JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu oho Vera, TDD adia leitura akordaun tanba iha faktus foun

Kazu oho Vera, TDD adia leitura akordaun tanba iha faktus foun

Tuir ajenda Tribunal Distrital Díli (TDD) iha Sesta loron 16 fulan ne’e, kontinua halo julgamentu ba krime homesidiu agravadu ne’ebe deskonfia involve arguidu nain hat ho inisial NX, NXB, ADJ no JT hodi rona leitura akordaun, maibé tribunal labele halo leitura akordaun tanba sei halo deliberasaun ba faktus foun iha akuzasaun laran.

Liu husi deliberasaun ne’e, iha faktus hat ne’ebé tribunal hetan kona ba involvimentu arguidu sira nian iha kazu oho lezada ou matebian Vera, primeiru faktus katak, iha loron 2 fulan Juñu tinan 2018, matebian Vera lakohi fila ba uma hafoin arguidu NX ho Vera ba iha Cristu-Rei Dolok Oan, tanba ne’e arguidu husik hela lezada hodi la’o ain husi Dolok Oan to’o Likintai hodi husu ajuda ba família hodi ba tula Vera, segundu arguidu husu ajuda ba Joana dos Santos inklui arguidu  JT hodi uza kareta ba tula Vera iha Dolok Oan, terseiru kuandu to’o iha Dolok Oan Vera laiha fatin no faktus ikus liu mak iha loron 2 fulan Juñu tinan 2018 Vera lakon to’o agora.

Hafoin lee sai faktus foun hirak ne’e, juiz prezide marka fali audensia ba loron 22 fulan ne’e hodi rona leitura akordaun.

Antes ne’e, tuir akuzasaun husi Ministériu Públiku (MP) ne’ebé lee sai husi juiz prezide katak, iha  tinan 2015 to’o 2016, arguidu NX ho lejada ou matebian hela iha señora ida ho naran Roza nia uma iha área Likintai-Taibesi, no sira nain rua mós konsege hahú relasaun namora, maibe iha loron 30 fulan Jullu tinan 2018 tuku 16:00 Otl, arguidu NX ba hasoru matebian iha kampu Alor ho objetivu atu lori matebian ba Likintai no toba iha ne’eba.

Lee hotu :   Julio Hornai: Kazu tiru iha Maliana imprime ona

Iha fali loron 1 fulan Jullu tinan 2018 dadersan, arguidu NX ho matebian sai husi uma Likintai  hodi ba fali matebian nia uma iha Kampung Alor atu hasoru malu ho matebian nia maun Marcel hodi husu autorizasaun lori matebian ba arguidu nia rain iha Lekidoe hodi aprezenta lezada ba família, tanba ne’e lezada nia maun mós aseita, maibe wainhira to’o iha área Palásiu Governu, arguidu ho matebian diskute malu no ikus mai arguidu la konsege lori matebian ba Lekidoe maibé liu fali ba área Cristu-Rei, no arguidu ho matebian konsege toba kalan ida iha Cristu Rei kotuk, maibé antes ne’e arguidu konsege kaer toman matebian amante ho mane seluk ho A matebian nia uma.

Iha loron 2 fulan Jullu tinan 2018, arguidu NX telefone ba nia maun, arguidu NXB, ADJ no JT hodi lori kareta ba iha área Cristu-Rei atu oho matebian, tanba antes ne’e arguidu sira iha ona planu no ema ne’ebé mak halo planu atu oho metebian mak hanesan, arguidu NX, NXB, ADJ no JT, no to’o iha ne’eba arguidu ADJ no JT mak kaer matebian nia liman, no arguidu NX mak ho katana tá iha matebian nia ulun dala rua, hasan dala ida, liman dala ida no lori katana nia tutun, sona iha metebian nia kotuk laran dala tolu, wainhira matebian hakilar arguidu NX hasai nia faru hodi sulan matebian nia ibun atu labele hakilar no ikus mai matebian hakotu iis no arguidu sira tula fali matebian nia mate isin ho kareta no liu husi eis Loza Hello Master nia oin hodi sosa sinelus kor Pink hodi tau ba matebian nia ain, no arguidu sira lori matebian nia mate isin to’o iha Subaun hodi kee rai kuak ho katana no arguidu NX  hasai matebian nia jaket hodi troka fali ho arguidu nia jaket hodi hakoe matebian.

Lee hotu :   PNTL autoriza MUTL halo manifestasaun

Hafoin hakoe tiha matebian, arguidu sira fila ba uma Likintai hodi halo juramentu fase estatua iha ortoriu hodi jura katak, labele ko’alia sai lia oho ne’e ba ema ida no liu loron ida arguidu NX lori matebian nia siñelus ba iha matebian nia uma Kampu Alor hodi hateten katak, matebian halai lakon.

Konsekuensia husi arguidu sira-nia hahalok, kauza matebian husik no soe hela nia família iha mundu ne’e.

Tanba  ne’e MP, akuza arguidu sira ba krime omesidu agravadu no destruisaun, subtrasaun okultasaun ka profanasaun ba kadaver ne’ebé previstu iha artigu 139 no 224 no krime arma branka tuir lei arma baran nú 5/2017.

Audensia julgamentu ne’e prezide husi Juis Koletivu Eusebio Xavier, Ana Paula, Zulmira Auxiliadora, MP reprezenta husi Prokuradór António Tavares no arguidu sira hetan asistensia legal husi advogadu privadu.ita

Add to Comments Here!!!!

error: Content is protected.
Secured By miniOrange
You might also like:
Sarani Katólika selebra tinan 100 estasaun misionáriu iha Tutuluro

Sarani Katólika selebra tinan 100 (1919-2019)...

Alkatiri rejeita ameasa deputadu FRETILIN rezigna husi PN

Sekretáriu Jeral Partidu FRETILIN, Marí Bin...

Governu TL-Japaun seidauk iha akordu formal konstrusaun Aerportu Comoro

Embaixadór Japaun iha Timor-Leste, Hiroshi Minami,...

Close