JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Monumentu 12 Novembru 1991, La iha isin no klamar “Alkatiri hein Xanana”

Monumentu 12 Novembru 1991, La iha isin no klamar “Alkatiri hein Xanana”

Monumentu Masakre Santa Cruz, 12 Novembru 1991, plenea nanis ona iha tinan 2010 no konsege prevé ninia orsamentu  iha Orsamentu Jeral Estadu (OJE) tinan fiskal 2011  nian.

Momentu ne’eba Governu Aliansa Maioria Parlamentar (AMP) preve kedas nia montante US$ 50,000 hodi halo estudu viabilidade ho nia dezeñu, maibe to’o ona tinan 2017, dezeñu ho monumentu fiziku ne’e la iha “isin no klamar”.

Perspetiva Governu AMP ne’ebe lidera husi Primeiru Ministru (PM) Kayrala Xanana Gusmão nian katak, wainhira buat hotu los ona, maka posivel atu iha komemorasaun Masakre Santa Cruz nian iha tinan 2011 bele inaugura ona monumenta refere. Maibe, to’o ona tinan 7 nia laran ona, konstrusaun ba monumentu ne’e la iha novas no la rai netik hela sinal ka ain fatin ruma atu garante konstrusaun fiziku monumentu ne’e ba oin.

Liu husi komemorasaun Masakre Santa Cruz, 12 Novembru, tinan ne’e, iha Semiteriu Santa Cruz, Domingu (12/11/2017), Primeiru Ministru (PM) Mari Alkatiri, esklarese katak, nia sei hein Xanana Gusmão, atu hari’i monumentu Masakre Santa Cruz nian.

Alkatiri rekoñese katak, tinan barak nia laran, mate restu 12 Novembru sira, kontinua levanta hela deit kona-ba problema konstrusaun Monumentu Masakre Santa Cruz nian no tanba buat hotu momentu neba iha Xanana nia mandatu, maka sei hein hela Xanana atu bele koalia hodi termina tiha konstrusaun ba monument ne’e iha tinan ne’e nia laran.

“Tanba uluk Xefi Negosiasaun Fronteira Xanana Gusmão mak lidera,  ita hein nia fila hodi ita bele koalia. Tuir ha’u nia vontade tinan ida ne´e tenke remata no ha’u espera katak iha tinan 2018, ami bele inaugura ona Monumentu   ba 12 Novembru,” informa PM Mari Alkatiri, ba jornalista sira, wainhira partisipa komorasaun loron Masakre Santa Cruz ba  dala-26 iha Simiterio Santa Cruz.

Lee hotu :   PN hasai segunda karta ba eis deputadu entrega Prado ''La kumpri, PNTL sei atua''

Xefi Governu Mari Alkatiri mos kontente ho joven sira nia partisipasaun iha komemorasaun, tinan ne’e, inklui joventude regiaun Administrativa Oecusse-Ambeno.

“Ha’u haree joven sira nia partisipasaun iha loron ida ne´e tanba espiritu Santa Cruz mak tama joven sira nia laran ho kontente iha nia kontinuidade, kontuinidade ba espiritu valores ba luta,” afirma Mari  Alkatiri.

Gasta orsamentu US$ 64.737

Husi sorin seluk Xefe Komisaun organizadora ba Komemorasaun loron 12 Novembru,  Sergio Marques, informa, preparasaun ba komemorasaun loron 12 Novembru, tinan ne’e gasta orsamentu US$ 64.737.

“Sekretáriu Estadu Juventude mak apoiu Orsanmentu total  US$ 64.737, atu halo atividades sira ne’ebé mak hanesan, dezeña programa, no aloka ba Munispiu, seminariu iha Munisípiu, reflesaun kalan iha Munisipiu, misa iha Munisípiu no kalan kultural iha Munisípiu,”hateten Sergio Marques (AMALI), bainhira hato’o relatoriu orsamental ba atividade 12 Novembru iha Santa Cruz Dili, Domingu (12/11).

Nia hatutan, Juventude nain 10 kada Munisipiu hala’o marsa, involve husi Postu Administrativu,  no konsentra iha ida-idak nia Munisípiu, no Munisipiu mai iha capital Dili.

Nia afirma,  prosesu la’o ne’e mak husi Munisipiu 3 hanesan Lospalos, Viqueque no Baucau, konsentra hamutuk iha Munisipiu Manatutu hodi  lao ain mai to’o, Díli hanesan mós parte Municipiu Covalima, Ainaro, Manufahi, konsentra hamutuk iha Munisipiu Aileu hodi la’o ain mai Dili, no Oe-cusse Maliana, Ermera mai konsentra hotu iha Munisipiu Liquiçaia mak la’o ain tama to’o Dili.

“Iha loron 11 Novembru, Municipiu Viqueque, Baucau no Manatotu misa iha Bedois  Ainaro, Aileu Manufahi Covalima konsentra iha lahane misa iha Lahane Osidental  no Oecusi, Ermera, Liquiça, Maliana konsentra iha Dom-Bosco halo misa iha Igreja Dom-Bosco,” relata Amali.

Lee hotu :   Mensajen bloku AMP ba Estadu klaru ''Posivel Taur reprezenta Xanana diálogu ho PR''

Entertantu Prezidente Komite 12 Novembru Grigorio Saldanha husu ba povu hotu liu-liu juventude  sira atu tu’ur hakmatek ho situasaun ne’ebé mak agora la’o hela.

“Situasaun iha ita nia rai laran, nune’e nai ulun sira bele tu’ur hamutuk hodi buka nia solusaun,”katak  Grigorio. Ety/Aba  

Add to Comments Here!!!!

error: Content is protected.
Secured By miniOrange
You might also like:
“Mundo ho Tetum” Loron-11 Fulan-Novembru Tinan-2017

LALAOK DESPORTU Ep. 15 “Choque Club”

Suspeitu 140 submete ba prosesu interogatoriu

Tribunal Distrital Dili halo primeiru interogatoriu...

Close