat  kanek  ne’e, nain tolu  tratamentu iha Sentru Saúde Uatulari, tanba  ne’e mak ami halo hela aprosimasaun para  halo identifikasaun ba  sira,   suspeitu oho vítima aviaun tula liu ba iha Dili   tanba  hetan sona ho diman  husi matebian   Rosito”,esplika  Komandante Investigasaun Munisípiu Viqueque  Inspetor Paulino Freitas Soares, ba GMN Kuarta (13/03/19) via telefoni.

“Matebian  Rosito João Bosco,  wainhira hala’o tiha ona autopsia  iha Tersa (12/03/19) iha Hospital Nasionál Guido Vadares (HNGV), depois hotu tiha  investigador sira lori ba intrega kedas família  iha Baucau hodi halo seremonia funebre”, Paulino  Freitas Soares.

Lee hotu :   Konfrontu entre joven iha Bekora, Rezulta joven na’in rua kanek no kareta ida rahun

Waihira husu joven ne’e  mate ne’e foin husi Korea mai Timor-Leste? Responde ba kestaun ne’e, Paulino  Freitas Soares, seidauk hatene  informasaun lolos vítima Rosito João Bosco, foin fila husi Korea ka lae.

“Ne’e ami la hatene, wainhira ami hetan ona vítima ninia família no inan-aman sira  parese ninia inan-aman sei hatene liu nia foin mai husi Korea ka lae”,Paulino  Freitas Soares.

Enkuantu tuir lei armas brankas númeru 5/2017 bandu ema kaer sasan kroat hodi hakanek no oho ema seluk.avi

Add to Comments Here!!!!

error: Content is protected.
Secured By miniOrange
You might also like:
Falur Rate Laek : Lojistika sai preokupasaun iha F-FDTL

Instituisaun Falintil- Forsa Defeza Timor Leste...

MF fó ona instrusaun ba BCTL transfere millaun USD 650 ba ConocoPhillips-Shell

Ministra Finansas (MF) interina, Sara Lobo...

KM nomeia Faustino da Costa no Mateus Fernandes lidera PNTL

Konsellu Ministru aprova rezolusaun Governu, hodi...

Close