JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Filomeno Paixão: Seguransa iha aeroportu Comoro frájil ■ Sudeste Aziátiku ameasadu ba terroizmu

Filomeno Paixão: Seguransa iha aeroportu Comoro frájil ■ Sudeste Aziátiku ameasadu ba terroizmu

Ministru Defeza no Interior Interinu,  Filomeno Paixão, konsidera seguransa iha aeroportu Nicolau Lobato iha frajilidadade, nune’e nia fó ona orden ba Komandante Polísia Nasional Timor-Leste (PNTL) atu investiga membru Polísia ne’ebé hala’o seguransa iha momentu akontese  kazu ema lori motor halai hasoru aviaun Sriwiyaja iha Aeroportu Internasionál Prezidente Nicolau Lobato, Comoro.

“Aeroportu ne’e alénde ita iha seguransa sivil iha ne’ebá  ,seguransa UPF portantu iha ne’ebá ne’e lisaun bo’ot ida mai ita ,oras ne’e la’o hela investigasaun.Hau hatete ba komandante PNTL hau hakarak investigasaun seriu tebe-tebes  ba iha UPF sira ne’ebé iha ne’ebá halo nusa mak ema liu iha ne’ebá  no hau hakarak hau fó prazu ba sira para sira aprezenta ba hau ho rapidu posivel ,orientasaun ba ona iha komandante PNTL akontesementu ne’ebé  akontese iha Prezidente Nicolau Lobato  Aeroportu Internasionál ne’e MDI konsidera  seguransa iha Aeroportu frazilidade, sim hau bele dehan hanesan ne’e. tamba ema ida hanesan ne’e, ema dehan lanu mak tama ba nia iha problema emosionais  mak nia tama ba,maibe bele mós ema seluk aproveita tama ba halo nusa  ne’e ita naran ita nia oin monu kedas iha sira seluk nia oin hau preukupa ida ne’e no hau hatete ba komandante PNTL para hola kedas medida imediata ba iha UPF” Ministru Defeza no Interior Interinu Filomeno Paixão, hato’o asuntu ne’e ,hafoin partisipa reniaun Konselu Ministru iha Palásiu Governu,Kuarta (16/10).

Akontesimentu nee iha, Segunda (14/10),suspeitu  ida lori motor ho merka Revo  halai tama ba  iha pista aviasaun Aeroportu Internasionál Prezidente Nicolau Lobato, wainhira aviaun SRIWIJAYA atu tun.

Governante nee fó  ona orientasaun ba komandante jerál PNTL Faustino Guterres atu halo investigasaun seriu ba membru UPF ne’ebé  momentu ne’e hala’o seguransa iha loron akontesementu, tamba sa suspeitu ho motor bele tama iha area pista aviasaun Aeroportu.

Lee hotu :   FILOMENO PAIXÃO: MASKE TARDE, MAIBE OSAN TENKI SAI SELU F-FDTL

Responsavel maxíma Ministériu Defeza no Interior ne’e konsidera ,akontesementu ne’e sai lisan bo’ot ida ba Timor-Leste  no ne’e seguransa iha Aeroportu sei frajil.

Governante  ne’e dehan, prosesu investigasaun mak  hatudu deskonfia membru UPF komete komandante PNTL sei foti medida rigorozu ba membru UPF nee.

Dadaun ne’e prosesu investigasaun lao hela, tamba Ministru Defeza no Interior fó limitasaun loron ba komandante PNTL hodi halo investigasaun.

No suspeitu  detein hela   iha sela detensaun Polísia, hodi submete ba prosesu investigasaun.

Sudeste Aziátiku ameasadu ba terroizmu

Fundasaun Mahein (FM) konsidera, sistema kontrolu  seguransa sira iha Aeroportu Internasionál Prezidente Nicolau Lobato, fraku liu. Tanba ne’e, suspeitu ida ho inisial CDJ ho nia motor halai tama liu ba iha aeroportu- laran hodi atu soke tan aviaun Sriwijaya.

“Ita hotu akompaña  iha ita-nia rejiaun Sudeste Aziátiku ameasa  bo’ot ida mak terorizmu tanba  ne’e iha tinan rua liu ba Fundasaun Mahein husu   governu atu hadia lakunas sira iha aeroportu. Kazu  ida ne’e akontese foin lalais sidadaun ida ho motor  ultrapasa  dalan sira tama ba aeroportu nian  iha ne’ebé seguransa sira la konsege hapara sidadaun ne’e tama ba aeroportu,   ne’e hatudu katak, seguransa iha ita-nia aeroportu ne’e fraku tebes-tebes”,esplika  Diretór Ezekutivu Fundasaun Mahein, João Almeida ba GMN Kuarta (16/11/19) iha nia kna’ar fatin  Fomentu Díli.

João Almeida  husu mós  ba   governu atu hadia sistema kontrolu iha aeroportu liu-liu ba ema sira ninia movimentu  tama sai iha aeroportu, sé mak bele autoriza tama, sé mak la autoriza labele tama.

“Mas  iha fatin balun iha aeroportu risku  kuandu ita la kontrola didiak ema  husi liur bele tama, ne’e risku boot ba aviaun sira ne’ebé wainhira tun no semo iha aeroportu. Alénde kazu ne’e rasik iha ona prosesu investigasaun  iha Polísia nia liman. Fundasaun Mahein husu ba komando PNTL atu loke prosesu investigasaun   mós ba membru seguransa iha aeroportu”,dehan João Almeida.

Lee hotu :   PNTL nafatin fó konfiansa ba Estadu

Ministru Defeza no Interior Interinu Filomeno Paixão, kondena aktu krimi ne’ebé mak involve sidadaun  Ermera ne’e.

Insidente  ne’e akontese Segunda  ne’e  mais oumenus tuku 1 liu minutu 40, oras Timor-Leste,  suspeitu ne’e kondus motor Revo, ne’ebé mak laiha sapa matrikula, hodi  duni tuir aviaun Sriwijaya.

TDD aplika prizaun preventiva ba CJ

Tribunal Distrital Díli (TDD), iha Kuarta, loron 16, fulan ne’e, liu husi primeiru interogatóriu, desidi aplika medida koasaun prizaun preventiva ba arguidu ho inisial CJ, tanba deskonfia utiliza motor ho marka Vega tenta soke aviaun Sriwijaya, wainhira aviaun atu tun iha aeroportu Internasional Nicolau Lobato, Comoro, foin la-lais ne’e.

Razaun tribunal aplika medida koasaun ne’e, tanba iha indísiu forti lori arguidu ba prizaun preventiva.

Entretantu parte defeza preokupa ho kondisaun saúde arguidu nini’an, tanba iha audénsia arguidu deklara katak, Maromak mak haruka nia halo asaun ne’e.

“Há’u haree iha despaixu husi tribunal hateten, prizaun preventiva, maibé tuir loloos tribunal mós bele aplika medida seguransa enternamentu, tanba arguidu nia kondisaun mental ladun di’ak no nia hatan arbiru deit wainhira halo investigasaun ba nia no nia dehan tama ba aeroportu ne’e, tanba Maromak mak haruka, signifika ema ne’e ladun normal, tanba ne’e, presiza halo izame médiku ba nia, hodi hatene kondisaun mental arguidu nini’an no sei iha tempu loron 15, hodi estuda no haree, atu halo rekursu ou la’e”, Defensor Públiku husi arguidu, Sebastião Amado de Almeida ba jornalista sira, hafoin remata prosesu refere, iha TDD-Díli (16-10-2019).

Iha primeiru interogatóriu ne’e, Ministériu Públiku (MP) promove arguidu ba prátika krimi tama iha fatin seluk ne’ebe taka ba públiku no atentadu ba seguransa no transporte, ne’ebé previstu iha artigu 186, 210 husi kódigu penal Timor-Leste.

Lee hotu :   KOMBUSTIVEL LAIHA, LERE HUSU KOMANDANTE SIRA DEVE

Audénsia julgamentu ne’e prezidi husi husi juiza singular, Maria Solana, MP reprezenta husi procuradora, Lidia Soares no arguidu hetan asisténsia legal husi defensor públiku, Sebastião Amado de Almeida. Tos/avi/itaa

Add to Comments Here!!!!

error: Content is protected.
Secured By miniOrange
You might also like:
Lere: Rekrutamentu F-FDTL foun, Milísia nia oan la tama

Xefe Estadu Maior Jenerál F-FDTL, Major...

Komunidade susar asesu bee moos, Xefi Suku Camea Tanis

Xefi Suku Camea, Postu Administrativu, Cristo-Rei,...

Kaer kuñada nia isin, JM ameasadu prizaun tinan 4

Liu husi alegasaun final Ministériu Públiku...

Close