JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Labele uza fatin Estadu ba kampaña

Labele uza fatin Estadu ba kampaña

Partidu politiku (Parpol) sira la bele uza fatin Estadu nian, hanesan eskola no merkadu, sai fatin konsentrasaun kampaña politika.

Partidu politika hamutuk 21 mak mak hetan ona lejitimidade husi Tribunal Rekursu (TR) atu konkore iha eleisaun parlamentar mai ne’e, tanba ne’e, iha loron 20 Juñu ne’e, parpol hirak ne’e hahuu sira nia kampañia iha teritoriu Timor laran tomak.

“Ha’u husu ba parpol sira iha tempu kampañia atu la bele utulija labarik sira iha prosesu kampañia, la bele uza mos patremonia Estadu la signifika la’os uja transporte Estadu deit, maibe labele utuliza mos fatin publiku hanesan Eskola, edifisiu publiku, no Merkadu tanba nudar patremonia Estadu,” afirma Provedor Dereitus Humanus e Justisa (PDHJ), Silveiro Pinto, liu husi ninia intervensaun wa’inhira partisipa asina deklarasaun partidu politiku 21, ne’ebe hala’o iha Salaun Xina, Palasio Prezidensial Nicolau Lobato.

Esperensia iha pasadu ne’ebe PDHJ nota hela katak, parpol barak ba halo kampañia iha merkadu hodi halo impedementu ba atividades negosiu sira nian, tanba merkadu fatin ne’ebe atu akontese hasoru malu entre komprador no vendedor nune’e labele utuliza tempu merkadu ba kampañia.

Provedor Silveiro mos hateten, partidu politiku sira proebidu tebes utuliza labarik sira iha prosesu kampañia, la bele utiliza labarik sira ba tara tais no labele uja labarik sira hanesan dansarinha simu lideransa partidu politiku wainhira atu halo kampañia.

PDHJ hamutuk ho ninia parseiru Komisaun Anti Korupsaun (KAK) ho Komisaun Dereitus ba Labarik sei halo monitorizasaun husi kampañia politiku tó loron eleisaun parlamentar nian.

Provedor Silveiro husu ba partidu politiku sira atu servisu hamutuk ho PDHJ no Comisaun Nasional de Eleisoens (CNE) tuir data ne’ebe desidi ona ba  kampañia debate publiku, tanba liu husi ne’e militantes no simpatizantes partidu politiku nian iha estrangeirus hodi bele hatene programa partidu nian.

Lee hotu :   La ba aprezenta tan programa iha PN, Alkatiri: “sira la konsidera hau”

Silveiro Pinto sujere ba partidu politiku sira iha debete publiku ne’e partidu politiku sira tenke haruka ninia orador ne’ebe mak domina didiak programa partidu politiku nian.

Biban ne’e mos, Komisaria CNE Maria Virna Ermelinda hateten, orgaun rua CNE ho STAE kompremetidu ba partidu politiku sira hotu tenke fo fiar tomak ba orgaun rua ne’e tanba lema ne’ebe hakerek ona iha konstituisaun servisu ho transparansia, independensia no sei la haree ba koris partidu A ka partidu B.

“Ami komprimisiu ba ita bo’ot sira hotu katak ami nia servisu tuir lema ne’ebe mak tau iha konstituisaun RDTL servisu iha transparansia, independensia, la haree ba koris, la haree ba A ba B, fó fiar mai ami tuir konstituisaun atu nune’e rezultadu ne’ebe fo sai ita hotu-hotu sei simu ho laran, ho kontenti husi orgaun rua ne’e nia esforsu,” hateten komisaria Virna. Eus

Add to Comments Here!!!!

error: Content is protected.
Secured By miniOrange
You might also like:
Xanana sa’e taxi ba lansamentu GMN-TV

Xanana sa’e taxi ba lansamentu GMN-TV...

PM Rui: Tempu kampaña Jornalista tenki hatudu profisionalismu

Primeiru Ministru (PM), Rui Maria de...

PTR no PJR entre meritus no loyalidade

Presidente Republika, Taur Matan Ruak nomeia...

Close