JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Manuel Cárceres: Ha’u sei bongkar máfia iha TP no duni sai sira hotu

Manuel Cárceres: Ha’u sei bongkar máfia iha TP no duni sai sira hotu

Ministru Justisa, Manuel Cárceres, promete, sei sobu sai máfia sira iha Terras e Propriedade (TP) no sei duni sai sira hotu liga ho kazu disputa rai iha Tibar, iha ne’ebé eis Primeiru Ministru, Kay Rala Xanana Gusmão deskonfia kompañia Marino Enterprise halo subornu ba Tribunal hodi impede konstrusaun Portu Tibar.

“Ha’u la’ós broker ba Marino Enterprise (Kompañia nasionál), antes pelo contrario, Marino Enterprise husu atu aluga rai Estadu, ha’u dehan, la fó ba Marino Enterprise aluga. Ha’u sei buka máfia sira be halo problema bo’ot ne’e, ha’u brani. Ha’u brani buka máfia sira ne’e, ha’u hatene. Ha’u bo’ok husi Terras e Propriedade, e ha’u sei duni sai sira hotu, ha’u la tauk ema ida. Tanba públiku hatete dehan, ha’u mak broker ba Marino Enterprise. Ha’u la koñese se mak Marino Enterprise”,dehan Ministru Justisa, Manuel Cárceres, ba Jornalista sira, Kinta (12/9/19).

Governante nee mos prontu atu fó sai mafiozu sira iha disputa rai iha Portu Tibar , nia berani koalia ida nee tanba efidensia forte.

“Hau prontu atu bongkar mafia sé de’it no ha’u hatene mafia sira ne’e ,tamba ha’u iha bukti ,h’au koalia ,tamba ha’u iha bukti, ha’u la broker ba  Marino Enterprise no ha’u koñese se mak  marino interprise”, dehan Manule Cárceres.

Maske nunee Ministru Justisa rekoñese iha dokumentu sosa no faan, maibe dokumentu ne’e los ka sala, nia parte sei anázaliza dokumentu sira ne’e.

“Ha’u koalia dehan rai ne’e Marino Enterprise ,tamba iha dokumentu husi notariadu nian hatete katak, iha sosa no fa’an ,maibé dokumentu ne’e mós hau agora  analiza hela katak,dokumentu ne’e los ka dokumentu ne’e dokumentu siluman ,ministru ne’e la broker ba ema ida ,publiku agora hatene Ministru Justisa mak sala,ministru justisa mak sala, ne’e buat hotu naksalak ona ,maibe Ministru Justisa ida agora ne’e la broker ba ema ida, sé ha’u mak hakarak sosa karik ,kontratu de arandamentu hira mak investidor sira halo asina ho ha’u nen doit metan ida hau presiza, tamba hau lakohi ba kadeia ,hau lakohi halo moe hau nia oan sira ,tamba hau nia oan ,laos SD ,maibe antes ha’u mai Ministru Justisa ha’u nia oan sira S2 hotu kedas. Ne’ebé hau mai ministru laos atu mai buka osan hodi sai riku, hau mai ministru ne’e atu servisu ,hau mai ministru ne’e,tamba hau respeitu ba ema nain 2,  Maun Bo’ot Xanana ho maun Taur Matan Ruak bolu hau mai ministru ,tamba ne’e mak ha’u husik ha’u nia servisu diak liu nian hau mai ministru”, dehan Manuel Cárceres,  relasiona ho , deklarasaun balun ne’ebé refere ba Ministériu Justisa katak simu subornu, husi kompañia Marino Enterprise.

Lee hotu :   Promosaun Koronel na’in 4 ba jeneral, depende ba desizaun PR

Manuel Cárceres, esplika Marino Enterprise sosa rai nee USD 15 mil, iha momentu neba nia sei diretór Timor Telekom.

“Marino Enterprise sosa rai ne’e % 15 Mil ,kuandu sosa rai ne’e hau sei diretór Timor Telekom ha’u la presiza o nia % 15 Mil ida hau nia osan agora ne’e para moris katuas to’o ona, ha’u nia oan sira ne’e S2 hotu ona ,laos mai ministru mak eduka oan ,ha’u nia uma iha Díli uma diak, ha’u nia uma iha Laclo uma paling mewah iha Laclo mak ha’u nian ne’ebé hau la presiza broker ,hau la presiza simu osan sogok ,ministru seluk karik ,mas ministru ida Manuel hau la presiza,tamba hau lakohi hau nia fen ferik ne’e lori marimeta atu lori hahan ba hau iha Becora”, Manuel Cárceres.

Antes ne’e lider Karismátiku , Kay Xanana Gusmão ne’ebé hala’o vizita ba servisu iha kompañia China harbour,iha Kaitehu Liquiça hato’o nia lamentasaun maka’as , hasoru tribunál tanba konsidera, tribunál taka dalan ba fatin produsaun britas no rai henek iha loron 10 fulan Setembru tinan ne’e.

Xanana, mós hatete ,fatin ba dulas fatuk britas ne’e ,atu halo  konstrusaun ba portu tibar ba interese nasional no la’os ba interese pessoal.

PPN admira Tribunal lufu-lafu foti desizaun lalais

Prezidenti Parlamentu Nasional (PPN), Arão Noe, admira ho desizaun tribunal ba disputa rai entre kompañia China Harbour no Marino Enterprise iha Liquiça, tanba desizaun ne’ebé mak tribunal foti lalais liu.

“Ha’u admira prosesu kazu sivíl rai ni’an, ba prosesu disputa rai ne’e la-lais liu kompara ho kazu krimi sira pendente barak, kazu sivíl liga ba rai ne’e lais liu, sá tan prosesu deklarasaun husi Terras Propriedade Munisípiu Liquiça la hatene prosesu ho buat hirak ne’e sai pontu interogasaun, tantu iha públiku no órgaun ida ne’ebé bele análiza ba situasaun refere”, PPN ne’e ba jornalista sira Parlamentu Nasional (PN), Kinta (12-09-2019).

Lee hotu :   Disputa rai, Komunidade Lahane protesta Júlio Álvaro

Xefi Órgaun Lejislativu ne’e hateten, kona-bá desizaun ne’ebé tribunal foti nu’udar PPN lakohi fó komentáriu, maibé ba oin projetu boot sira ne’e presiza fó atensaun maka’as hanesan projetu portu Tibar no selu-seluk tan.

“Intervensaun líder nasional, Kay Rala Xanana Gusmão ne’e, tanba nia preokupa projetu boot konstrusaun portu Tibar ho kustu USD milloens 400 no husi osan ne’e Timor-Leste investe USD120 milloens ba kompañia ne’ebé halo PP ne’e parseria privadu públiku ho USD milloens 280 ne’e katak, presiza iha garantia ida ba prosesu konstrusaun ne’e bele la’o, projetu refere ba tinan naruk no interese Estadu, ita nia portu Díli agora  ki’ik, nune’e ita tenki iha portu boot ida ho kualidade di’ak, atu nune’e bele atende sirkulasaun ró sira atu hatama material ho fasil”, tenik Arão Noe.

PPN ne’e esplika katak, kuandu desizaun ne’e fó impaktu maka’as ba prosesu konstrusaun Tibar, tenki haree mós kontratu ne’e, tanba bele mosu impaktu ba prosesu konstrusaun, tanba Estadu mak la fasilita, sei kona multa kada fulan.

“Ita iha kompromísu ida, tanba kompañia presiza garantia prosesu ne’e bele la’o ho lalais tuir kontratu ne’ebé iha, ita sei haree nia desizaun loloos, bele mós interpretasaun sala, aplikasaun iha terenu la tuir konteúdu, tanba ne’e ho desizaun tribunal, tenki justifika fila-fali, desizaun loloos ne’e saída, atu nune’e labele kria polémika iha públiku no labele impede servisu husi kompañia”, haktuir Xefi Órgaun Lejislativu ne’e.

Antes ne’e, Prezidenti Tribunal Rekursu (TR), Deolindo dos Santos hateten, Estadu bele hatama prosesu bainhira sinti prejudika ho desizaun tribunal hapara provizóriu produsaun fatuk britas no rai henek husi kompañia China Harbour ba konstrusaun portu Tibar-Liquiça, tanba rai refere iha hela disputa entre kompañia rua refere, enkuantu laiha prosesu ruma, tribunal sei la foti desizaun.

Lee hotu :   FRETILIN husu líder ParPol lori fila Emilia Pires

Razaun tribunal impede provizóriu produsaun fatuk britas no rai henek ba konstrusaun Portu Tibar husi kompañia China Harbour, ne’e tanba mosu disputa entre kompañia China Harbour ho Marino Enterprise.

Alende ne’e, hafoin lutu hirak ne’e hetan sobu direta husi líder karismátiku, Kay Rala  Xanana  Gusmão, iha loron 11, fulan ne’e, dau-daun ne’e kompañia China Harbour hala’o aktividade produsaun hanesan bai-bain.tos/ety

Add to Comments Here!!!!

error: Content is protected.
Secured By miniOrange
You might also like:
DIA 10/07/19|| GMNTV LIVE STREAM || DADER KMANEK

Dia 12/09/2019 || GMNTV LIVE STREAM || GRANDE ENTREVISTA

Dia 11/09/2019 || GMNTV LIVE STREAM || JORNAL NASIONAL KALAN

Close