JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN-PD fiar-an forma Governu

FRETILIN-PD fiar-an forma Governu

Partidu KHUNTO dada-an ona husi koligasaun hodi la asina akordu polítiku ba tinan lima mai. Maibé FRETILIN ho Partidu Demokrátiku (PD)  fiar-an hodi asina akordu koligasaun ba formasaun VII Governu.

Sekretáriu Jeral Partidu FRETILIN, Mari Alkatiri, hateten, KHUNTO dada-aan husi koligasaun laiha informasaun ka esklaresimentu ruma ba FRETILIN ho PD atu hatene.

“Iha problema interna KHUNTO nian mak seidauk rezolve, maibé ami mós labele hein ona. Tanba ne’e, FRETILIN ho PD deside atu la’o ona ba oin. Ami kompriende problema KHUNTO nian, maibé labele para tiha, tanba tempu to’o ona atu forma Governu,” katak Alkatiri ba jornalista sira liu husi konferensia imprensa iha Comite Central da FRETILIN (CCF), Kuarta (13/09).

Alkatiri hatutan, maske KHUNTO dada-an, maibé FRETILIN ho PD deside  atu la’o ba oin, depois Governu simu pose ona hodi hala’o nia atividade, mak hahú fila fali dialogu atu haree oinsa mak hala’o servisu hamutuk.

Alkatiri haktuir, FRETILIN ho PD asina dokumentu ida ba koligasaun atu forma Governu. Polítika mak hanesan ne’e duni, partidu ida-idak ho nia hanoin, dala barak lakohi tama, no dala barak hakarak tama, maibé depois iha problema interna ne’ebé tenki rezolve uluk.

PD úniku partidu ida ne’ebé desde inisiu, sira hateten katak, prontu atu la’o hamutuk no ohin loron mós mantein nafatin ho desizaun ne’e.

“Ita labele hein tan. Ha’u kompriende Prezidenti Repúblika nia preokupasaun, tanba ne’e mak horiseik (Horibainruak-red) loron ikus liu ha’u tenki foti desizaun,”relata Alkatiri.

Entretantu, Prezidenti Partidu Demokrátiku, Mariano Asanami Sabino, lori PD nia naran, hato’o agradesimentu ba estrutura CCF tomak.

“Partidu Demokrátiku sempre dehan katak, ‘Ba o Timor, ami maubere oan prontu atu servi’. Ohin (Horiseik-red) to’o ona tempu atu bele asina akordu ne’ebé mak iha. Ami konsistente nafatin katak, ami viabiliza atu ukun ne’e bele servi no dignifika Timor oan tomak, labele tan iha diskriminasaun ba Timor-oan hotu,” katak Asanami.

Lee hotu :   ÚLTIMA HORA: FRETILIN VAI CONVIDAR PLP E KHUNTO PARA FORMAR PLATAFORMA DE GOVERNAÇÃO EM TIMOR-LESTE (ATUALIZADA)

Nia hatutan, PD halibur-an iha 2001, atu fó kontinuasaun ba konstrusaun Estadu, ne’ebé iha 28 Novembru proklama katak, nasaun ne’e, Repúblika Demokrátika Timor Leste.

Asanami dehan, PD atu fó kontinuidade ba transformasaun sosiedade ne’ebé demokrátiku, nomós atu prátika valor demokrásia iha Timor Leste.  Ho konsistensia ida ne’e, PD to’o ohin loron la’o ho neneik, maibé la’o nafatin ba oin.

“Ho Grasa Maromak nian, no tulun beiala sira, ho forsa heroe sira ne’ebé fó ona sira-nia isin lolon ba rai ida ne’e, PD firme atu la’o hamutuk ba oin,” katak Asanami.

KHUNTO la fo komentariu

Partidu  Kmanek Haburas Unidade Nasional Timor Oan (KHUNTO) la fo komentariu kona-ba ninia pozisaun ses-an husi asina plata forma koligasaun formasaun VII Governu konstituisional.

Konseleiru superior partidu KHUNTO Jose dos Santos Naimori Bucar  hatete ne’e problema interna partidu KHUNTO nian tanba ne’e partidu KHUNTO promete ohin sei hato’o razaun tanba sa mak ses-an hodi la asina formasaun VII Governu koligasaun.

“Ha’u sente ida ne’e problema ami nia uma laran, depois aban (ohin,red) mak ami sei koalia,” dehan,   Jose dos Santos Naimori Bucar, ba Jornalista sira iha palasio prezidensial, Nicolao Lobato, Bairo Pite, Kuarta (13/09/2017), hafoin remata sorumutu ho Xefe Estadu Francisco Guterres Lú Olo

Jose dos Santos Naimori Bucar hatete marka prezensa iha palasiu Prezidensial hodi kumprimenta ba konvite husi Prezidenti Republika no mos ba partidu politiku sira hotu hodi rona mensagen Prezidenti nian kontinu mantein establidade no hamosu unidade nasional.

CNRT kontinua apoia governu minoritaria

Iha fatin hanesan, Prezidente Consellu Deretiva Nasioanl (CDN), Dionisio Babo lori partidu (CNRT) ho imprinsipiu hakarak rona dereita kona-ba, formasaun Governu koligasaun ne’ebe asina ona, no CNRT mantein ninia pozisaun tuir konfrensia ba opozisaun.

Lee hotu :   Lian membru parlamentu foun, PROMETE SAI IBUN NO TILUN POVU

Maske nune’e, Partidu Congresu Nasional Rekontruksaun Timor Leste (CNRT), kontinua apoiu ba Governu minoritaria ne’ebe mak  forma husi partidu FRETILIN no Partidu Demokratiku (PD) iha VII Governo Konstitusional.

 “CNRT ninia pozisaun kontinua apoiu prosesu dezemvolvimentu no respeita desizaun formasaun Governu koligasaun,” dehan, Dionisio Babo ba Jornalista sira iha palasio prezidensial, Nicolao Lobato, Bairo Pite, hafoin remata sorumutu ho Xefe Estadu Francisco Guterres Lú Olo.

PLP ‘Foti Liman’

Nune’e mos, partidu PLP mos kumprimenta mos ba konvite Prezienti Republika nian maibe, hafoin remata sorumutu ho Prezidenti Republika (PR) Francisco Guterres Lú Olo, iha palasio prezidensial Nicolao Lobato, Bairo Pite -Dili,  PLP liu husi ninia lideransa, Vice Prezidenti Fidelis Magalhaes ‘foti liman’ la fo komentariu ba media relasiona Formasaun Setimo Governu Konstitusional.

“PLP mantein opozisaun, tanba akordu hotu partidu koligasaun mak desidi ona,” dehan Fidelis ho lian badak hodi hakat sai ba dada’uk.

No mos, Fidelis Magalhães lekar hela liafuan balun ba media nasional sira dehan cao..o..o

PR Lú Olo hafoin simu  lista kandidatura uniko husi partidu koligasaun partdiu FRETILIN ho Pratdiu Demokratiku (PD) ba kargu Primeiru Ministru VII Governu Konstitusional, PR Lú Olo, sei hasai dekretu prezidensial no publika iha jornal da Republika.

Nune’e husi publiksaun Jornal da republika ne’e katak nomeasaun ba kargu primeiru ministru foun dekreta ona, hodi hein ba tomada de posse, ne’ebe tuir ajenda iha loron Sesta (15/09/2017) Primeiru Ministru foun sei simu tomada de posse, tanba Sabadu (16/09/2017) PR Lú olo sei partisipa enkontru nivel alto Nasoens Unidas iha Nova Yorke. Cos/eus

Add to Comments Here!!!!

error: Content is protected.
Secured By miniOrange
You might also like:
SABOR A TIMOR EP.08

SABOR A TIMOR Ep.07

JORNAL NACIONAL GMNTV Loron-13 Fulan-Setembru Tinan-2017

Close