JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Problema disputa rai iha Liquiça, Antonino: Desizaun ne’ebé tribunal foti bazeia ba lei

Problema disputa rai iha Liquiça, Antonino: Desizaun ne’ebé tribunal foti bazeia ba lei

Prezidenti Asosiasaun Majislatura Jurídiku Timor-Leste (AMJTL), Antonino Gonçalves hateten, juíz sira nia desizaun kona-bá disputa rai entre kompañia China Harbour no Marino Enterprise ne’e loos, tanba nia desidi tuir kódigu prosesu sivil.

“Juíz tenki desidi ona suspeitu ne’e sé, atu ba kadeia, ka hein prosesu iha kadeia no fó medida koasaun sira seluk hein iha liur, ne’e prosesu providensia kautelar, ninia karakter mak tenki ser urjente, kuandu nia tama juíz tenki ba hapara prosesu sira bai-bain, tenki desidi uluk, ne’e regra, sé nia la desidi prosesu disiplinar kona fali ba juíz, providensia kautelar ne’e prosesu urjente, maibé iha kódigu penal ne’e oras 72, maibé iha kódigu prosesu sivil to’o loron 15, sé nia la fó hatene ba rekeridu no sé nia fó hatene iha loron 15, nia tenki hola desizaun ona, ne’e prosesu ne’e la-lais, a sim nia simu, nia la simu notifika para nia mai saída, sé nia la saída nia tenki fó hatene ba rekeridu, entaun iha fulan rua nia laran nia tenki hola desizaun, kuandu nia fó hatene entaun nia tenki rona rekeridu no rekerente nia testemuña, haree sira nia dokumentu, depois nia hola desizaun iha, kuandu rona hotu dala ida entaun tenki iha fulan rua nia laran hola desizaun, labele liu ne’e, sé liu ida ne’e prosesu disiplinar sa’e fali, tanba juíz tenki halo deit tuir ne’e, labele iha interese seluk, juíz aprende para halo tuir”,.

Iha ne’e ita la tesi kona-bá buat seluk, tesi deit tuir lei no lei haruka atu halo saída, ne’e mak providensia, prosesu ne’e, ha’u mós haree, iha prosesu ne’e ha’u hanoin juíz nia pozisaun ne’e loos, buat sira ne’ebé nia estuda iha kódigu prosesu sivil no iha prosesu nia laran ninia lala’ok  mak ne’e duni, nune’e juíz halo desizaun ne’e loos no ninia desizaun ne’e ninia kompetensia, nia la konkorda halo rekursu, maibé ne’e prosesu seidauk hotu, tanba prosesu sei lao hela”, Prezidenti AMJTL ne’e ba ba GMN, iha nia kna’ar fatin Caicoli-Díli, Segunda (16-09-2019).

Lee hotu :   PNTL prende fugetis kaisa 90 resin ■Suspeitu detein iha sela

Nia akresenta mós katak, kuandu iha ema ruma sinti prejudikadu tenki halo rekerimentu ba tribunal, tuir artigu 317 kódigu prosesu sivil, tanba husi dalan ida ne’e mak bele husu ba tribunal fó fali ninia direitu.

“Kazu providensia kautelar, restituisaun provizor de Posse, ne’e signifika katak, ema ruma sinti prejudikadu, nia rekere ba tribunal, tuir Artigu 317 kódigu prosesu sivil, nia lori dalan ida ne’e, hodi ba husu ba tribunal para fó fila fali ninia direitu, ne’e tenki iha Rekezitu, maibé primeiru tenki iha pose, katak nia iha dokumentu prova katak rai ne’e nini’an”, afirma Antonino Gonçalves.

Antes ne’e mós mosu pro-kontra ideia ne’ebé mosu husi reprezentante povu iha Parlamentu Nasionál kona-bá prezensa líder karismátiku, Kay Rala Xanana Gusmão, iha loron 10, fulan Setembru, hodi halo intervensaun no sobu lutu ne’ebé tribunál hari’i hodi hapara provizóriu produsaun fatuk britas no rai henek husi kompania China Harbour iha munisípiu Liquiça. mya

Add to Comments Here!!!!

error: Content is protected.
Secured By miniOrange
You might also like:
Komete krimi explorasaun sexual, Xineza na’in 3 hatán iha TDD

Tribunal Distrital Díli (TDD), iha Segunda,...

FRETILIN sadik MJ bongkar máfiozu iha TP •CNRT apoia total

Deputadu bankada FRETILIN Antoninho Bianco, sadik...

Ema ta’a Mane nain tolu iha Díli ■PNTL duni tuir suspeitu

Mane nain tolu hetan ta’a  husi...

Close