JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PLP DADA-AN HUSI KOLIGASAUN LA’OS TANBA KADEIRA

PLP DADA-AN HUSI KOLIGASAUN LA’OS TANBA KADEIRA

Vise Prezidenti Partidu Libertasaun Popular (PLP), Fidelis Magalhães, hateten, PLP dada-an husi koligasaun, la’os tanba PLP husu kadeira barak iha koligasaun, maibé tanba hanoin la aserta malu kona ba prinsipiu koligasaun ne’e rasik.

Tuir Fidelis, prinsipiu PLP la’os atu okupa poder iha Governu no Parlamentu Nasionál, maibé hakarak asegura interese nasionál. “Ami deside atu la’o ketak-ketak iha plenária Parlamentu Nasionál, tanba ami la to’o akordu ida kona-ba kompozisaun meja Parlamentu, maibé ba PLP ida ne’e kestaun prinsipiu, la’os dehan katak, PLP hakarak kaer kargu ida ne’e ka kargu ida ne’eba,”dehan Fidelis ba jornalista sira iha PN, Segunda (05/09). Fidelis mós rejeita informasaun ne’ebé hateten katak, PLP dada-an husi koligasaun, tanba FRETILIN la konkorda ho PLP nia hanoin ne’ebé husu pozisaun iha Governu bo’ot liu. “PLP nia pozisaun ida kona ba diskuti Prezidensia meja Parlamentu Nasional ne’e, tanba bainhira ita iha meja Prezidensia Parlamentu ida ne’ebé reflete duni koligasaun, depois mak bele iha koligasaun, tanba Prezidensia meja Parlamentu ne’e, xavi ba oinsa ita bele inspira konfiansa iha koligasaun ne’e rasik,”katak Fidelis. Nia hatutan, kuandu inspirasaun ba koligasaun laiha,  sei laiha imajen ida diak ba koligasaun ida ne’ebé solidu. “PLP nia pozisaun agora ami hateten ona katak, PLP sei halo polítika ida hodi defende intrese povu Timor Leste tomak. Agora iha Parlamentu Nasionál, ita ko’alia kona ba interese nasionál,” relata Fidelis. Nia hatutan, labele hanoin katak, PLP hakarak liu atu ba okupa pozisaun hotu iha Governu no iha Parlamentu, ida ne’e lalos, tanba PLP nia polítika la’os hanesan ne’e.  “Labele hanoin katak, ha’u fidelis nia  hakarak rasik  atu ba tu’ur iha Prezidenti Parlamentu Nasionál, tanba ida ne’e mak koligasaun ne’e falla? Esplikasaun lolos ne’e ha’u hanoin naruk tebes, maibé pozisaun ne’ebé ami hola ne’e, ba interese ami-nia partidu nian, tanba ami hanoin, se ami asegura desizaun ida ne’e, ami-nia partidu sei asegura interese nasionál, tanba iha interese balu iha ligasaun entre partidu no nasaun,”dehan Fidelis. “PLP nia prinsipiu hakarak Governasaun ida ne’ebé los no moos, tanba ne’e mak meja Prezidensia Parlamentu importante atu asegura ajenda lejislativa sira ne’e bele la’o ho diak, ne’ebé bele halakon korupsaun no mal-administrasaun no hadia lei balu,”katak Fidelis. Fidelis esplika, PLP diskuti ho FRETILIN hodi implementa kestaun sira ne’e hotu, maibé lahetan solusaun. Tanba ne’e mak PLP dada-an husi koligasaun.

Lee hotu :   FRETILIN KONVIDA PARTIDU HOTU SERVISU HAMUTUK

PRIORIDADE PLP, ASELERA LEI ANTI KORUPSAUN

Nune’e mós, Partidu Libertasaun Popular (PLP) sei kumpri promesa ne’ebé durante kampaña, hodi aselera lei anti korupsaun iha loron 100 planu programa Parlamentu Nasional nian, ne’ebé desde II lejislatura to’o III lejislatura seidauk hetan aprovasaun  iha Parlamentu Nasional.  “Ami sei halo esforsu hotu hodi aselera lei anti korupsaun ba lalais meja hodi diskute ona, importante mak prezidente meja iha ona, para aselera lalais,”dehan Vise Prezidente PLP, Fidelis Magalhães ba jornalista sira, wainhira partisipa tomada  de posse deputadu IV lejislatura, Tersa (05/09/2017). Fidelis afirma, PLP sei esforsu atu bele aselera lalais hodi responde povu nia ezijensia. Deputadu bankada PLP ne’e akresenta, PLP sei halo esforsu hotu maibe sei depende mós rezultadu  votasaun, tanba laiha partidu manan maioria. “Ami PLP garante katak sei halo esforsu, maibe votasaun mak sei deside, tanba ami PLP hetan kadeira 8 deit iha uma fukun, ami fiar katak bele hetan apoiu husi partidu seluk hodi aselera,”katak Fidelis. Antes ne’e, Prezidente Parlamentu Nasional III lejislatura Adérito Hugo da Costa, informa, lei anti korupsaun ne’ebé sai preokupasaun ba públiku hotu seidauk bele  halo iha III lejislatura, razaun presija tan tempu naruk hodi  halo diskusaun.cos/say

Add to Comments Here!!!!

error: Content is protected.
Secured By miniOrange
You might also like:
ANICETO GUTERRES ELEITU BA PREZIDENTI PARLAMENTU NASIONAL

Deputadu foun nain 65 iha IV...

GRANDE DEBATE Dr JOSÉ RAMOS HORTA modera JERASAUN FOUN

POVU SIMU XANANA NUDAR HEROI BOOT

Ema atus wain, kompostu husi ferik-katuas,...

Close