JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Disputa rai iha Kaitehu, Xanana konsidera ME tau lutu iha rai Estadu

Disputa rai iha Kaitehu, Xanana konsidera ME tau lutu iha rai Estadu

Lider Karismátiku, Kay Rala Xanana Gusmão konsidera kompañia Marino Enterprise (ME) tau sala lutu (cerca-red) iha rai ne’ebé partensia ba Estadu ni’an, tanba rai ne’ebé kompañia China Harbour uza hodi produz fatuk no rai-henek ba konstrusaun portu Tibar, ne’e partensia ba land A ou rai Estadu ni’an.

“Iha loron 10, fulan ne’e, Líder Nasional sobu serku ne’ebé tau husi ME ho inisiativa atu hapara provizóriu servisu kompañia China Harbour nini’an, ohin ita hamri’ik iha ne’e sira tau serku sala, rai ne’ebé kompañia China Harbour uza hodi produz fatuk britas ho rai henek ne’e, la’os kompañia ME ni’an, tanba kompañia refere ninia rai iha land B, maibé la’os iha land A. Rai ne’e Edensio mak sosa ho osan USD rihun 15, ida ne’ebé simu osan ho naran Mario Belo ho Mario Abilio (oan ho aman), rai ne’ebé sira reklama la’os iha land A, maibé iha land B, ita boot sira hanoin, hatene no rona, iha tinan 2014, Serviço Nacional Cadastro (SNC) foti dadus ba rai iha Timor tomak no pertensia ba sé marka hotu, ho nune’e rai ohin ita temi ne’e sala, Edensio mai sosa, sira mai tau fali serku hodi labele servisu tuir númeru ne’ebé tau iha tribunal Abilio Mario, tanba tribunal la haree di-diak no la haree iha terrenu, maibé fiar marka tiha iha ne’eba”, Xanana Gusmão ba jornalista sira iha Kaitehu-Liquiça, Kuarta (18-09-2019).

Entretantu iha Tersa, loron 17, fulan ne’e, kompañia Marino Enterprise liu husi ninia advogadu privadu, Pedro Apariçio hateten, kompañia China Harbour tau mákina dulas fatuk sein arenda ba na’in M        arino Enterprise, maski antes ne’e iha ona kontratu arenda.

Lee hotu :   PNTL Díli la rejista krimi eleitoral

“Maun Xanana nunka rona ami hanesan rai na’in, tanba rona informasaun barak liu husi kompañia China Harbour ne’ebé bosok teen no mafiozu tanba problema ne’e hanesan dezintendimentu deit entre ami ho Xanana, tanba ne’e nia parte la fó sala ba Xanana, maibé fó sala ba kompañia China Harbour, tanba utiliza tiha ami nia rai hodi tau mákina fera fatuk, maibé lakohi selu, hodi involve fali governu iha problema ne’e”, afirma Pedro Apariçio.

Alende ne’e, iha Tersa, loron 18, fulan ne’e mós, advogadu husi Marinu Enterprise deklara katak, lutu (cerca-red) ne’ebé tau iha fatin produsaun fatuk no rai-henek iha Kaitehu-Liquiça me’e, la’os tribunal mak fó orden, maibé  kompañia mak tau rasik.

Antes ne’e mós, iha loron 10, fulan ne’e, líder karismátiku, Kay Rala Xanana Gusmão foti desizaun sobu lutu ne’ebé monta husi kompañia Marino Enterprise, tanba konsidera impede projetu ba interese nasional nini’an. ety

 

Add to Comments Here!!!!

error: Content is protected.
Secured By miniOrange
You might also like:
Dia 18/09/2019 || GMNTV LIVE STREAM || JORNAL AS 12

Dia 18/09/2019 || GMNTV LIVE STREAM || DADER KMANEK

Dia 17/09/2019 || GMNTV LIVE STREAM || JORNAL NASIONAL KALAN

Close