JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT SEI DISKUTI REGRA GOVERNASAUN HO FRETILIN

CNRT SEI DISKUTI REGRA GOVERNASAUN HO FRETILIN

Membru Comissão Polítika  Nasionál  partidu CNRT, Dionisio Babo hateten, CNRT sei deside regra Governasaun foun iha konfrensia nasionál CNRT nian ne’ebé mak sei hala’o iha tempu badak, hodi lori ba diskuti ho partidu vensedor eleisaun Parlamentar FRETILIN.

Dionisio hatutan, to’o oras ne’e dadauk, seidauk iha komunikasaun formal husi individual, no anivel institusionál entre partidu sira ba formasaun sétimu Governu.  Dionisio esklarese, relasaun entre FRETILIN ho CNRT  durante ne’e la’o hamutuk diak tebes. Tanba ne’e, obsaun hotu kona ba atu forma Governu foun ne’e, iha hela.  “Ita bele uza ida ne’e sai hanesan memória institusionál para avansa, tanba kompromisiu ida aas liu ne’e mak kompromisiu ba intrese nasionál. Maibé hanesan ha’u dehan ona, partidu nia regra interna, ami tenki diskuti iha nivel partidu nian, atu deside saida mak ami presiza atu lori ba diskuti ho ami nia maluk sira iha FRETILIN,”  relata Dionisio Babo bainhira halo intervista eskluzivu iha GMN TV, Tersa (01/08). Nia hatutan, rezultadu husi konfrensia nasionál FRETILIN nian ne’ebé mak atu hala’o iha tempu badak ne’e, sei fó mandatu ba Prezidenti partidu CNRT ou Sekretáriu Jeral hodi aprezenta ba partidu seluk kona ba, saida mak CNRT nia hanoin ba Governasaun foun. “Ida ne’e atu ita bele iha plataforma ida hanesan atu bele kondus polítika nasaun nian ba oin,” tenik Dionisio. Nia hatutan, CNRT sei konvoka konfrensia nasionál ida iha loron 4 to’o loron 6 fulan ida ne’e.  Dionisio dehan, CNRT nia pozisaun agora ne’e, tenki servisu hamutuk ona ho partidu sira seluk hanesan, FRETILIN, Partidu Demokrátiku no partidu sira seluk. “Maibé  kooperasaun entre partidu sira ne’e, CNRT laiha plan-intendementu ida, no ita tenki interpreta votade popular ne’e, no ita mós haree katak, Prezidenti Repúblika rasik hateten katak, nia hakarak Governu ne’ebé estabel to’o tinan lima mai,” afirma Dionisio. Tanba ne’e, tenki hola medidas ida ne’ebé importante, entaun ami se hein hela konfrensia nasionál CNRT nian. Dionisio dehan, Prezidenti Repúblika ho nia inisiativa sei bolu partidu polítiku sira, atu negosia hodi haree, saida mak diak liu hodi bele introdus iha plataforma Governasaun foun ne’e. “Obsaun sir aba koaligasaun ne’e, nakloke hotu kedas, tanba dalan ida mak koaligasaun, no dalan ida mak bele halo Governu inkluzivu hanesan Mari Alkatiri koalia bebeik ona, no ida seluk bele ba opozisaun,” relata Dionisio. Importante mak tenki tau intrese nasionál povu nian iha leten, no CNRT preparadu atu koopera ho partidu ne’ebé de’it, tuir mandatu ne’ebé mak povu fó fiar ona ba partidu polítiku sira, iha eleisaun jeral 2017 ne’e. Dionisio mós dehan, obsaun kona ba partidu vensedor segundu atu forma Governu mós nakloke hela, depende ba negosiasaun ho partidu sira. “Ha’u hatene katak, iha vontade diak no esperensia entre partidu sira hanesan, CNRT, FRETILIN nomós partidu sira seluk, iha nivel kontaktu individual, tanba iha relasaun diak entre lider sira ne’e hotu,” katak Dionisio Babo. Nia haktuir, CNRT prontu koopera ho partidu se de’it, atu ezekuta konkordansia  kona ba, oinsa mak bele la’o atu atinji intrese komum ida kona ba, povu nia moris diak. Nia esplika, diferensia entre koaligasaun ho Governasaun inkluzivu ne’e mak, partidu hotu inklui ema independente tama iha Governasaun nia laran. “Koaligasaun normalmente partidu rua mak kompromete iha parseria ida ba tinan lima, hodi lori Governasaun ne’e ba oin. Maibé Governu grande inkluzaun, partidu ida ne’ebé  mais votadu, hakarak konvida partidu hotu tama iha laran, inklui ema independente sira, no iha mós inisiativa atu asegura estabilidade Governativa liu husi Parlamentu Nasionál,” afirma Dionisio. Importante mak, tenki asegura povu nia moris diak, paz no estabilidade nomós dezenvolvimentu tenki la’o ho diak. Nia afirma, FRETILIN hanesan partidu vensedor, nia iha vantazen liu atu halo ida ne’e. “Ita respeita rezultadu final, maibé hanesan ha’u dehan katak, se partidu mais votadu la konsege forma koaligasaun ida, Prezidenti Repúblika sei konvida partidu mais votadu hodi husu, maibé kuandu la konsege nafatin, bele iha eleisaun antisipada,” afirma Dionisio. Nia salienta, desizaun ida atu CNRT mantein iha opozisaun ne’e, konfrensia nasionál mak sei haree. “Desizaun sira ne’e ita halo anivel partidu para ita haree bele ba to’o ne’eba, maibé depois konsiderasaun polítika, bele mosu mós mudansa. Kestaun ida ne’e intrese partidu buat seluk ida, intrese nasionál no intrese povu nian buat ketak ida,” katak Dionisio. Nia akresenta, atu aselera dezenvolvimentu nasionál ne’e, hanesan konfiansa no kompromisiu nasionál, CNRT kompromete kedas katak, unidade nasionál no estabilidade importante tebes. Dionisio dehan, unidade no estabilidade nasionál mak sai hanesan kondisaun ne’ebé fundamental ba povu no nasaun Timor Leste. “Tanba ne’e, konfiansa ida ne’e la’os FRETILIN nian de’it, maibé CNRT no partidu sira seluk mós iha ida ne’e,” katak Dionisio. Alende ne’e, Dionisio relembra katak, esperensia iha Governasaun Bloku Koaligasaun nian hatudu katak, normalmente kuandu iha koaligasaun,  tenki iha mós kritériu ida atu bele kompartilla durante mandatu tinan lima. Maibé kuandu la’o to’o iha dalan klaran mak, partidu ida senti katak, nia parseiru koaligasaun ne’e, la konsege muda nia hanoin ses husi kritériu ne’e, entaun iha opsaun polítika ne’ebé tenki hola, maibé medidas polítika sira ne’e, la’os atu estraga fila fali koaligasaun no estabilidade Governasaun. “Obsaun CNRT ho FRETILIN atu halo koaligasaun ne’e nakloke, no hanesan ha’u dehan katak, iha partidu lima mak hetan asentu parlamentar hanesan, PD, PLP no KHUNTO, ne’ebé ida-ida deside ona sira nia pozisaun polítika, tanba ne’e CNRT iha dever ida atu haree dalan ne’ebé mak diak liu atu koopera ho partidu sira seluk, hodi asegura estabilidade Governativa iha tina lima mai,” relata Dionisio.cos

Lee hotu :   PN aprova rezolusaun kontra nomeasaun PTR no ezonera PJR PD-FM konsidera CNRT-FRETILIN iha interese

Add to Comments Here!!!!

error: Content is protected.
Secured By miniOrange
You might also like:
FRETILIN KONVIDA PARTIDU HOTU SERVISU HAMUTUK

Partidu Frente Revolucionária do Timor-Leste Independente...

LERE: XANANA MAK AMAN BA NASAUN

Hafoin rezultadu eleisaun jeral nian fo...

FRETILIN HO CNRT KONTAKTU PD FORMA GOVERNU

Prezidenti Partido Demokratiku (PD), Mariano Assanami...

Close