JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Laiha dalan kondena ema defama PR iha MedSos

Laiha dalan kondena ema defama PR iha MedSos

Asian Justice And Rights (AJAR) konsidera laiha dalan atu kondena ema hirak ne’ebé defama Prezidenti Repúblika (PR), Francisco Guterres ‘Lú Olo’, liu husi Média Sosial (MedSos), tanba konstituisaun República Democrática de Timor-Leste (RDTL) fó liberdade ba ema atu expresa ninia sentimentu.

 “Ami hanoin ne’e ladún iha dalan, tanba ita nia artigu 40, konstituisaun RDTL alinea 2, ko’alia kona-bá liberdade expresaun no informasaun ne’e, laiha sensura ruma, atu kriminaliza aktu ida ne’e, tanba mós ko’alia kona-bá ida ne’e, ita nia lei defamasaun, kódigu penal ou kódigu prosesu penal revoga tiha ona no hasa’i tiha ona, lei ida labele moris dala rua prinsípiu ida ne’e”, AJAR Programe Officer, Inocencio Xavier ba GMN iha ninia kna’ar fatinFarol-Díli, Kinta (30-05-2019).

Nia informa, tuir sosiedade sivil nia haree pedidu husi PR Lú Olo ne’e sira respeita, maibé pedidu ne’e laiha fatin tuir konstituisaun RDTL, artigu 40, alinea 2.

“Ami respeita pedidu PR Lú Olo ninian ne’e, maibé pedidu ne’e laiha fatin, tuir konstituisaun artigu 40, alinea 2, ne’e bele liu husi dalan seluk denunsia klanioza, ita bele uza de’it ita nia kódigu penal hodi prosesa, sé la’e ita hamosu tan lei ida hodi hanesan ne’e, ladún pertinente”, salienta Programe Officer AJAR ne’e.

Inocencio Xavier akresenta, PR no lideransa sira seluk ninia kapasidade la hanesan ho sidadaun bai-bain, nune’e sira merese hetan protestu públiku liu husi meiu sira ne’e.

“Sira nia kapasidade ne’e la hanesan sidadaun bai-bain, ne’ebé sira merese duni atu hetan prostestu públiku, liu husi meius sira, agora buat ne’ebé maka liga ho facebook, MedSos, iu-liu kona-bá halo editing, ho trata sira, nee ita liu husi dalan ida denunsia klanioza, hasoru individu ka ajenti ida ne’ebé maka halo ida ne’e, para ita lalika book tan lia ruma hodi mai atu hanesan, tanba ita nia rezimi demokrátiku ita nia rai ne’e demokrátiku, nune’e sé ita hamosu ho lei ida ne’e, ninia intensaun ne’e saída, sé la’e dalaruma ema interpreta katak, ita anti demokrásia, ha’u konkorda iha buat ruma ne’ebé maka la tuir dalan, maibé ne’e la signifika ita atu buka meuis hotu-hotu atu kriminaliza hanoin sira ne’e, husi ita nia komunidade no ita nia sosiedade”, haktuir Programe Officer AJAR ne’e.

Lee hotu :   Jesuína Gomes: “Hau sei foka liu ba direitu ekonomia no kultura”

Entretantu antes ne’e, Prezidenti Parlamentu Nasional (PN), Arão Noe hateten, iha dalan rua atu rezolve linguajen defamasaun ba órgaun soberanu sira, hanesan tenki kriminaliza defamasaun no dalan seluk maka kazu insestu no konsidera bele halo alterasaun ba lei kódigu penál, hodi bele kriminaliza defamasaun, tanba iha kódigu penál defamasaun ne’e konsidera hanesan kazu sivil.

Antes ne’e mós PR Lú Olo hato’o lamentasaun ba PN, relasiona ho ema balun ne’ebé defama nia iha MedSos. Mya

Add to Comments Here!!!!

error: Content is protected.
Secured By miniOrange
You might also like:
CPLP na GMN edição 27 Maio 2019

Kontrola osan Estadu, Governu Sentrál sei instala GRP iha RAEOA

Vise Ministra Finansas, Sara Lobo Brites,...

Ezekusaun OJE 2019 lao neneik

Vise Ministra Finansas no Ministra Finansas...

Close