JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Atu sosa kilat 100 ba PSIK, PN sujere tetu didiak vantajen no desvantajen

Atu sosa kilat 100 ba PSIK, PN sujere tetu didiak vantajen no desvantajen

Deputadu Komisaun B asuntu defeza no seguransa iha Parlamentu Nasionál (PN), Luis Roberto, sujere ba Governu atu tetu didi’ak, antes implementa planu sosa kilat 100 ba membru Polísia Sientífiku Investigasaun Kriminal (PSIK), nune’e labele hamosu interpretasaun oi-oin iha públiku, tanba PNTL no F-FDTL ne’ebé treinadu rasik, dalaruma sei utiliza ekipamentu militar nian ne’e latuir regras.

“Servisu hotu iha rizku, la’os ba PSIK de’it, satan ba iha área justisa, sempre iha rizku, PNTL no F-FDTL de’it sei iha rizku, ita tenki bazeia mós ba ita-nia lei ne’ebé preve katak, ema sívil labele kaer kilat, PSIK ne’e rasik mai husi ema sívil, la’os PNTL ka F-FDTL.

Maibé kuandu Governu iha inisiativa atu apoiu ba sira PSIK ho material hanesan kilat, atu assegura sira-nia vida, ne’e mós ideia di’ak ida, maibé presiza diskute klean nia vantazen no desvantazen sira, tanba ne’e hanoin didi’ak molok implementa, tanba ita Timor ne’e, buat ida hanesan ne’e, dalabarak ema interpreta sala, liu-liu ita-nia komunidade sira, tanba ne’e mak, di’ak liu antes halo implementasaun, tenki sosializa mós ba povu TL tomak, nune’e ita-nia povu hatene katak, servisu PSIK ne’e hanesan ne’e, para labele kria konfuzaun iha komunidade nia le’et”, hateten Luis Roberto ba jornalista iha PN, Kuarta()15/05/2019).

Luis Roberto haktuir, membru PSIK sira mós, tenki kompriende arma ne’e nia vantajen no desvantajen, no armas ne’e atu utiliza ba saida.

Segundu Vise Prezidente Parlamentu Nasionál ne’e afirma, iha tempu badak komisuan B, sei bolu ministru defeza no seguransa hodi bele esplika klean liutan ba parlamentu kona-ba inisiativa Governu nian hodi sosa kilat.

Lee hotu :   TDD sei hasai mandadu kaptura Gastão Sousa

“ Ami sei konvida ministru defeza no seguransa, para bele klarifika ida ne’e ho di’ak, molok tama iha faze implementasaun nian. Tanba ema sívil atu kaer kilat ne’e, tama ona sistema militar, tanba ne’e kuandu Governu autoriza ona sira atu kaer kilat hodi assegura sira-nia vida, tenki iha treinamentu ida ne’ebé mak rigorozu, hodi hatene nia funsiaun no utiliza iha tempu saída de’it, no oinsa bele utiliza, sela’e povu bele interpreta sala”, katak Luis Roberto.

Tanba ne’e, Luis Roberto dehan, PN sei bolu ministru defeza no seguransa, para diskute klean liutan asuntu ida ne’e, tanba PSIK ne’e la’os militar, no lei la fó dalan ba ema sívil utiliza kilat, maibé haree fila-fali ba kna’ar ne’ebé sira halo, sira (PSIK) nia vida mós hetan ameasadu, bainhira tun ba terrenu atu halo kapturasaun ba suspeitu ruma, ne’e presiza seguransa.

“Uluk ita tau konfiansa ba defeza no seguransa atu haree PSIK, maibé agora sira atu iha rasik hodi alkansa tan sira-nia objetivu, tanba ne’e mak dalaruma Governu fó autorizasaun ba sira atu hetan kilat, maibé ita presiza ko’alia klean kona-ba ida ne’e, sela’e ita-nia populasaun bele interpreta sala, tanba ita-nia PNTL no F-FDTL ne’ebé mak iha direitu para atu kaer kilat de’it, sei dezkontroladu tiha, dalaruma sira kaer kilat tiru tu’un sa’e, dalaruma utiliza kilat latuir nia regras no laharee ba situasaun, sa tán ema sívil hanesan PSIK. Ne’eduni Parlamentu presiza diskute ida ho parte relevante sira”, tenik Luis Roberto.

Enkuantu pedidu sosa kilat 100 ba PSIK ne’e, aprova ona iha konsellu ministru, hodi halo akizisaun tuir diploma ministerial nian hodi konsolida servisu PSIK nian.say

Add to Comments Here!!!!

error: Content is protected.
Secured By miniOrange
You might also like:
PN sei la ajenda servisu KIP ba plenária

Meza Parlamentu Nasionál (PN) sei la...

Konstrusaun Portu Tibar tama ona faze kee rai iha tasi okos

Projetu portu Tibar dadaun nee tama...

Jornal Semanário GMNTV Edisaun 12 Maiu 2019

Close