JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PD SEI RESPONDE KARTA FRETILIN semana ne’e

PD SEI RESPONDE KARTA FRETILIN semana ne’e

Sekretáriu Jeral Partidu Demokrátiku (PD),  António da Conceição, informa, Sesta semana ne’e, PD sei enkontru ho partidu vensedor eleisaun FRETILIN, hodi responde ba karta konvite FRETILIN nian ba formasaun VII Governu.

‘’Ami sei tur hamutuk ho partidu mais votado FRETILIN,  iha loron 11 Fulan Agostu ne’e,  sei diskuti kontratu polítika, kona ba oinsa atu forma VII Governu kontitusional,” informa António da Conceição ba jornalista sira iha INFORDEPE Balide, Dili (07/08). Tuir António, PD mós prepara ona karta resposta ba konvite husi Partidu FRETILIN nian ne’e. “PD ba ho proposta kona-ba formasaun VII Governu kontitusioanal. Resposta ne’ebé mak atu fó, ami sei hakerek karta ba hodi konfirma katak, ami simu ona Partidu FRETILIN nia karta, no ami sei ba ho ami-nia proposta atu ko’alia ho Partidu FRETILIN,” katak António. Nia haktuir, PD seidauk haree konteudu karta konvite husi FRETILIN, maibé FRETILIN konvida de’it PD atu tu’ur hamutuk hodi diskuti kona ba formasaun Governu foun ne’e, tanba liu husi dialogu ne’e mak sei koalia kona-ba Governasaun 2017 nian ho konjuntura polítika foun  ne’ebé iha. Nia realsa tan, ema hotu tenki hanoin pozitivu ba nasaun,  atu bele kria situasaun hakmatek ba povu Timor Leste. “VII Governu kontitusional atu la’o ho difikuldade nusa  mós tenki la’o, tanba nasaun presiza atu halo dezenvolvimentu.  Ami dehan prontu ou la prontu, PD sempre hamrik atu estabiliza, ami lakoi hamrik atu halo problema, ami halo parte ba solusaun,” katak António. Maske nune’e, António dehan, PD nian prezensa iha dialogu ho FRETILIN ne’e, hakarak fó nia hanoin kona ba oinsa kontribui ba estabilidade nasional no polítika nune’e dezenvolvementu  bele la’o ba oin.aba

Lee hotu :   Deputadu III lejislatura seidauk entrega kareta

Add to Comments Here!!!!

error: Content is protected.
Secured By miniOrange
You might also like:
FRETILIN DEBATE FORMAÇÃO DE GOVERNO TIMORENSE,E AINDA QUER FALAR COM XANANA GUSMÃO – SG

O secretário-geral da Fretilin, partido timorense...

LA KOLABORA HO JUSTISA, VICENTE GUTERRES HATUDU IMAJEN LADIAK

Eis prezidenti Parlamentu Nasional (PN) Vicente...

PNTL ALERTA 2 TO´O FORMA GOVERNU

Polísia Nasionál Timor-Leste (PNTL), agora dadauk...

Close